الحـــــامل و الزعفــــــران

**أم الحلوين22** · 2008-11-21, 17:40

مـــــــرحبا كرووشات..

بنات منو منكم جربت تشرب زعفران و اهية حامل .. سمعت ان يخلي البيبي أبيـــض ليت و أشقر و عيونه ملونة يعني نفس الاجانب!!!

فالي جربت او وحدة من معارفها جربته تقوولنه عن تجربتها..

طبعا مب معناه ان الوحدة يوميا تشربة .. لأن الشي اذا زاد عن حدة اكيد بيضر!!!!

انا قبل سمعت هالمعلومة و قلتها لأختي كانت حامل فشهرها الرابع و شربت كمن مرة .. وولدها ما شاء الله طلع ابيضاني واايد وأشقر و عيونه ملونة مع ان عايلتنه ما فيها حد ملون ( بس نحن بيض)!!! و قالتلي اختي الظاهر الزعفران سوى شغله خخخ!!! و ما يندرى و الله .. هل هو من الزعفران و لا من كثر ما تشوف الاجانب فالكليه يوم كانت اداوم خخخخ

المهم انا الحين حامل فشهري الثاني و يالسه اجرب و الله بس فالسبوع مرتين ويوم اكمل ثلاث شهور بزيد الجرعة و بشوف .. و بقوولكم لين ربيت بالسلامة ان شاء الله اذا النتيجة ايجابيه.. فاتريوني عقب 7 شهور

المزيد من آخر المواضيع من نفس القسم:

**رعبوبة العين** · 2008-11-21, 17:43

حبوبه ..

هذا كلام عيايز .. << لا تزعلين منيه خخخخخ

حبوبه مايخصه في الزعفران ولا يخصه في هال ولا هم يحزنون

هذا ,, امور وراثيــــــــــه ..

لا تقولين ,, ماشي عندكم ,, في العايله لون عيون ملونه ,,

اكيد الجيل اللي قبل فيه << يعني اقصد جيل يداتج ..

فهذا هو سر تلون عيون ولد اختج ,,

هب الزعفران ,,

شربي الزعفران مع جاهي حليب ولا مع حليب مابيضررج ^^ بس مب هو السبب الرئيسي في البياض ولا تلون العيون ^^

**أم الحلوين22** · 2008-11-21, 17:51

صــــراحة ما عندنا و امي و ابوي شايفين امهاتم و أبهاتهم و يدودهم!!! و ما عندنا حد عيونه ملونة كلش!!! جاااان زين !! ولا انا خااااطري فبنووتة عيونها ملوونة و كتكووتة

و الله كريم

معلي انا بجرب و بقوولكم .. مع اني مب مقتنعة واايد بس قلت يالله شخسرانين!! خخخخخ

و اهم شي عندي اييب بيبي سليم و طيب و بخير وخلقته تامة و الف الحمدلله ..

بس من باب التجربة و الفضوول قلت بجرب و بشوف البنات

**أم سـلطان** · 2008-11-21, 18:33

ههههه والله عن نفسي ماعرف يالله جربي وبنشوف جانه صدق من الزعفران وله لا

فديتهم انااا

**BenToooH** · 2008-11-21, 22:06

هيهيهي الكلام وايد اختي مايصير نصدق كل شي
عيل انا عمتي دوم تقول لي اكلي تفاح عشان تطلع خدوده حمرا ههههه مادري شو يخصه
وماحيد مرة شوو كنت آكل جان تقول لي هالأكلة تخلي عيون البيبي ملونة خخخ

الجينات والوراثة هي اللي تحدد شكل البيبي .... الأكل مول مايخصه ^_^

**البزيه2020** · 2008-11-21, 22:15

المشاركة الأصلية كتبت بواسطة رعبوبة العين

حبوبه ..

هذا كلام عيايز .. << لا تزعلين منيه خخخخخ

حبوبه مايخصه في الزعفران ولا يخصه في هال ولا هم يحزنون

هذا ,, امور وراثيــــــــــه ..

لا تقولين ,, ماشي عندكم ,, في العايله لون عيون ملونه ,,

اكيد الجيل اللي قبل فيه << يعني اقصد جيل يداتج ..

فهذا هو سر تلون عيون ولد اختج ,,

هب الزعفران ,,

شربي الزعفران مع جاهي حليب ولا مع حليب مابيضررج ^^ بس مب هو السبب الرئيسي في البياض ولا تلون العيون ^^

كلااااااااااااام ميه بالميه مع الاخت ....

