كيف الوحده تقدر

[ساره السويدي]

السلام عليكن وكل عام وانتن بخير

بس ابغي وحده تفيدني لطريقه

بالنسبه للارمله او اللي عندها اطفال كيف قدرتي تنسين عيالج غياب ابوهم ؟؟

وو كلمة بابا ياليت اللي عندهن طريقه يفيدني واكون شاكره لكن

والسموحه

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[dl3.dxb]

ربي يرحمه ويغفر له ان شاء الله

السموحه فديتج ما عندي فكره وربي يصبرج ويصبرهم ان شاء الله

بس حبيت أرفع موضوعج

[*هابت ريح*]

والله يا الغالية
أنا شفت وحده من هلنا هي مطلقة مب أرملة
و أبو الولد مررررره ما يعرف الولد و الولد نفس الشي
الولد تعلق في خاله وايد لدرجة أنه يسميه أبوه
يطلع معاه ويتشرى له خاله كل شي
وهذا إللي أعرفه

وان شاء الله الخوات يفيدنج

والله يرحمه ويغمد روحه الجنة

[AD_MOON]

ربي يرحمه ويغفر له ان شاء الله

انا اخو ريلي متوفي وعنده ولد عمره 6 سنين ...
وعقب ما اتوفى ابوه ... عمامه فهموه ان ابوه توفى وانه في الجنه ...
والحينه يسمي يده ابويه ....وماشاء الله يده مب مقصر معااه في اي شي ..

[ELMooz]

ما اقدر اتحمل هالمواقف
عيني تدمع
الله ايصبرج وايصبر عياله وايخفف عنكم يارب

[سفن اب]

بالعكس ليش تنسينهم

ذكريهم فيه و انه وياهم و بيرضى عنهم لو سوو شي زين و بيزعل عليهم لو سوو شي مب زين

وخليهم يدعون له في صلاتهم

و عطيهم بيزات و وقوليلهم بنعطيها الفقراء عشان بابا يفرح و هو في الجنه

ليش تنسينهم ؟

[نيها]

كلام = سف اب صحيح

[ام_شذى]

للرفع .....................

لان موضوعج صعب

[Miss Cavalli]

ماعرف والله شو اجاوبج بس حبيت ادعيلج انه الله يقويج على تربيتهم التربيه الصالحه و يرحم و يغفر لأبوهم

[دلوعه حمودي]

فديتج والله عورتي قلبي الله يرحم ريلج يوفق عيالج يارب

[missuae3003]

لا تنسّيهم ابوهم بالعكس .. قوليلهم هو فالجنه .. وخليه مثال اعلى لهم وقدوهـ ...

تعرفين انا يدي ابو ابوي ... توفى وابوي صغير .. تقريبا كان عمر ابوي 3 سنوات او 4 ..

بس لو تشوفين ابوي كيف يطري ابوه للحينه وكيف يتأثر اذا ياب طاريه ...

ومره قالها ياليت ابويا عايش يشوفني انا كيف صرت وكيف وصلنا لحال زين

واكيد كان بيفتخر بعياله ..

لدرجه انه حببني فهالريال وانا ماشفته والله ساعات يوم اتذكر سوالفهم عن يدي

اتم اصيح مشتاقه له وخاطري اشوفه ...

شوفي كيف تأثرت انا مع انه يدي ولاشفته في حياتي ...

وابوي نفسه ما عاشره .... بس من كثر ما امهم الي هي يدتي

تذكّرهم فيه وفي فعايله الزينه .. للحين مانسوا ابوهمـ و ابوي دايما يذكرنا ندعيله و نتصدق له

ويوم كبرو ابوي واعمامي .. اعتمرو له و سووله اشيا وايده ...

ودايما مفتخرين فيه ... ودوم يقولون لنا ابوي كان جذي وجذي وكان يسوي جذي وجذي

يعني حافظين وعارفين شو كان ابوهم ... وشو كان يسوي مع انهم ماعاشو هالشي

بس كله طبعا بفضل امهم وكلامها الطيب عن ابوهم وتذكيرها الدايم لهم به ..

مع انه مات واكبر واحد في اعمامي عمره 6 سنين .. وعمي الصغير كانت توه ماولد ..

مع ذلك عمي الصغير مسمي احفاده على اسم ابوه ...

شوفي كيف تأثروا به مع انهم مايعرفونه

فأنا اشوف من الافضل ماتنسيهم ابوهم وبالعكس دوم اذكري سوالفه الحلوة

حاولي تفهمينهم انه عند الله ... و انه الحين هم مسؤولين عنج ... وانه ابوهم ترك هالمسؤوليه عليهم وابوهم بيرتاح لو جدّوا في دراستهم ولو صلّوا صلاتهم و لو صامو رمضان ...

