حياتها الزوجية مهددة بالانهيار..دشوووووا بسرعة

[دانة ثمينة]

كل عام وحبيباتي ابخير
خواتي
صديقتي عندها مشكلة تهدد حياتها الزوجية بالانهيار
وهي إن زوجها واااااااااااااااااايد ((((((مسرف)))))))
ما شاء الله عليه مامقصر في حقهم بشي ,لكنه ماايود شي...
وهي تعبانه وايد من هالمشكلة
المشكلة العودة إنها ماتشتغل...ومامكمله دراستها بس الثانوية
حاولت اتكمل عشان تشتغل بس من ويييين؟؟؟؟؟
كلمته ....سوت جدول عشان المصروف....مانفع....كل شي سوته...هو ما ينفذ ...يفكر في يومه...بس ما يفكر في المسقبل ....
بنات....الله ينور طريق اللي ...تقرا هالموضوع وتعطي لو اقتراح بسيط أو دعوة حلوة ...أو أي شي نقدر انساعد به هالعائلة عشان أحوالهم تتغير

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[خطيرة الملامح]

الله يفرج همها يارب

[...(مريّة)...]

خلها هي تيمّع عنه ، يعني تطلب منه مصروف شهري معين
وتيمعه بدون ما يدري . . مثلا لو كان يعطيها مصروف 3000
تقول له أبى 5000 تصرف الـ 3000 كالمعتاد والـ 2000
تيودهم

[BinKhadim]

احنا عانينا في بداية حياتنا من هالشي وانا ماكنت اشتغل ...
وعقب كمن شهر بدينا انسوي لسته للمشتريات ... وانوفر من 500 الى 1000 كل شهر ...
ومع الايام عودته على التوفير ...

اذا ريلها ما يتحمل المسئولية ويتحكم في مصروفه ... لازم تيبه بالسياسه ... وتخلية يعطيها كل اول شهر مصروف للبيت غير مصروفها الشهري ... وتوفر منه قد ما تقدر ...
ولازم هو يحدد له مصروف ثابت يصرف منه ... والباقي يدخل في حساب التوفير ...
وهي لازم مول ما اتخبرة عن الباقي من مصروف البيت ...

[shawwagah]

ياااه

هاي مشكلتنا فالبيت عند باباتي خخخخخ

عسى ربي يحفظه لنا

والله مادري يالغلا .. انا جربت كل الطرق اللي اقترحنها الخوات مع الوالد ربي يحفظه بس بعد ما فاد فيه

يرد ويخلص راتبه ع نص الشهر .. مع ان راتبه حلو يعني لو يعدل الصرف بيكفيه لين اخر الشهر وبيزيد بعد لووول

فـ الله يعين .. ان شاءالله توصل لطريقة مناسبة ويا ريلها وتعوده ع التوفير

[دانة ثمينة]

مشكووووورات وايد خواتي على الردود الحلوة
وأتمنى المزيد من الأخوات

[دلوعه الموت]

انا ريلي كان جيه ..
فشو سويت ؟!
كل بدايه شهر اول ماينزل الراتب كنت اخليه يسحبه كله من البنك ويعطيني في ايدي كله وانا كل يوم اعطيه مصرووفه .. ( طبعا اراعي البترول والاكل في الدواام واعطيه احتياط ) ويوم يرد البيت اتناقش وياه واعرف ع شو صرفهم .
وسويتلي حصاله بقفل وخليت مفتاحها عندي وكنت ايمع الباجي عندي .

والحمدالله افتكيت من هالمشكله ..
بس الظاهر اني انا الحين مسرفه خخخخخخخ ( عاداني الظاهر ) .

[مشمشة]

اليوم انا وريلي كنا نتناقش عن نفس الموضوع
هو فديته مايصرف بس الراتب يروح ع الالتزامات
قلت له الوضع ما ينفع يستمر جذيه لازم نوفر مبلغ كل شهر
لو المبلغ بسيط بس ع الاقل يكون عندنا مبلغ محترم نمشي فيه حيتنا الحلوه..

[شيما333]

للرفع

[اسعد انسانه]

مرحب

الله يسعدها و يوفقها ياربيه ،،

مثل ما قالت الاخت مريه ،، يزاها الله خير ،،

و بعد تقدر تقترح على ريلها ، يسوي حساب توفير،، على الاقل لو ف الشهر 2000 و تكون البطاقه عندها عسبت ما يصرف ^^

و موفقه

[دانة ثمينة]

مشكوووورات حبيباتي على الردود والاقتراحات الحلوة
إن شاء الله تستفيد منها
واللي عندها فكرة أو تجربة لا تبخل علينا ابها
وجزاكم الله خير

[@دلوعة حبيبي@]

السلام عليكم ورحمة الله وبركاته

اتشركينه بجمعيات عسب ما يصرف

بيزاته والباقي من راتبه اتخلينه عندج

وتعطينه كل ما يحتاج ولما يصرف تسالينه في شو صرف

والسمووووووووووووووووووحه

[MARYAM.mbc]

الله يفرج همها

[الوفيه]

الاخوات ماقصرن

[دلوعه فزاع]

الله يهديه ويفرج همها بس افضل شي تسويه انا كل شهر تطلب منه مبلغ معين مثلا 2000 درهم واضمها له بالحصاله او في صندوق وبهالشكل تجمع البيزات لانه راح يحتاجها بعدين في المستقبل وتنصحه انه الله لايحب المسرفين يعني تذكره بالدين افضل