بناااااااااااات لقيت تلفون في سيارة ريلي..!!!! الجزء الثالث ( قراري ) !!!!!

**اساور ذهب** · 2009-01-16, 01:41

ادري بكن كلكن تريني وادري بكن كلكن تدعلي ولهذا السبب مابغيت اكتب مشكلتي ولاقي الحل منكن وروح ولا ارد اكمل لكن الي صااار ..
لنكن ماتهووون عليه ..

وعرفت من الرسايل الي توصلني في المنتدى اني مب انا الوحيده الي صارله هل موقف بس انا الي صارلي اكبر لاني شفت صورت الي كااان يرمسسهاااا ... وشف مسجاااتهم...

بناااات بقولكن الي صااار عقب اخر موضوع كتبته لكن وطبعاااا قريييييييييييت كلللللللللل الردوود والله شاااهد بس مالحقة ارد .. حسيت بكن كلكن متعاطفااات ويايه..

ودعوه من القلب ..الله يجزيكن كل خير ... لو ما الله ثم انتن ماعرفت وين اعق راااسي...

بكمل لكن الي صار عقب اخر موضوع كتبته الي هو هنيه...
http://forum.uaewomen.net/showthread.php?t=385092

رحت بيت هلي يومين وهل يومين ضغطت علي نفسي بصوره مب طبيعيه ااستويت اضحك سولف بس يوم ايي حط راسي تراودني افكاار وقعد اصيح اسير وتوضا وصلي ودعي الله يفرجها عليه ..

ويوم اشوف عياااالي اقووول حراااام ابدي مصللحتي علي مصلحت عيااالي.. بكون انانيه !!!

كان يحرق تلفوني كل دقيقه يساال عني وكان قبل طوول فترت دوامه مايدق لناا مره كل ثلاث ايام او الي اذا انا دقيت...

يتني حااااله كل ماتخيل صورتهاا وصورت صدرهاااا كان حتى بطنها طااالع..!!!
ومسجاتهااا وانقهرت مابغيت ارد عليه وكتبت له ((انساني))

دق حولي 20 مكالمه متواااصله غير المسجااات ارجوج ردي بنتفاااهم...

كاان يقولي كل الي تبينه بيصير..

قررت وقلتله انا بعيش عندك مب عشاانك عشااان عياااالي
بس لي شروووط ... واذا اختل اي واحد منهن مابشااورك بروح بيت هلي وبيكون اخر شي بيناااا...

قال مواااقف .. بكل ثقه..

اول شرط : صلاة المسيد واهمها صلاة الفير (( بتقولن ليش بذات الصلاه بقولكن " ان الصلاة تنهى عن الفحشاء والمنكر والبغى " ))

ثاني شرط: يتحملني ويتحمل تصرافتي لين اقدر انسى الي صاااار,,

ثالث شرط: يعوضني عن كل شي سواه فيني وفي عياااله من اهمااال و كلام جاااف وصريخ(( لاني ماقدرت انسى يا بنااات يوم كنت اقووووله قولي كلام حلووو قال ماااعرف تبيني اجاااملج ..!! وطلع يقولهاا كلام حلوووو قريته في المسجاااات هل شي عمري مابسامحه عليه عيشني طووول هسنين كلمه حلوه ماسمع منه..

رابع شرط: قلتله كل مايدقن فبالك دق لي وقولي يا فلانه تراااه بليس بغا يضحك عليه شو الصرفه وانا بسااعدك كل مااتحس انك تبا ترمس دق لي انا حتى لو راقده بنش..
قلت له قولي كل شي يصير لك طووول اليوم من تصبح لين تمسي
تلفونك تفتح القفل عنه وتخلي عمره عادي ومن ايك رقم او ادق لك بنت عطني ياها انا برمسها..
(( ووياد بضغط ع نفسي وباخذ بيده وبساااعده اخرتهااا هذا بو عيااالي الي ماعرفت غيره ))وافق,,, وقال كل ماتشوفيني قصرت ردي قوليلي وكثر مابقدر بسعدج انتي ويعاااالج..
طلعنا اليوووم وكنت مبسوطه صح غلط عليه وااااااااااااااايد مب شوي بس والله والله العظيم يا بناااات اول مره يطلعني من عقب شهر العسل طلعه مب هيه سوق ولا هيه بيت هلي طلعه مثل العااالم ونااااس
لو تشووفن عيااالي كيف انبسطووو اول مره ابوهم يوصلهم حديقه...

بناااات كسرين خاطري عيااالي مشانهم رديت ورضيت بالمذله وهو قااالي لو وحده غيرج ماسامحتني
ولا حد يدري من هل حتى خوااتي ماخبرتهن ..