حسسيهم انه هم لازم مايخذلون ابوهم من ناحية دراستهم

وانه ابوهم كان يباهم يكونون احسن الناس ..

ربّي هالشي فيهم من صغرهم

عشان بإذن الله ماينسون ابوهم ابد و يكونون احسن الناس في كل شي ...

ويكون ابوهم قدوه لهم في كل شي ..

والله يرحمه يااااارب ..

[mshmoom]

لا تنسّيهم ابوهم بالعكس .. قوليلهم هو فالجنه .. وخليه مثال اعلى لهم وقدوهـ ...

تعرفين انا يدي ابو ابوي ... توفى وابوي صغير .. تقريبا كان عمر ابوي 3 سنوات او 4 ..

بس لو تشوفين ابوي كيف يطري ابوه للحينه وكيف يتأثر اذا ياب طاريه ...

ومره قالها ياليت ابويا عايش يشوفني انا كيف صرت وكيف وصلنا لحال زين

واكيد كان بيفتخر بعياله ..

لدرجه انه حببني فهالريال وانا ماشفته والله ساعات يوم اتذكر سوالفهم عن يدي

اتم اصيح مشتاقه له وخاطري اشوفه ...

شوفي كيف تأثرت انا مع انه يدي ولاشفته في حياتي ...

وابوي نفسه ما عاشره .... بس من كثر ما امهم الي هي يدتي

تذكّرهم فيه وفي فعايله الزينه .. للحين مانسوا ابوهمـ و ابوي دايما يذكرنا ندعيله و نتصدق له

ويوم كبرو ابوي واعمامي .. اعتمرو له و سووله اشيا وايده ...

ودايما مفتخرين فيه ... ودوم يقولون لنا ابوي كان جذي وجذي وكان يسوي جذي وجذي

يعني حافظين وعارفين شو كان ابوهم ... وشو كان يسوي مع انهم ماعاشو هالشي

بس كله طبعا بفضل امهم وكلامها الطيب عن ابوهم وتذكيرها الدايم لهم به ..

مع انه مات واكبر واحد في اعمامي عمره 6 سنين .. وعمي الصغير كانت توه ماولد ..

مع ذلك عمي الصغير مسمي احفاده على اسم ابوه ...

شوفي كيف تأثروا به مع انهم مايعرفونه

فأنا اشوف من الافضل ماتنسيهم ابوهم وبالعكس دوم اذكري سوالفه الحلوة

حاولي تفهمينهم انه عند الله ... و انه الحين هم مسؤولين عنج ... وانه ابوهم ترك هالمسؤوليه عليهم وابوهم بيرتاح لو جدّوا في دراستهم ولو صلّوا صلاتهم و لو صامو رمضان ...

حسسيهم انه هم لازم مايخذلون ابوهم من ناحية دراستهم

وانه ابوهم كان يباهم يكونون احسن الناس ..

ربّي هالشي فيهم من صغرهم

عشان بإذن الله ماينسون ابوهم ابد و يكونون احسن الناس في كل شي ...

ويكون ابوهم قدوه لهم في كل شي ..

والله يرحمه يااااارب ..

الأخت كفت ووفت..
غلط تنسنهم ابوهم .. بالعكس خليه مثلهم الأعلى ..
وحاولي تذكرين كل مواقفه الحلوة معاهم..
وشو هم بالنسبة له..
والله يفرجها عليج وعليهم حبيبتي..

[همس الربيع]

بالعكس ليش تنسينهم

ذكريهم فيه و انه وياهم و بيرضى عنهم لو سوو شي زين و بيزعل عليهم لو سوو شي مب زين

وخليهم يدعون له في صلاتهم

و عطيهم بيزات و وقوليلهم بنعطيها الفقراء عشان بابا يفرح و هو في الجنه

ليش تنسينهم ؟

هيه والله حبوبه صدق كلامج

وبعدين حبيبتي ساره فهميهم وقوليلهم شرات كلام سفن اب ,, والله يرحمه ويغمد روحه الجنه ويصبرج حبيبتي ,, والحين بتيي عيد صدق بيكوون صعب هالعيد بس لاتحسسيهم بنقص وضحكي وياهم ولعبيهم وخليهم يدعووون لابوووهم ,..

[ضي الفلاسي]

بالعكس ليش تنسينهم

ذكريهم فيه و انه وياهم و بيرضى عنهم لو سوو شي زين و بيزعل عليهم لو سوو شي مب زين

وخليهم يدعون له في صلاتهم

و عطيهم بيزات و وقوليلهم بنعطيها الفقراء عشان بابا يفرح و هو في الجنه

ليش تنسينهم ؟

صح كلام الاخت

[شمسة سعيد]

والله اختي ماعرف بشو افيدج بس اكيدالخوات بيفيدونج والله يرحمه ريلج ويغمد روحه الجنة