**أم الحلوين22** · 2008-11-21, 22:25

مدري انا عقب ما سمعت قصة الهندية الي يابت عيالها شقر استغربت بس ما اذكر قصتها عدل الي اذكرة و بما معناه ان ولدها مدري بنتها البجر اسمر نفسهم يعني شكله هندي و الي عقبة يابت بزرين طلعوا شقر و بيض و يوم سألوها قالت ان فولدها الكبير كانوا فالهند و ما كانت تشرب زعفران لأن مب متوفر فمنطقتهم.. و يوم يات الخليج قامت تشرب و تحبه وايد عشان جي عيالها طلعوا غيييير مب جنهم عيالها و تقول الكل يسألها ليش ان عيالها ما يشابهونها و لا يشابهون ابوه خخخ !! سمعت هالقصة من ربيعتي تقول قرتها فمنتدى!! و الله اعلم!!

انا السالفة ما دخلت راسي !! بس قلت دام اني فاضية و ما عندي شغلة بجرب شبخسر!! مب شاربه كيماوي و لا شي يضر!! و مب مكثرة وايد .. بس صايدني فضول و ابي اجرب و اشوف صحة كلامهم او اشاعتهم بصحيح العبارة خخخخخخ

**أنا مسلمه** · 2008-11-23, 05:13

ياسلااااااااااام يالله يربي وخبريني ع الخاص لين ماتربين .. عشان يمكن الموضوع يضيع لين 7 شهور

لوول

**fashions** · 2008-11-23, 06:59

أنتبهي ترا الزعفران يسبب تسقيط للحامل
الزعفران والمانجو والاناناس هالاشياء ممكن تسوي تسقيط
الزعفران ينشرب وقت الطلق لانه يسهل وينزل البيبي سبحان الله ولتتأكدي سوي بحث وشوقي

**أم الحلوين22** · 2008-11-23, 15:24

المشاركة الأصلية كتبت بواسطة fashions

أنتبهي ترا الزعفران يسبب تسقيط للحامل
الزعفران والمانجو والاناناس هالاشياء ممكن تسوي تسقيط
الزعفران ينشرب وقت الطلق لانه يسهل وينزل البيبي سبحان الله ولتتأكدي سوي بحث وشوقي

مشكووورة فديتج عالتنبيه.. انا قريت عنه و ادري انه مدر للطمث .. بس انا ما اكثر!! بس فالسبوع مرتين.. و كمية بسيييطة ..

و اذا ربي كاتب لأي بيبي عمر بيحفظه و بيكتب له العمر لو شنو يصير .. و الله يتمم لكل حامل حملها و يسهل عليها ياااا رب ..

**عطر البنفسج** · 2008-11-23, 15:50

حبيبتي انا طول ما أنا حامل يمي دلة حليب بالزعفران

بس ما اعتقد له دخل باللون او شي ثاني .. ما بخبرج عن ولدي بس بقولج عن خالتي

حبيبتي خالتي بيضة حيل وريلها اسمر حيل اول بنت لهم كانت تسوي شراتي حليب وزعفران وهيل

بس البنت طلعت سمرة على أبوها

والبنت الثانية حنطية يعني ما يخصه بالهشغلات وهي شغلة جينات خاملة يحملها أجيال

بس ماتظهر عليهم ولكن بعد اختفاء الصفة تظهر من جديد كأنها طفرة

وهي بالحقيقة كانت موجودة في أجال سابقة تخص العائلة الوراثية

واسمحيلي دخلتج بعلم الوراثة بتوضيح بسيط عشان اوضح لج

**3yoon uae** · 2008-11-23, 16:02

كله خربطان

**keep_rak** · 2008-11-23, 16:32

اصلا انا اللي اعرفه انه الزعفران هب زين للحوامل كيف تشربونه وبكثرة بعد

**عشقـ بدويـ** · 2008-12-03, 15:49

فديتج الجينآت الورآثيه لحد سآآبع جــد !!!

يعني احتمآل ولد اختج متورثنه من جد جد جد جد جد جد جدج ههههههه طويله

بعدين الزعفرآن يسهل الولاده ... ابتعدي عنه ..

**Oأم حمدO** · 2008-12-06, 19:47

المشاركة الأصلية كتبت بواسطة fashions

أنتبهي ترا الزعفران يسبب تسقيط للحامل
الزعفران والمانجو والاناناس هالاشياء ممكن تسوي تسقيط
الزعفران ينشرب وقت الطلق لانه يسهل وينزل البيبي سبحان الله ولتتأكدي سوي بحث وشوقي

انا كنت بقولج نفس الكلام بس الاخت ما شالله كفت ووفت

الموضوع: الحـــــامل و الزعفــــــران

أدوات الموضوع

عرض

الحـــــامل و الزعفــــــران

المزيد من آخر المواضيع من نفس القسم:

المواضيع المتشابهه

الزعفــــــــران و شاي الزعفــــــران وصل ( دفعة رمضـــأن )

الحـــــامل الي تشتغل اقدم لج بعض النصايح

عبـــــــــاية الحـــــامل....للعيد

فوائـــــــد الصـــــــلاه للمـــــرأه الحـــــامل