منحرجة جدا من زوجي (كله بسبة الغازات) : (

[منحرجة]

السلام عليكم ...

خواتي عندي مشكلة وبصراحة منحرجة جدا من طرحها بس غصب علي لأن مستحيل أقدر في يوم أكلم أي حد قريب مني عنها ... وبليز لاحد يضحك : ( لأن موصلة حدي من الإحراج ... من كم يوم حصلي موقف مع زوجي وأنا توني عروس ماكملت شهرين .. ولين اليوم والله وكل ما تذكرت أحس أن ودي أدس ويهي وماحد يشوفني : (( المشكلة باختصار هي الغازات وما أدراكم ما الغازات : (( كنا في الليل وكنت على وشك أنام وأعاني من ألم في بطني بسببها رحت الحمام وانتم بكرامة بس بعد ماقدرت أتخلص منها .. رجعت أبا أنام وتقريبا غفيت بس في خلال هالدقايق البسيطة حصل ذاك الشيء اللي أستحي أقوله .. (تسربت غازات من بطني وسوت صوت) : (((((

هو سمعه أدري لأنه علق قالي شكلج تعبانة من بطنج روحي الحمام وكان يسولف ويضحك ... بس دوروني لحظتها ... أحيانا تخطرلي أفكار غريبة إنه فقد احترامه لي : ( أو أنه خلاص مالي ويهه أكلمه في أي شيء .. مادري شو أسوي ولا كيف أقدر أنسى هالسالفة .. بليز ساعدوني أو قولولي شو أسوي والله يجزاكم كل خير : (

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بنت بلال]

مرحبا منحرجة ...

مع إني مب معرسه .. بس احس إن مشكلتج .. وااااااايد بسيطة ..

حبيبتي .. هذا الشي ... طبيعي جدا طبيعي .. يعني منوه فينا .. ما ................... فهمتي صح ..

بضرب مثال ...

لو مثلا ظهرت منج الغازات ... وانت في مكان عملج جدام زميلاتج إلي فالعمل ... بتنحرجين صح ..؟

بس لو ظهرت منج الغازات وانت ... في بيتج ... يعني جدام ..خواتج مثلا بيكون الأمر عادي ؟

نفس الشي ريلج .. ، أكيد 100% بتحسين باحراج .. بس هذا شي طبيعي .. لأنج توج ما تعوتي عليه
بس مع مرور الأيام بيستوي الأمر عادي ... جدا عادي ...

يعني شو عشان ريلج .. موووووووول ما بتسوينها .......................... لا طبعا ..

و صدقيني هو اتحصلينه .. نسى السالفه ...ولا حط شي في باله ... لأن السالفه .. عاديه ..
ولا تعورين قلبج .. وتكدرين حالج .... مشكلتج جدا بسيطه ... اتوكلي على الله ..

وابتسمي ... قدرج بعده مثل ما هو ... و صدقيني ما فقدتي احترام ريلج لج ...

جيه انت شو امسويه ... هذا الشي .. منوه مناااااااااا ما يسويه .............................


والله يسعدج في حياتج .. يا حبيبتي

[Miss.UAE]

هلا عزيزتي..
مثل ما قالت لج اختي بنت بلال هذا امر طبيعي شو بتسوين وانت مب قاصده
وبالنسبه لها المشكله اذا هي مشكله كبيره بالنسبه لج حاولي تخففين من المشروبات او الاكل اللي يسبب الغازات مثل:
- البقوليات مثل ( الفول، الفاصوليا، اللوبيا..)
- خضروات مثل ( الملفوف، القرنبيط، الفلفل البارد ألخ)
- اللبن
- الوجبات اللي فيها فلفل بكثره

وعشان تتخلصين من الغازات وآلامها اشربي نعناع على طول

ومبروووك على الزواج وانسي ها السالفه : )

[Miss Cavalli]

هلا عزيزتي ..

صح انه السالفه فيها احراج بس عادي لنه كل حد يسوي هالشي .... و تقدرين تتخلصين من هالشي من خلال تنظيم اكلج ... لنه يوم يكون نظام الاكل و الاخراج زين تقل الغازات ..

