شو بتسوين لو كنتي مكاني؟؟؟

[Noora 2009]

السلام عليكم ورحمة الله وبركاته


ابا اسالكن,,


لو كان ريلج طول اليوم برع حتى ماييلس وياج الا نادرا شو بتسوييييييييين؟؟؟؟؟

وحتى لو قعد معاج بس بيتم يطالع التلفزيون مابيسولف ؟؟؟

اتمنى تجاوبوني لاني ملييييت ومابغي اكلمه لين ماربي لانه يمكن يتغير

للعلم نحنا ماكملناا سنة من زواجنا...

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الحلوووه19]

حـــبــوبــه كلمييييييه ما فيييييهااا شي

يمكن يمر فظروووف خلته جي ما يرمس وياااح ..

او أنه متضااايق من شي ..

أنصحج اترمسينه و تعرفين شو فخاطره ؟؟

[دلوعتهـ^.^]

لاتأيأسين وتمـي انتي حاولـي وحاولي
انتو يمكن لانه توكـم معرسيـن
بس مـع الايام بيتعود وانتي عوديه ع الرمسه والسوالـف

[Noora 2009]

حـــبــوبــه كلمييييييه ما فيييييهااا شي

يمكن يمر فظروووف خلته جي ما يرمس وياااح ..

او أنه متضااايق من شي ..

أنصحج اترمسينه و تعرفين شو فخاطره ؟؟

لا مافيه شي بالعكس يرد وهو مستانس

وعقب يقولي انا حاس فيج واني مقصر وياج بس ان شاء الله بنسافر وبنغير جو

ومرة قااااالي ابا اتغير خلاص ابا اييلس فالبيت بس متى بيي الياهل

مادري شو اسوي؟؟

[Noora 2009]

لاتأيأسين وتمـي انتي حاولـي وحاولي
انتو يمكن لانه توكـم معرسيـن
بس مـع الايام بيتعود وانتي عوديه ع الرمسه والسوالـف

هيه وانا بصراحة خجولة وايد وماسولف وياه,,

تسلموون فديتكم ع الرد..

[حزن قلبي]

انا كنت اعاني مثلج ، بس الحمدلله من ربيت و هو كله مجابلني و البيبي
و بعد وايد يساعدني

[بنت_دبي_وبس]

انتي نفس حالتي
بس مثل ما قالولج خواتي لا تيأسين بعد حاولي معاه انا توني معرسة وتوني مكملة شهر ونص بس حركاته نفس حركات ريلي بس حاولي وعليج بالدعاء وسورة البقرة والله ييسر اموووورج للأحسن وسويله سوالف حلوة واشياء اول مرة يشوفها فيج او عليج .... مممممم عليج بالدلع دلعييييه وقوليله كلام حلو والله صدقيني بيحس انج وايد تهتمين فيه
ودوم شاوريه حتى ف سوالف اللبس والأكل اطالعي هو شو الاشيا اللي يحب يتكلم عنها مثلا الرياضة السياسة مواضيع السيايير الاراضي وكل شي صدقيني سالفة ورا سالفة ترى اتسوي جو ف البيت
سويله حركات حلوة ويوم بيكون برع طرشيله مسجات شوووق ووله طرشيله مسجات رومانسية ولا تحنين عليه وايد واتقوليله متى بترجع وانا مليت من دونك والله جربي قبل ما يطلع قوليله ترى انا ما بتعشى الا معاك الليلة ولا قوليله ترى العشا مب شي من دونك او الغدا مب شي من دونك انت سير ويا ربعك بس لا تنسى اني اترياك واذا شفتك اتأخرت برقد من دون ما اتعشى ...

