اكبر تجمع للبنات اللي يبن يضعفن مدة الموضوع شهر من اليوم قربن يا رشيقات المستقبل

[أم محمد ...]

مرحبا بناتات شحالكن عسااااكن بخير وصحة وعافية .. بدون مقدماااااااااات طبعا الكل يشوف حواليية العرب يضعفوون اخته تضعف حرمة اخووه تضعف بنت عمج تضعف ربيعتج تضعف زميلتج في الشغل استوت رشيييييييييقة ماودكن تكووووووونن حديث الموسم ما ودكم تلبسون اللبس وانتن تحسن بالثقة والفرحة بدال ما تلبسن شيء واطالعن كروشة جانها ناقزة والا شيء من جسمج متبهدل والا متييييين ما ودكم نكوووووون رشيقات بأوزان من 50-60 كيلوو كلنااااااا نبى نكووووووون رشيقات ونبى نلبس احلا الملابس ونبى نلبس الالوان اللي ما نلبسها ونبى نفر الاسود والبني اللي اونة يغطي عيوب اجسامنا كلنا نبى نلبس الفساتين الحلوه ونبى الانظار علينا نحن لو فكرنا شوي بنشووف ان المتن يأثر على البنت ويخليها عانس لأن ما ريال يبى وحده متينة وهيه بعدها بنت عيل لو بتيب العيل بنقع فييييل الكل يبى الرشاقة حتى الوظايف يوظفون الناس الرشيقة اللي تروم تتحرك بخفة وتمارس حياتها بطبيعيه والحرمة المعرسة ويلها من عمرها اذا ظهرت مكان لقات عيون بو الشباب عند الرشيقات الجميلات هل هالشيء كله من الناس لالالالالالالالا هاذا شيء نحن مسوينة بعمارنا حشرنا عمارنا بقوقعه المتن والشحوم واللحوم الخطر يحووم حوالينا في اي لحضة نحن مهددات بالسكرر والضغط والقلب والتصلب الشرياني وفي كل لحضة نحن نضيعها على الاكل نضيع من عمارنا سنة على مستقبل اما انكون متزوجات او حريم عاملات نافعات للمجتمع ادري شعور كل وحده فيكن انا متعايزة مااروم اقاوم الاكل طيب لا تقاوميين الغرض من برنامجنا انج تاكليين لاكن ربع اللي تاكلينة يوميا الجسم يحتاج للفيتامينات والبروتينات برنامجنا يعتمد على الخضراوات والعصاير والاعشاب ومنعا باتا العشاء في الليل طبعا شيء خفيف مافيه مانع انا بقولكم تجرتبي في سنة من السنوات وصل وزني الى 97 طبعا انا سني صغير جدا حاليا انا 18 سنة والساالفة هاي لما كان عمري 13 سنة بوزن 97 تخيلوو اتخربطت هرموناتي والدورة مش ماشية اوكي تيلس لي فوق 30 يوم تقول نفاس وويهي اخترب وشعري رااح على الاخير وكل هاذا بسبب المتن عزمت اني امتنع عن العشاء وامارس الرياظة وخلال شهر بالظبط وصل وزني 79 يعني خسارة قدرها 18 كيلووو وهاذا شيء حلوو لوحده تاكل كل شيء بس باعتدال وطبعا رديت كملت مشواري لين وصلت لوزن 60 كيلوو وكل هاذا خلال 3 شهور بشووه بابتعاد عن العشاء وممارسة الرياظة وشرب العصاير والاكل البسيط طبعا حافضت على جسمي لحد ما وصلت ثاني ثنوي تعرفت على بنات خلوني آكل الاخضر واليابس وريدت وصلت 90 كيلوو والعام اللي يهديني بسبب ضغوط الثنوية العامة وصل وزني 105.4 كيلوو تخيلوو لبنت عمرها اونلي 18 سنة طيب لييييييييييش انا اخلي عمري جييييييييييييه ليييييييش الكل متمع بحياتة وبرشاقته وانا ادبل على نفسي الكيلواااات حرااااااااااااام حرااااااااااااام وقررت اني افتح هاذا التجمع عشاااااااااان كلنا ياللي نعاني من السمنة نشجع بعض ونحمس بعض ونخفف اكل لنصبح رشيقااااات المستقبل

تجمعنا بيكون كالتالي :
للي أوزانهن 50 كيلو وما فوق تكتب باللون الاخضر
للي اوزانهن من ستين ومافوق تكتب باللون الزهري
للي اوزانهن من سبعين ومافوق تكتب باللون العيناوي
للي أوزانهن من 80 ومافوق تكتب باللون الازرق
للي أوزانهن من 90 ومافوق تكتب بالاسود
للي اوزانهن من 100 ومافوق تكتب باللون الاحمر

والوزن بيكون كل سبت كل وحده اطرش وزنها على الخاص يعني قبل وبعد وبنسوي تقرير وبتكون في جائزة للي تنقص اكثر بنات خلكن عاد بذمة وضمير اللي تحس انها بتستمر على الاقل لين ما تعدي لون من الالوان يعني لو كنتي 100وصلتي 95 على الاقل تكونين طلعتي من مرحلة أوكيي والتسجييييل بدى

انا أولا : أم محمد ...
الطول : 167
الوزن : 105.4

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بنت العين 84]

انا بنت العين
الطول 159
الوزن 75

[NaughtyDxb]

NaughtyDxb
وزني 69
طولي 163

[ssoo]

انا وياكم...
ssoo
الوزن : 58
الطول : 154

[أم محمد ...]

