هل انتي ندمانة ولا لااااااااا؟؟؟؟

[هند الشامسي]

:1 (7): السلام عليكم ..............عندي استفسار للمتزوجات و عندهم عيال...... .....هل في البداية كنتو تبون عيال بصورة مب طبيعية و عقب ما يبتو عيال تمنيتو لو انكم اخرتو سافة العيال و لا مثالاً ما يبتو عيال .:1 (34): ... مب لانكم كارهين عيالكم و ها الشي طبعاً ما ايصير ...بس مثالاً تتمنون لو انكم اخرتو سالفة العيال.......يعني هل في وحدة اتحس انها ما عطت نفسها حقها كفاية....:1 (2): .....في حد خاطره يرجع شوي بالزمن و ايعيش شعور الاستقلالية.....:22 (9): .......لانه كل ما تشوفني وحدة مشتطة و ابا احمل اتقولي (((( غــــــــــلــــــــــطانـــــة)))):1 (6): استمتعي ابحياتج على شو لاحقة...........هم و غم و صدعة......... ليش هل ينتهي دور المرأة كونها مرأة و تتحول لمجرد أم تربي عيالها و بس ....:1 (83): .......يالله بنات الي ندمانة تفظفظ و تقول ليش و الي مستناسة اباها تدعيلي ربي يرزقني شراتها :1 (21):

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[zoomyat]

والله يالغاليه اللي ماعنده يهال يبا يهال واللي عندها ما تبغي
فما بتحصلين وحده ما تتشكى ...

اليهال حلوين .. بس المشكله فالام مب فاليهال
اذا الام مفرغه عمرها حق عيالها وبالها طويل عليهم .. بتحب عيالها اكثر
بس اذا وحده فاره عيالها على الخدامه وماتدري عنهم الا فالسنه مره ! اذا الخدامه سافرت بتستوي الحرب العالميه في بيتها لانها ما بتكون عارفه شو هم يحبون وشو يسون !

--------
عن نفسي عندي بنوته وحده بعد اسبوع بتكمل سنه ربي يخليها لي .. وعاد اتعرفين الحياه يوم عسل ويوم لا .. يوم اتحن وايد اعصب عليها بس امسك عمري لانها صغيره شو بسوي يعني بضربها؟

الله يرزقج الذريه الصالحه ان شاء الله .. وتستانسين وياهم ..
بس لا اتمين اتحاتين واتقولين اوه ماحملت ومادري شو .. لان حسب اعتقادي ان نفسيه الام هي اللي اتاثر على الحمل.. اذا كنتي مرتاحه وما اتفكرين بالحمل بتحملين . واذا ٢٤ ساعه ماسكه جهاز الفحص وماحملت ومادري شو احس جي الحمل يتأخر مادري ليش .. بس جي احس ..

[هند الشامسي]

تسلمين اختي على الرد ........أنا خلاص عديت مرحلة المحاتاه و ايود جهاز الفحص لاني بدش السنة الثالثة الحين و الحمدالله على كل حال........و الله ايخليلج ميثا انشالله

[موزة سويدان]

بصراحه بالرغم من التعب و الارهاق و التفكير ووووووووو .. اذا عاد بي الزمن كنت بحمل مرة ثانيه و بييب عيالي مرة ثانية و بتحمل كل شي عشان اشوفهم يكبرون جدام عيوني .. الله يخليهم يا ربي و يرزق كل بنات حواء بهالنعمة !!

[أنستازيا]

" المال والبنون زينة الحياة الدنيا "
بصراحة الأطفال نعمة من رب العالمين 00
حتى لو نعصب عليهم أحيانا فهذي المشاكل ملح الحياة 00
ومن غيرها بتكون الحياة مملة ورتيبة ومالها طعم 00
وكل مرحلة في حياتنا لها طعمها وحلاوتها الخاصة 00
مثل مرحلة المدرسة وعقب الجامعة وعقب الملجة وعقب الزواج وعقب شهر العسل وعقب الحمل وعقب الولادة وعقب التربية وعقب التدريس 0000 الخ
يمكن تزداد صعوبة بس تتعلقين في كل شي 00
وتحسين مالج غنى عن كل شي حواليج 00
الله يرزقج الذرية الصالحة 00 بس لا تفكرين ولا تحاتين 00
يوم وقته المناسب لج 00 بيصير بدون تخطيط 00
" فإنما أمره إذا أراد شيئا أن يقول له كن فيكون " 00

[أنستازيا]

عندي لج نصيحة 00 كثري من الصدقات بنية صافية للخير 00
بينج وبين ربج 00 لها مفعول السحر في تفريج الكرب 00
سبحان الله 00

[فساتين عرايس]

تسلمين اختي على الرد ........أنا خلاص عديت مرحلة المحاتاه و ايود جهاز الفحص لاني بدش السنة الثالثة الحين و الحمدالله على كل حال........و الله ايخليلج ميثا انشالله

أنا نفس حبوبه قبل لاعرس كنت اقول لريلي انا ماريد عيال و باكل حبوب خراااااااااااابيط بنات ...

ونعصب ونتضارب ... (( ماعندنا سالفه *))

لكن عقب ماعرست ... تميت أحاتي متا بحمل وكل يوم قابضة جهاز الفحص :1 (6): وكل ماتتأخر أتفاءل و أحلم لكن فالنهاية :1 (5): نفسيه زفته و آآآلام الدوره تهلكني ....

