كيف اقدم ماجستير ؟؟؟

**امـــــل** · 2009-01-09, 19:18

السلام عليكم ورحمه الله

اخواتي العزيزات

انا من السعوديه

كيف اقدم على دراسه ما جستير في جامعاتكم ..................

وما الشروط وغير ذلك

وجزاكم الله خير

المزيد من آخر المواضيع من نفس القسم:

**امـــــل** · 2009-01-10, 08:13

up >>>>>>>>

**::قصـــــايد::** · 2009-01-10, 08:59

يعتمد ع الجامعه يا ختيه ،، هذا موقع جامعة الامارات تقدرين تستفسرين منهم لنهم يطرحون الماجستير بس فتخصصات محدودة وهي جامعة حكومية ومب خاصة

www.uaeu.ac.ae

الله يوفقج يا ختيه ويسعدج

**عيمانيه** · 2009-01-10, 13:01

فاي جامعه تبين اتقدمين ؟

الشروط تختلف من جامعه لثانيه

**امـــــل** · 2009-01-10, 13:25

اشكركم

انا ما عندي جامعه معينه

ف ابيكم تفيدوني

انا تخصص عربي .............هل يصير الما جستير اجباري نفس التخصص ولا غير

وابغى في ابو ظبي

وطبعا ابغى جامعه حكوميه مو على حسابي .............

**امـــــل** · 2009-01-10, 13:26

الموقع انجلش وانا ميح في الانجلش يادوب كم كلمه

تخصص عربي .................هههههه

**"شموخ"** · 2009-01-10, 13:38

ربي يوفقج ان شاء الله

**جزيرة الأمان** · 2009-01-10, 14:30

المشاركة الأصلية كتبت بواسطة امـــــل

اشكركم

انا ما عندي جامعه معينه

ف ابيكم تفيدوني

انا تخصص عربي .............هل يصير الما جستير اجباري نفس التخصص ولا غير

وابغى في ابو ظبي

وطبعا ابغى جامعه حكوميه مو على حسابي .............

مرحبا الغالية...

مافي عندنا ماجستير مجاني!! جامعاتنا ندرس فيها لين البكالوريوس مجاناً.. والماجستير واللي بعده على حسابنا سواء جامعة حكومية ولاّ خاصة...

موفقة،،

**امـــــل** · 2009-01-10, 16:52

المشاركة الأصلية كتبت بواسطة جزيرة الأمان

مرحبا الغالية...

مافي عندنا ماجستير مجاني!! جامعاتنا ندرس فيها لين البكالوريوس مجاناً.. والماجستير واللي بعده على حسابنا سواء جامعة حكومية ولاّ خاصة...

موفقة،،

انا ابغى ابتعاث انا من السعوديه و الابتعاث على حساب الدوله

**مبدعة الامارات** · 2009-01-10, 23:21

لازم حبيبتي يكون عندج الآيلس او التوفل هذا اهم اهم اهم شي فلجامعه

**مبدعة الامارات** · 2009-01-10, 23:22

وحيا الله اهل السعوديه

**راعية اللكزس** · 2009-01-11, 13:27

للرفع

**امـــــل** · 2009-01-12, 00:25

المشاركة الأصلية كتبت بواسطة مبدعة الامارات

لازم حبيبتي يكون عندج الآيلس او التوفل هذا اهم اهم اهم شي فلجامعه

اختي ماهو هذا الآيلس او التوفل <<<<<< ارجو التوضيح

ومشكورين

**yuliaa** · 2009-01-12, 04:45

مرحبا اختي ..
اول شي كل جامعات الدولة تقريبا الماجستير فيها غير مجاني حتى الجامعات الحكوميه .. طبعا مدام انتي عندج منحه يعني دولتج بتدفع تكاليف الدراسه هذا شي ثان .
نقطه ثانيه : الدراسه بالانجليزيه .. علشان جذي لازم يكون عندج شهادة ايلتس او توفل و هي شهادة اختبار للانجليزيه و تيبين فيها درجة معينه اتاهلج انج تدرسين الماستر طبعا الدرجة المطلوبة على حسب كل جامعة.. بس اذا انتي كنتي تريدين ماجستير لغه عربيه او قانون او شريعه هذا شي ثاني لانه بعض الجامعات تطرح بالعربي .. بس لازم تحصلين جامعه تطرحه ..
بالنسبه للتخصص ما يعتمد على شهادتج البكالوريوس عادي يكون مختلف . لكن بعض الجامعات تتطلب تخصص مشابه ..
الحين بعطيج لسته لبعض الجامعات بالدولة و انتي تقدرين تددخلين على موقعها و تجوفين البرامج المطرووحه و شوو المطلوب للقبول..
جامعة الامارات - مقرها بالعين . لكن ماجستير ادارة الاعمال للتنفيذيين مقره بوظبي
جامعة بوظبي
جامعة الحصن
جامعة زايد
جامعة خليفه
هذي الجامعات اللي في ابوظبي ,. و اعتقد يمكن بس جامعة الامارات اللي بتلاقين فيها ماجستير عربي بس مش اكيدد
.. فيه جامعات غيرها في دبي نفس الجامعه الامريكية و البريطانية و الكندية و ولونغ و غيرها واايدات بس ما يدرسووون بالعربي ابدا ..
في عندج معهد آل مكتوم للدراسات الاسلامية بس جيكي اذا عندهم ماستر للي تبينه..
بالتوفيج يا رب

**امـــــل** · 2009-01-12, 08:18

اختي YULIAA

اشكرك على التوضيح الله يجزاك على قد نيتك

انا ابغى اطلب منحه ........... في ابو ظبي لان زوجي اذا قبلوا المنحه بيقدر يقدم على نقل هناك .... ظروف عمله تسمح

انا كنت ناويه اقدم على حاسب او علم نفس .<<<<<<<<<<<<<< هل هما بالانجلش

واذا كان نعم بالانجلش ابشوف تخصص اخر ............ زي العربي او ما يطرح عندكم بالعربي

هل الجامعات اللي طرحتيها في ابو ظبي كلها ؟؟؟؟؟؟؟؟؟؟؟؟؟

واشكرك اببحث عن موقعهم واشوف يقبلون او لا

بس سؤالي هل يشترط درجه معينه للبكالريوس ليتم القبول في الماجستير

انا عندنا ضروري سنه التخرج ومعدل التخرج له شروط معينه .......عشان كذا بغيت اسال عن الشهاده عندكم

الموضوع: كيف اقدم ماجستير ؟؟؟

أدوات الموضوع

عرض

كيف اقدم ماجستير ؟؟؟

المزيد من آخر المواضيع من نفس القسم:

المواضيع المتشابهه

ماجستير

ماجستير

طالبة ماجستير صارت خريجة ماجستير

ابا اخذ ماجستير

ماجستير