وان شاء الله يفيدونج خواتي

[الــــورده]

دوري السوالف الحلوه دواره حتى لو ادورين اسئله حلوه من المنتدى وحاولي انج تسمعينه

واذا تابع التيلفزون سكري عنه غصب خخخخ وقوليله ابا اسمع صوتك مب صوت التلفزون

سولفوا عن الياهل الي بيي في كل شي ان شاء الله حتى وين تبا يدرس كليه والا جامعه هههههه

ترا دام انه اول ياهل اكيد بيحب السوالف عنه اطلعي اتشري للياهل وياه علشان يحس

تصدقين ريلي ماكان مستوعب اني حامل وبييه ياهل وتقريبا نفس ريلج كله برع مايقعد وياي دوم

ماصدق الا يوم يبت له بدله صغييييره خخخخخ يالله استوعب السالفه << شوخصها سالفتج الحين مادري ههههه

المهم اذا كلش حسيتي انه ماشي تغيير ادخلي المنتدى حبيبتي واستفيدي منه وقري كل شي يخص اليهال

والتربيه و الترتيب والتجهيزات وووو سوالف ماتخلص وبعد ناقشيه فيهم اذا طلع طرشيله

مسجات حلوه تخلينه يردلج بسرعه عاد انتي وشطارتج المنتدى مليان افكار جهنميه ^___^

واذا بعد حسيتي انج ملانه من القعده روحج وبعدها الولاده مطوله ماشي غير تاخذين دورات في اي

شي تحبينه وها الي افكر اسويه الحين ><

وادعي ربج في كل صلاه انه يهديه ويسخره لج وقري البقره تراها تسوي العجايب سبحان الله

وبسسسسسس وايد تكلمت تعبت ههههه

[بنوته كفالي]

مممممم عليج بالدلع دلعييييه وقوليله كلام حلو والله صدقيني بيحس انج وايد تهتمين فيه
ودوم شاوريه حتى ف سوالف اللبس والأكل اطالعي هو شو الاشيا اللي يحب يتكلم عنها مثلا الرياضة السياسة مواضيع السيايير الاراضي وكل شي صدقيني سالفة ورا سالفة ترى اتسوي جو ف البيت
سويله حركات حلوة ويوم بيكون برع طرشيله مسجات شوووق ووله طرشيله مسجات رومانسية ولا تحنين عليه وايد واتقوليله متى بترجع وانا مليت من دونك والله جربي قبل ما يطلع قوليله ترى انا ما بتعشى الا معاك الليلة ولا قوليله ترى العشا مب شي من دونك او الغدا مب شي من دونك انت سير ويا ربعك بس لا تنسى اني اترياك واذا شفتك اتأخرت برقد من دون ما اتعشى ...

وان شاء الله يفيدونج خواتي

[Noora 2009]

مشكورااااااااات خواتي ع النصايح,,

الله يوفقكن ان شاء الله

[أم الشيخ سعيد]

الغاليه

اول شي لا تخلين ريلج اكبر همج ...

اذا هو طالع انتي اطلعي وغيري جو زوري اهلج او تسوقي...
اول ما يرد عطيه هذيج الابتسامه الحلوه
اجذبيه بكشخج يعني اذا شافج بلبس الصبح لازم ما يكون عليج يوم بيرد ...واذا كنتي بروحج في البيت البسي له قصير او بناطلين انتي وذوقج
اذا كان يالس يشوف التلفزيون قدمي له شي يشربه او عطيه قطعة كيك او اي شي يحب ياكله
راويه انج مستانسه وما همج تصرفاته
وطبعا طرشي له مسجات بين فتره وفتره اواتصلي اسألي عنه

صدقيني بينحرج من تصرفاته

[عمري زايد]

الله يسهل امرج ..^^

[dboooo]

ربي ايسر امرج و يسخره لج يارب

[ظبية*الامارات]

ختيه كلميه ما فيهااا شي

يمكن يمر فظروووف خلته جي ما يرمس وياااح ..

او أنه متضااايق من شي ..

أنصحج اترمسينه و تعرفين شو فخاطره

[زهرة السوسن]

ساعات هذا طبع في الريال
انتي شوفي معاه التلفزيون وخليه يقولج سو سالفت الفلم او الاخبار او المسلسل واسأليه عن كل شي في الموضوع وبتشوفين روح اندمجتي معاه في الرمس وهو بياخذ وبيعطي واذا كان في مب عند اتلفزيون شوفي له اي موضوع وارمسي معاه انتي ابتدي شو بتسوين الله يعينج الرياييل مثل البطيخ ما تعرفين شو داخلها ( لوول يقولون المثل للحريم والحين حتى الرياييل بعد في هذا الزمن )