يعني تخيلي إاذا يتني الدوره اصير مينونه والله أترقد فالمستشفاااا

لكن شنسوي ألحين ناااااسيه السالفه ممره ... وعيش حياتي ... والله كريم .. ونعم بالله سبحانه وتعالى

ربي لاتذرني فردا وانت خير الوارثين والحمدلله على كل حاااااال

[هند الشامسي]

أشكر الكل على تواصله و الله يرزق الجميع انشالله

[خوله الشحي]

السلام عليكم ورحمة الله وبركاته شخباركم بنات بالنسبه لي بنات من سنه ونص متزوجه وعندي ولدين توم والحمدالله واااايد احبهم بس تربيتهم صعبه وصراحه ما كنت افكر اني احمل بسرعه بس ربج اراد هالشي يصير واشتاق حق الايام الاولى للزواج وصراحه يوم ابغي اطلع ويا ريلي مكان بروحنا مانقدر عشان حشرة اليهال ونا الحين افكر ما احمل لين ما يكبرون وبعدين ان شاء الله احمل والله يرزقج ويرزق كل محرومه

[مــلاك]

والله العيال نعمه من ربنا كنت اقول ما ابى الحمل سنه بعد الزواج برتاح لكن يوم مرت خمس شهور ما حملت حسيت بشوق اني اييب ولد يلاعبني وامارس امومتي فيه صدق حسيت انه مرت عليه سنين ماحملت تميت احاتي والحمد لله بعد حوالي سبع شهور حملت وعندي الحين ولديه بالدنيا مالي عليه حياتي الفاضيه قبل الحمد لله الذي رزقنا من فضله والله يرزق اللي بعد ما حملت ويفرحها آمين

[withlove]

هلا و غلا
حتى انا يقولولي نفس الكلام انا حملت من شهرين بس عقب شهر من الحمل طاح و كان في العيد ( الاضحى ) و قعدت اصيح واااايد عليه لاني كنت اتمنى احمل و الله ما عيدت مثل الناس من الالم و الزعل
و امي و خواتي و حريم خواني كل وحدة فيهم تقول لا تصيحين عيشي حياتج شو تبين العيال من احين صدعة و حشرة و كل وحدة تقول شلي ولدي و لأ بنتي جان تبين عيال ( يبن الفكة منهم خخخخخخخ)
الله يرزقنا الذرية الصالحة يارب

بس بخبرج عن حرمة اخوي ما حملت الا بعد خمس سنوات من العرس و كانت دايم تحاتي و تتعالج عشان العيال لين الله رزقها بس مسكينه عذبها الوحام 6 شهور و ربت بعملية و بنتها طلعت صياحة بشكل فضيييييع ما تسكت ابدا
و الحين تقول و الله اني خبلت يوم كنت اصيح ابا عيال!

[جوري وعناب]

الله يرزق كل محرومه

وكثروا من الصدقات

[عنقود عنب]

الحمد لله على نعمه
صدق العيال نعمة ...............والوحدة منا اذا ما حملت فترة اتم اتحاتي
انا تميت بعد العرس قريب سنة ونص...........وبعدها حملت وما كان فيني مانع يمنع الحمل بس مكتوب ومقدر من رب العالمين
في البداية كنت مستانسة احس الهدوووووووووء والسكينة والخصوصية اللي اتمتع بها مع زوجي اتخليني ما افكر ابدا بالعيال
نطلع وقت ما نريد ........نسهر.............للصبح ..........ناخذ السيارة ونطلع دبي اي وقت حتى لو موب مخططين
بعد السنة تميت احاتي ليش ليش ليش ما احمل اكيد في شي
ههههههههههههههههههههههه واول ما حملت ( هههههههههههههههه) وسويت الاختبار وطلعت النتيجة ايجابية بكييييييييييييييييييييت ههههههههه استغفر الله
قلت خلااااااااااااااااااااااااااص راحت الوناسة باي ياااااااااااااي
وبعد ما ربيت بالسلامة بعدني ما حسيت هالشعور ...........اللي مفروض احسه كام!!!!!!!!!
ما ادري
بس مع الايام وكل ما تكبر بنتي حبي لها يزيد..............واحب يوم اطلع مثلا بروحي مع ريلي ارد اشوفها شو سوت وشو تخبرني
واتذكر مرة سافرت بره مع ريلي وخليتها مع امي وخواتي ..........يا اللله كانت في البداية صعبة بس بعدين هههههههههههههه اتعودت وبما انها عند يد امينة ما كنت احاتيها
بس يوم اتذكرها اصيح
بالرغم من هالشي ما كنت اقول ارد ههههههههههههههههههههههههههههههههههههه
وخذيت اجازة معتبرة قريب 20 يوم على ما اتذكر
بس اول ما رديت وشفتها صيااااااااااااااااااااااااااااح ( موب هي اناااااااااااااااااا ) هههههههه من الوله وهي ولا سالة فيني
بس يوم كبرت خلاص وراي وراي حتى بالسفر
صح التعب على اصوله بس ...........سبحان الله رغم هذا الشي اتخلي في البيت جو حلو
واذا نامت انتم نقول ياربي شو هالهدوووووووووووووء
وانسير صوبها انحبها وهي راقدة
واذا صحت نقول لااااااااااااااااااااااااااااااااااا
هذيلا العيال ما نقدر نعيش بلاهم
والله يعطي كل وحدة ولا يحرمها من الذرية الصالحة
واكيد بيمر عليكم مثل ما مر علينا

[هند الشامسي]

الله ايخليها لكم آمين

[زكية الذكية]

والله انا ما كنت اريد العيال في اول سنه زواج .. وكنت ابي أأخر كم سنه .... لكن خفت من الموانع ..
و"قدره الله قويه" ههه .. حملت بسرعه .. وولدي احبه وايد .. الحين انا مو ندمانه لان ان شالله في عرسه بكون صغيره وبلبس احلى فستان .. وبغصص بالعروس .. هههه ..

وان شالله اشوف عياله ويزقروني يدووه وانا بعدني صغيره واتغصص .. ههههه