طلب مساعده ادخلو لو سمحتم>>عملية قص المعده في مستشفى النور

[ام الريم99]

الســــــــــــــــلام عــــلــــــيــــــــكــــــم



صباح // مساء الخير


كيف الحال جميعاً




اريد افادتكم اذا احد سوى او سمع عن عملية قص المعده في مستشفى النور

ارجوكم اريد المساعده بأي معلومات تفيدني لانني ارغب ان اعمل هذي العمليه

لان الدكتور نصحني بها وانا محتاره ومتردده ويقول المثل" اسأل مجرب ولا تسأل طبيب "




من فضلكم ردوووووووو علي بأسرع وقت ممكن






ودمــــــــــــــــــ في حفظ الرحمن ـــــــــم

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام الريم99]

[UM_RSHOODEE]

اختي ما انصحج في هاي العملية خير شر لا في مستشفى النور ولا اي مكان واحد نعرفه قبل فترة سوا في مستشفى النور ومن يومها ما شاف الخير دوم مريض بسبب العملية وواحد ثاني سواها في الخارج ورد وكانت له اعراض جانبية ولما راجع مستشفيات الدولة ما قدرو يسووله شي ونصحوه انه يراجع برع ولما راجع قالو في غلطة في العملية السابقة ويو يصلحوها زادو الطين بله الريال ما طلع من البنج اختي اتحملي من هالعملية ابوي حتى لما يا يسويها قالوله الدكتور ان هاي العملية تقصر العمر

[بسمة امل 33]

[فط فط 83]

اختي انا ما انصحج فيها لان كان حد من اهلنا بيسويها بس
على اخر لحظه وقفتها اخته الكبيره لانها حلمت حلم هب زين
و امه ما رقدت الليل و يتها احلام اتخوف عشان جيه ما سواها...

[ام الريم99]

تسلمون اخواتي العزيزات على الردود

[ام الريم99]

[ورد المنتدي]

أكبر خطر

[ام سعوود]

بس اخت ريلي واخووو سووها ما استوالهم شي بعيد الشر اخت ريلي من 4 شهور واخو من سنه

وللعلم اخو يلي كان وزنه 150

[احبه حيل]

اختي لا تسوينها ما انصحج

[Bint_fowz]

السلام عليج اختي
انا انصحج انج اتسوين العملية لاني انا و اختية امسوينها في مستشفى النور عند الدكتور عبد السلام و كان وزني انا 115 و وزن اختي 125 و تعالي شوفي الفرق الكل املاحظ افرق صدقيني يا اختي صحتج بتكون احسن طول عمرج ان شاء الله لا سكري و لا ضغط و انسداد في الشرايين حتى هذا كلام الدكتور هب كلامي انا لا تترددين صلي استخارة مو بس مرة وااايد صليها و شوفي

[Sh0_0g]

انا بعد افكر اسويها وحتارة
في بداية كنت اريد اسوي ربط معدة بس نصحوني بقص المعدة او تحويل مسار وانا محتارة
انا كل ما بغيت اسوي رجيم يزيد وزني 5 كيلو
للعلم انا وزني تقريبا 100

[بنتّّّالدلع]

انصح كل وحده قبل ما تسوي العمليه تصلي صلاة الاستخاره وتاخذ وقت تستخير
بصراحه عن نفسي ما انصح حد يسويه في وحده من هلي سوت عمليه تحوير وكان وزنها تقريبا 90 وعقب ما سوتها كان كل شي اوكيه بس نزلت 30 كيلو بصراحه صار ويها مب حلة ذبل العمليه تعدل شي وتخرب شي ولا تقدرين عقب تتحكمين كم بينزل من الوزن ينزل بروحه ويتبهدل لازم الواحد يسيطر على عمره فالاكل علشان ما يظطر للعمليه

[Bint_fowz]

السلام عليج اختي

انا سويت العملية في النور عند دكتورعبد السلام الحمدلله عملية نجحت و مافيها اي خووف

و الدكتور عبدالسلام استشاري و ثقة صرااحة هاذي انا و امي و اثنين من اخواني امسوينها قبلي و ماصار شي بلعكس و اتوكلي على الله و لا اتخافين

[Bint_fowz]

صلي استخارة و اتوكلي على الله تكفيج من الأمراض مثل السكري و الضغط و انسداد الشرايين و غيرها من الأمراض اتوكلي على الله