خاطري اشتري كاميرا بروفيشنال ؟؟؟

**x REEM x** · 2009-02-06, 17:01

السلام عليكم ورحمة الله وبركاته ،،،

خاطري اشتري كاميرا واتكون بروفيشنال ،،، مع عدسه وحركات يعني ،،، صح تصويري عادي ،،، بس خاطري اتعلم عليها ،،، وأنا أحب التصوير

تنصحوني بأي ماركة ؟؟

خاطري بـــ Nikon D80 شفت ثنتين من الأخوات يستخدمنها ف المنتدى وما شاء الله التصوير حلو ،،،

ووين ممكن احصلها ؟؟ في اي محل يعني ،،،، في دبي طبعا ً

مثلاً محلات السلام ؟؟؟

مشكوراتـــــــــــــــــــــــــــــــــــــــــــ ــــــــــــــــــــــــــ

المزيد من آخر المواضيع من نفس القسم:

**Bleeding Love** · 2009-02-06, 19:31

حبوبه في محل virgin بـEmirates mall وعندج بعد كارفور يبيعون كاميرات بروفيشنال أوكيه مع عدساتهم ^^

**حروف الغلا** · 2009-02-06, 20:11

هيه حبيبتي نيكون روووووووووووووعه انا استخدمها وانصحج فيهااااااااا وبتلقينهاااااااااااااااااااااا في محلات السلاااااااام وانا من العين بتلقينها 1700 عاد الحينه تنزيلات ..........................

**x REEM x** · 2009-02-06, 23:18

ومشكورات اللي ردن

بس معقوله بحصلها بهذا السعر ؟؟؟؟ رخيصه

انزين تنصحوني بأي موديل ؟؟؟

**ساسي ذهب** · 2009-02-07, 00:05

حبوبه خذي بانا سونيك والله تصويرها تصوير المحترفين ,,,,,,

انا جربت وااايد وما عيبني غيرها

**x REEM x** · 2009-02-07, 06:20

للرفــــــــــــــــــــــــــــــــــــــــــــــ ـــــــــــــــــــع

**راعية اللكزس** · 2009-02-07, 06:43

يمدجون كانون ...والله يوفقج

**صمت الألم** · 2009-02-07, 06:45

هلا الغلا

وكيل كاميرات النيكون هم المحلات الكبرى

والكاميرا اللي تقولين عنها بتحصلينها 4000 وفوق

والحين الكل ياخذ كانون على اساس انها ارخص

من النيكون

**x REEM x** · 2009-02-07, 07:28

للرفــــــــــــــــــــــــــــــــــــــــــــــ ـــــــــــــــــع

**x REEM x** · 2009-02-07, 16:31

**Pink.Rose** · 2009-02-07, 18:24

للرفع

**x REEM x** · 2009-02-08, 08:58

مشكورااااااااااااااااااات ع الرد

بس بعدني محتاره

خبروني عن تجاربكم بليز

**مطنشة** · 2009-02-08, 14:15

كيمرة كونن

**x REEM x** · 2009-02-08, 16:09

المشاركة الأصلية كتبت بواسطة مطنشة

كيمرة كونن

لوووووووووووول

يعني نيكون وإلا كانون ؟؟

**TaLa** · 2009-02-08, 16:25

انا اقولج ..
اذا انتي حابه تحترفين التصوير .. يعني مب تصوير عادي ولا مال شهرين وبتعقين الكاميرا
عليج ب nikon اما اذا تبينها جذي بس .. او حابه تحترفين بس اتخافين اتملين اخذي canon

انا ما اقول ان الكانون مب زينه بس النيكون احسن .. النيكون وايد اغلى من ناحيه البودي والعدسات وباجي العدة اما الكانون أرخص

يعني اول شي يعتمد على ميزانيتج
بالنسبة لكاميرات النيكون
اذا تبين بروفيشينال بروفيشينال
عليج ب nikon d 300 او d 200
وهذي من اقوى كاميرات النيكون وهالاثنين ما يقلون عن 15 الف .. الحين ويا التنزيلات ما اعرف عاد
عندج ال d 700 اهي وسط بين ال d300& d200
وسعرها فوق ال 10 الآلاف

بس نصيحتي لج لا تبدين ببروفيشينال على طول .. وخصوصا النيكون لانه استخدامها وايد اصعب عن الكانون

عندج بعد من النيكون
d90 واهي اقرب كاميرا ل d300 وd200
وسعرها تقريبا 6000

واذا تبين اتمشين الحال .. يعني بس كاميرا slr وخلاص . عندج d60 و d70 و d40x
و كلهم اوكي بس ما انصحج ب d70 ما يعجبني تصويرها اا
وهالكاميرات بحدود ال 3000 الى 5000

في بعد نوع من كاميرات النيكون بس اتكون بودي وعدسه .. يعني عدسه ثابته بس م اذكر سعرها كم ولا رقمها

هذا بخصوص النيكون

اما الكانون ..
بروفيشينال بروفيشينال .. عندج 5d mark I قبل كان سعرها 21 الف بس لما نزلت 5d mark II نزل سعرها

وعندج 450d و400d وايد اوكي بس 400d تصويرها احلى
وبحدود ال 3000 لـ 4000

واخيرا عندج 1000d واهي بين ال 400d و 450d
ومواصفاتها اقل شوي و سعرها مناسب .. بحدود ال 3000 او اقل

اتوقع انتي سألتي عن ال d80 من النيكون او حد نصحج فيها .. نصيحه مني ك مصورة فوتوغرافيه .. ابدا لا تفكرين فيها .. لانها مب لين هناك .. ومعضم المصورين الي خذوها .. ردو باعوها

و فالاول والاخير يعتمد على ميزانيتج
لا تقولين بوفر وما بشتري عدسات وفلاشات ... انا اقول لج اول شي بتقولين جذي بعدين بتقولين لا .. أبي آخذ باجي الادوات

وعدسات النكون غاليه . اما الكانون رخيصه

عاد الحين انتي اختاري الي يريحج

واذا عندج اي استفسار اسأليني

الموضوع: خاطري اشتري كاميرا بروفيشنال ؟؟؟

أدوات الموضوع

عرض

خاطري اشتري كاميرا بروفيشنال ؟؟؟

المزيد من آخر المواضيع من نفس القسم:

المواضيع المتشابهه

مطلوب كاميرا بروفيشنال و احترافية

كاميرا كانون 550D بروفيشنال

خاطري في كاميرا بروفيشنال