ماريد تشوه صورته قدامهم,,,,

معاملته تغيرت صوبي تغيرت ميه وثمانين درجه قاااالي كنت قاااسي كنت اصرف ويااج جيه بدون ماحس ويوم اشوفج راقده وانتي متعدله وكنتي تريني وتاخرت برا لاني ارمسهن اكره عمري..

قالي كنتي ادقين وانا ارمسهن..
...!!

بس ماكان يقصر بالفلوووس ماحب اظلمه..

قااالي انتي بقلبج هذا تستاهلين انسان يسعدج بس اوعدج انسيج بو فلاان القديم بدا صفحه يديده
قااالي عمري ماحسيت بسعاااده الي يوم طلع من صلاة الفير وتهبني المهب ..

في الاخير صح بقلبي ويع وكل مايلس بروحي اصيح بس الي سويته صح ولي الاجر عند الله .. وانا حااسه دعائكن لي استجاب .. الله لا يوريكن مكروه...

(((همسه اخيره لكل بنت ترمس انتبهي يمكن تهدمين عاائله وتفرقين االعيال عن امهم.. يمكن انا رضيت غيري مايرضا ,, يمكن تكون حرمته مب مقصره وجحل عيونها السهر ترياه وهو في سياره يرمسج ...
بدل الاثم بيكون ع رقبج اثااااام ترا الدنياااا زاااايله ومابتشلين منها غير جفنج وعملج الصاااالح )))

المزيد من آخر المواضيع من نفس القسم:

**لحظات عابرة** · 2009-01-16, 01:46

الحمد للة انه الامور انحلت بينكم ووايد رياييل الخيانة تسري بعروقهم
لكن فيه اللي يتوب وفيه اللي يستمر ..الغالية ريلج مبين انه يحبج وايد ..الحمدللة
في رياييل عادي عندهم لو الحرمة اكتشفت الخيانة ما يهمه زعلها ويتمادى
لكن ريلج ركض وراج عشان تسامحينه
الله يهدي البنات اللي يركضون ورى وهم الحب والعلاقات الغرامية

**نااعمه** · 2009-01-16, 01:48

الله يوفقج ويريحج ويهديه يا رب

**meme123456789** · 2009-01-16, 01:48

احسن حل سويتية والله يوفجج وان شاء الله اخر عذاب لج ياارب

والله يفرجها ع كل وحدة تعاني شراتج

**اساور ذهب** · 2009-01-16, 01:50

لحظه
نعامه
مي مي
الله يجزيكن خير

**كيوت ومن** · 2009-01-16, 01:52

حمدالله ع كل الحااااال ..
الله يخليكم لبعض ..
والله يبعد عنكم بنات الحرام ياااااارب وتتيسر اموركم واتشوفين سعادتج معاه

**ام وعووودي** · 2009-01-16, 01:54

فدييييييييييييييييييتج الحمد لله ان الامور احتلت
وديري بالج عليه وحطيه في عيونج غلاي مهما كان انتي فاهمه ريلج شوفيه

الله يوفجكم ويهنيكم

**أحبك يا دنيتي** · 2009-01-16, 01:54

والله فرحتلج من قلبي

وصح اللي سويتيه

والله يديم عليكم المحبه يارب

ويبعد عنه كل البنات ويحليييييييييييييييييييييييييييييج في عيونه

موفقه فديتج

**الــــورده** · 2009-01-16, 01:58

اتصدقين كنت وايد افكر فيج وكيف بتحلين الموضوع

بس الحمدالله انه الله صبرج وقدرتي تقررين صح

ربي يصبرج وينسيج الي صار ويهدي ريلج لج ولعيالج

يعل الياي احسن من الي راح وتمي عند موقفج وحسسيه انه القرار مب كلام وبس

ربي يصلحه لما فيه الخير لكم قولي امين

**شموخ عليا** · 2009-01-16, 01:58

الله يسعدج الغالية

و يصلح ذات بينكما

و فديتج خذيها مني كلمة الغالية من مجربة...ضحي عشان عيالج لكن بحدود..يعني شي ما يمس كرامتج..و خصوصا جدام لعيال..عشان هم بعد لما يكبرون يحترمونج....
يالله اشكثر الأم تتحمل عشان لعيال...الله يبارك فيهم يارب..و يجعلهم قرة عين لج ولأبوهم..و الله يهدي زوجك الغالية و يسخره لج..
الله يسعدج دنيا و آخرة..
و تقبلي مروري..