لا تشربين مشروبات غازيه موول اقطعيها ... و البقوليات خففي منها .. و كلي بانتظام ... يعني اكل و بعدين الشرب .. مب مكس ...

و الله يبارك لج في زواجج ان شاء الله

[أم سلامه2006]

صدقهن البنات ... انتي شكلج وايد حساسه بس اريد اخبرج لازم ما تحسسينه بهالشي ولازم اتكونين وياه سوالف و ظحك ... و صدق ابتعدي عن العصبيه لانها اتعور البطن و الاكلات الحاره و الصوالين ..

[أم شمسان]

صح انا ويا خواتي بس عادي خذي الامر او تداركيه يعني سوي سوالف وترا عادي

مع الايام بتاخذي على ريلج ومابتستحين منه مووول

واذا عندج مشاكل صحيه روحي راجعي لاتهملين نفسج

والسموحه

[شجره الطيبه]

انسي السالفه
الكل يمر بهالمواقف
ولا تنحرجين

[sara_ad]

فضيحه..........لو انا كنت بمووووووووووووووووووووووووووووووت

[شيخة بيتنا]

والله انج انتي مكبره السالفه

انتي منحرجه ومستحيه وتحسين بهذي الاحاسيس لأنج توج عروس يديده و ما تعودتي عليه

لكن صدقيني عقب شهرين ثلاث بتصير هالامور من اتفه الامور

يعني عااااااااادي لا تشيلين هم وصدقيني ان ريلج ناسي السالفه لأن هالامور بالنسبه لهم عاااديه

وشي بعض الراييل من ياخذون عالحرمه ويتعودون عليها يصير هالشي عاادي وهو اللي يسوي هالشي بدون ما يستحي

وعالعموم اذا يلستي تفكرين بالسالفه وايد ترا تتكون الغاوات اكثر فبطنج وهذيج الساعه ما بترتاحين اكثر

ومثل ما قالوا لج البنات ، انتي انسي السالفه ولا تنسين تخففين من الاكل الحار والبقوليات و الاكلات الدسمه والمشروبات الغازيه وطبعا التفكير يسوي غازات فابتعدي عن هالاشياء وانتي بترتاحين ان شاء الله


والله يسعدج بزواجج والله يهنيكم

[روح الشوامس]

مبروك يالعروس

غناتي طنشي السالفه وكانه ما استوى شي

انتي توج يديده عقب كل شي بتشوفينه عادي

[شيخة بيتنا]

فضيحه..........لو انا كنت بمووووووووووووووووووووووووووووووت

اختي ساره

ما كان يحتاي هالتعليق لأنج بتمرين بهالموقف اكييييييييد بعد الزواج

يعني هو ريلها وتييب منه عيال وتيي تستحي من هالشي!!!! انا اجوف هالشي عاااادي ولا جنه شي صار

[شيخة بيتنا]

أخت منحرجه

ما عليج انسي السالفه ولا يهمج انا مرت بمواقف اخس واكبر عن هالموقف ههههه لكن الله الستار

[حنين الامارات*]

مرررررررررررررررررحبا
الامر عاااااااادي
انا اعاني نفس المشكلة وهي الغازات والحمد لله اللحين صرت احسن والسبب
شاي رويال ( بابونج مع ينسون ) انا اشربة لما احس انة فيني غازات
بتحصلين ها الشاي في الجمعيات ... وانشاء الله بتفتكين من ها المشكلة
واذا ما حصلتي غوحي ( فوري ) شوية ينسون واشربي كوب واحد

[ALIA]

اول شيئ مبروك على الزواج
حببتي انا مع الخوات انسي السالفه ولا تعقدين عمرج السالفه ما تستاهل وفي اشياء تحدث اخس منها هـهههههههههههههههههههههههههههههههه

عاااااااااااااااااااااااااااااااااااااااااااادي طنش تعش

[شما المحيربي]

فديييييييييييييييييييييييييييييييتج ولله
الامر بسييييييييييييييييييييييييييييييييييييييييييييط جدااااااااااااااا
ههههههههههههههههههههههههههه
ولله عادي
انتي وايد حسااااااااااااسة