مرحبا الساع ببنت العين وسووو وNaughtyDxb نورتووووووو الموووضووووووع خبرونا شو كلتوو اليوم وشو مضايقنكم خلونا اكثر من خوات في هاذا الموضووع صدقوني بنضعف

[ssoo]

هلا ااااااااااااااااا


ريوقي كان كوفي...

والغدا..قرنبيط مشوي ويا روب ويا شريحتين برتقال..

وعقب شربت جاي اخضر


والعشاء لين احين ماعرف...ان شاءالله ما اخبص

[بحرالحرمان]

انا وياكم
بحرالحرمان
الوزن82
الطول 165


اليوم الصبح ما اكلت شي لاني قعدت متأخره
الغداء اكلت وحده بطاطا مسلوووقه بدون ملح والحمدلله شبعتني
وباخذ شاي اخضر
وبس وان شاء الله بواصل للعشا وباخذ بعد بطاطايه مسلوووقه

وسلامتكم

[ssoo]

انا شكلي باجر ببدا برجيم البطاطا المسلوقه ان شاءالله

[طير الود]

صدقج يا ام محمد
كلة الكلام اللي كتبتية صح

نحن صغار و كل وحدة منا حاملة ها الورن وياها واللي يشوفنا يتحسبنى حريم كبار

وانا دوم كانو يسموني ام عيال تخيلي
انا نفسج كان ولاني 104 و عمري 18 =(


بس ما شالله عليج من 97 لين 60 و ان شالله بترجعين 60 بس لا تخلين حد يأثر عليج و كلنا موجودين و بنشجع بعض

انا طبعا اكيد وياكم ابا اضعف و اوصل للورن المثالي


طير الود
طولي: 158
الورن: 70
الهدف الاول : 65
الهدف الثاني و الاخير: 60

[طير الود]

يومياتي

الريوق (____راقدة____) وها اكبر غلط وجبة الفطور اهم شي

الغدى( 4 ملاعق معكرونة)

وعقب الغدى بساعة شربت شاي اخضر+ميرامية


و العشى بيكون الساعة 6 يمكن تفاحة او اشرب حليب خالي الدسم

و اهم شي الرياضة بسوي عقب العشا مشي نص ساعة

[ميمو0]

الاسم : ميمو0
الوزن الحالي:60
الطول:163
الهدف الاول :55
الهدف الثاني :50
انه متوني كله من الشيبس يعني عندي عادي ان اكل من 7-9 اكياس شيبس في اليوم
فنويت اقطع عنه نهائيااااا ,وما اكل الخبز سواء كان ابيض ولا اسمر ولا ارز

[أم محمد ...]

هلا سوو ممتاز نظامج العشاء ممكن تخلينة روب بالخيار نص كوب
انا اليوم ما تريقت لأني ناشة متأخر
تغديت سلطة مع بطاطا مسلوق
العصر شربت جاهي اخضر
العشاء افكر اشرب عصير ليمون

[أم محمد ...]

طير الورد مرحبا الساع فييج نورتي الموضوع واهلن بحضورج وربي ان شاء الله توصلين لعالم الستيين يالله يابنات همتكن ميمموو قطعي الجيبس بس ممكن تاكلين كيس واحد في اليوم على اساس انج ما تنفجرين من الرجيم عقب فترة يعني خففي لين ما توصلين للمطلوووب اممم انا بسوي رياظة البطن الحين 100 مرة وبرقص نص ساعه واذا في وقت بمشي تدرون لأن باجر دوام الجامعه ومشي خص ان دوامي يبدى من 2-4 يالله حبوباات خلووووووكن فووووول من الارااااادة وكل وحده تكتتب عمرها وحالتها الاجتماعية عسااس نكوون ربع ونفه بعض انا عمري 18 ومش معرسة وادرس في جامعه الامارات

[أم محمد ...]

بحر الحرماااان هلا والله نورتي الموضوع ياالله همتج يالغالية خلينا يدن بيد نضعف على الاقل خلال هالشهر نوصل لمرحلة يديدة ولون يديد

[ميمو0]

انه عمري 15سنة وطالبة في المدرسة