**اساور ذهب** · 2009-01-16, 02:01

المشاركة الأصلية كتبت بواسطة شموخ عليا

الله يسعدج الغالية

و يصلح ذات بينكما

و فديتج خذيها مني كلمة الغالية من مجربة...ضحي عشان عيالج لكن بحدود..يعني شي ما يمس كرامتج..و خصوصا جدام لعيال..عشان هم بعد لما يكبرون يحترمونج....
يالله اشكثر الأم تتحمل عشان لعيال...الله يبارك فيهم يارب..و يجعلهم قرة عين لج ولأبوهم..و الله يهدي زوجك الغالية و يسخره لج..
الله يسعدج دنيا و آخرة..
و تقبلي مروري..

انا الحمد الله حاسه الي سويته صح

يمكن كلامج صح وبغيت ارد ودافع عن نفسي ولا عرفت شو اكتب بس هذيلا عياااااااااااالي الي حملت بهم 9 اشهر وتحملت ويع الولاده
وربيتهم بروحي في غيااابه اخر شي اكون انا سبب في شتاتهم؟؟؟

ماعليه الغاااليه هاي الدنياااا ان ماعوضني ربي فيها بيعوضني في الاخره

**اساور ذهب** · 2009-01-16, 02:02

المشاركة الأصلية كتبت بواسطة الــــورده

اتصدقين كنت وايد افكر فيج وكيف بتحلين الموضوع

بس الحمدالله انه الله صبرج وقدرتي تقررين صح

ربي يصبرج وينسيج الي صار ويهدي ريلج لج ولعيالج

يعل الياي احسن من الي راح وتمي عند موقفج وحسسيه انه القرار مب كلام وبس

ربي يصلحه لما فيه الخير لكم قولي امين

الحمد الله و مشكوره فديتج

**مـهرة** · 2009-01-16, 02:09

انسي اللي صار وابدي صفحه يديده ,,, ارمي كل اللي صار ورا ظهرج

والله يسعدكم ويوفقهم ^ـــــــــــ^

(((همسه اخيره لكل بنت ترمس انتبهي يمكن تهدمين عاائله وتفرقين االعيال عن امهم.. يمكن انا رضيت غيري مايرضا ,, يمكن تكون حرمته مب مقصره وجحل عيونها السهر ترياه وهو في سياره يرمسج ...
بدل الاثم بيكون ع رقبج اثااااام ترا الدنياااا زاااايله ومابتشلين منها غير جفنج وعملج الصاااالح )))

**Wolves_grl** · 2009-01-16, 02:21

الحمدالله حبووبه

وربي يوفقج ياربي ^_^

**شموخ عليا** · 2009-01-16, 02:22

الله يسعدج الغالية

و الغالية أنا قبل كنت مثلج و أكثر أنت شفتي ( لدرجة أني كنت أشوف ملابس داخلية نسائية..و غير اللانجريات...)

و صبرت الغالية و دست علي قلبي و كرامتي سنين..عشان خاطر عيالي..
و في الأخر هجرني و تركني لا راعى العشرة و لا صبري..

و عيالي اللي صبرت عشانهم...كبروا و صاروا يعاملوني...بقلة إحترام..تعرفين ليش عشان يوم كانوا صغار سمحت لأبوهم ايهيني جدامهم...على بالي جاعدة أسكت و اتحمل عشانهم..و طلعت أكبر مغفلة بطيبة قلبي الزايدة...
و اليوم الحمدلله انتهى كل اللي بيني و بين أبوهم...
و ادعي لهم بالهداية...

تعرفين ليش قاعدة احكي لج...عسب ما تغلطين نفس غلطتي...
و الغالية الناس معادن...و إن شاء الله أبو عيالج يطلع في البركة ....

و الله يبارك لج في أبو عيالج...و يهديه الغالية

الغالية داومي على سورة البقرة...
و الله يحفظج و يسعدج دنيا و آخرة,,,

الموضوع: بناااااااااااات لقيت تلفون في سيارة ريلي..!!!! الجزء الثالث ( قراري ) !!!!!

أدوات الموضوع

عرض

بناااااااااااات لقيت تلفون في سيارة ريلي..!!!! الجزء الثالث ( قراري ) !!!!!

المزيد من آخر المواضيع من نفس القسم:

المواضيع المتشابهه

مشكلتي مع ريلي الجزء الثالث

تعالوا اسمعوا قراري وراي ريلي والله محد فاهمني تعبت 000

بناااااااااااات لقيت تلفون في سيارة ريلي..!!!!

بناااااااااااات لقيت تلفون في سيارة ريلي..!!!! الجزء الثاني !!!!!

ريلي ماعرف شو بلااااه مب طايقتنه ابدا الجزء الثالث :(