تأخر الدورة الشهرية

**الأميرة الحائرة** · 2007-02-24, 09:52

السلام عليكم ورحمة الله وبركاته

جيف حالكم ؟

عندي مشكلة اول مرة تصير لي بصراحة

كانت الدورة الشهرية منتظمة كل 21 يوم

بس هالشهر تأخرت عني 10 أيام

شو أسوي ؟؟

شو السبب والعلاج لهالمشكلة؟

علماً بأني فتاة غير متزوجة وعمري 27 سنة

المزيد من آخر المواضيع من نفس القسم:

**الأميرة الحائرة** · 2007-02-24, 13:41

وين الردود ؟:1 (25):

**ساحرة العيون** · 2007-02-24, 15:14

الغالية عليج بالقرفه تفورينها وتشربينها مع سكر خفيف

**عذاري44** · 2007-02-24, 23:30

هلا الغاليه...يمكن هالشي يكون طبيعي ويمكن تكون في مشاكل صحيه..مثلا تكيس المبايض...

فلااازم تراجعين الدكتوره...فمثلا انا صارلي تكيس في البنات وللعلم انا بنت مثلج...ففي المره الاولى استوتلي آلام فظيييعه في الجهه اليمين تحت البطن عند المبيض..وراجعتا وطلع تكيس والحمدلله تعالجت...
ورجعلي بعد مده سنتين تقريبا بس هالمره تاخرت الدوره عندي حوالي الشهر...ورحت راجعت وطلع تكيس في المبايض بس بحجم اكبر فعلشان جذه تاخرت الدوره وبعد الحمدلله تعالجت....والحين عقب مرووور كم سنه شكله اشوف رجعلي لأن الدوره متلخبطه وأشوف الدوره متأخره ....فما يندرا

وللعلم انا سألتها عن السبب ما جاوبتني بكلام عدل....بس عرفت ان كثيييييييييييير من البنات قبل الزواج ممكن يصيييييبهن وهذا شي عادي....

وانا ماقول ممكن يكون فيج هالشي بس أنصحج تراجعين الدكتوره....

والسموحه الغلا..

**الأميرة الحائرة** · 2007-02-24, 23:35

تسلمون ع الردود

وان شاء الله خير

**glass girl** · 2007-02-24, 23:38

روحي افحصي احسن يمكن تغير هرمونات او نفسيتج متغيره او اتكون عندج التهابات انا الدكتوره قالت لي انه الاتهابات مرات اتأخر الدوره على حسب درجتها

**ماسة شرجاويه** · 2007-02-25, 00:07

ما عندي علم انصحج تراجعين دكتوره

أختج
ماسة شرجاويه

**MiSs HoPe** · 2007-02-27, 12:55

اختي قبل كل شيء سلامتج وما تشوفين شر

بس احب اقولج ان احيانا الامر يكون عادي اذا كنتي تمرين بظروف نفسيه
فرح شديد او زعل شديد او حتى تغير مفاجيء في الجو
او تغيير في نظام الاكل او النوم
ترا كل هالامور ممكن تأثر وانتي ما تدرين

راقبيها الشهر الياي اذا رجعت مثل قبل فخلاص ... أزمه وعدت على خير
لكن اذا تمت متلخبطه فأنصحج تروحين تفحصين وان شاء الله ما فيج الا العافيه بس عشان تتطمنين

طمنينا عليج :22 (1):

**withlove** · 2007-02-27, 15:46

صح النفسية تاثر وايد فالدورة
و بعد لو تسوين ريجيم ممكن تتاخر

ما تشوفين شر

**زعفرانة** · 2007-02-27, 16:24

هلا أختي سلامات ما تشوفين شر ،،، نفس وضعي بالضبط أول مرة تتأخر عندي ....
عاد أنا بسم الله عليج قبضني عوق في البطن ولوووووووووعة مش طبيعية مع إني ما آكل شي من ثلاث أيام بسبب هاللوعة وآخرتها ألم فظيع في الصدر لدرجة ما اتحمل ملابسي ... رحت الدكتورة قالت هذا كله طبيعي ... رجعت البيت وقمت أشرب الجرفة مع سكر خفيف والحمدلله من ثاني يوم شرب اللي هو اليوم إنزلت عندي ... وأميه قالت بعد اليوم خل اشرب الجرفة عسب تنظف الرحم وينزل الدم .... والسمووووووووووحة طولت علييييييج

**الحياة** · 2007-02-27, 16:48

سوي تحليل للهرمونات

وممكن تسوين سونار لكشف اذا فيه تكيس او لا

**الأميرة الحائرة** · 2007-03-01, 00:13

تسلمون والله ما عليكم قصور

والله كريم = )

**الأميرة الحائرة** · 2007-03-01, 20:39

الحمد لله

أبشركم خواتي

اليوم شرفت لول

وأخيراً الله يهديها بعد طول انتظار

الحمد لله

ويزاكم الله خير على الاهتمام ^^

**fno0on** · 2007-03-01, 22:56

حمد لله على سلامتها ...

زين اللي يت الظاهر كانت تتريا اول الشهر ...

عليج بالجرفة عسب ما تتأخر مرة ثانية واتعيشين حالة توتر ...

والسموووحة منج..

**دمع الذكريات** · 2007-03-02, 00:39

عادي اختي وايد جذه
انا تتاخر عندي بالشهور
والسبب اظرابات هرمونيه
ومرات ما تنزل الا بحبوب والحين من م شهر جه
بس هالمره يوم خذيت حبوب تعبت من الحبوب وايد
ووقفتها ..
ويوم سويت فحص قالت لي الدكتوره هرمونات وبدايتة تكيس
والله تعب هالدوره نزلت تعب ولا مانزلت تعب ..

الموضوع: تأخر الدورة الشهرية

أدوات الموضوع

عرض

تأخر الدورة الشهرية

المزيد من آخر المواضيع من نفس القسم:

المواضيع المتشابهه

تأخر الدورة الشهرية ...

تأخر الدورة الشهرية؟؟؟

تأخر الدورة الشهرية وانقطاع الحيض

تأخر الدورة الشهرية عندي

تأخر الدورة الشهرية و انقطاع الحيض