تجمع إلي يدربون سواقة في ها الفترة + صور

[أم حمزوزي]

السلام عليكم اخواتي
هاي الصفحة خصصته عشان نفيد بعض من يومياتنا، ونزيل الخوف..ونستفيد
السؤال:
- أي معهد اختري للتدريب
- في أي مرحلة تدريب وصلتي؟
بداية وسط او نهاية
- امتحنتي؟ وكم مرة؟
- شو أبرز صعوبات واجهتي
- منو دربج - باركنك وسواقة
- شو أحلى جزء كان عندج
- شو الأغلاط الي ما حطيتيها في بالج؟


عن نفسي أنا في البداية - معهد بو الحصا دبي - قوز -نجحت في الباركنج....
والبقية يتبع


[IMG]http://digiads.com.au/autoguide/images/sections

وسلامتكم

شكرا

المزيد من آخر المواضيع من نفس القسم:

• طريقة ازالة الدهون من الاوني بسهولة وفعالية
• طريقة عمل منظف للزجاج طبيعي في المنزل
• خطوات تنظيف المنزل بوقت قليل وبدون تعب
• افضل طرق تعطير غرف النوم سهلة وفعالة
• طريقة عمل معطر هواء طبيعي في المنزل حصري
• طريقة تنظيف العباية السوداء من بقع المناكير
• طريقة تنظيف الجينز بسهولة وفعاليه
• طريقة تنظيف حوض المطبخ بسهولة وفعالية
• فوائد تخزين القهوه في الفريزر
• كيفية استخدام الخل لتنظيف السجاد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ورد الجنه]

للرفع

[LoOoL]

- امتحنتي؟ وكم مرة؟
- شو أبرز صعوبات واجهتي
- منو دربج - باركنك وسواقة
- شو أحلى جزء كان عندج
- شو الأغلاط الي ما حطيتيها في بالج؟

انا من بعد ما كملت السن القانوني رحت تدربت سواقه في معهد ...
وما كانت عندي اي خلفيه عن السواقه .. رحت اتعلمت والحمدلله نجحت ..
لانه كنت متشجعه وناويه ف ما خفت الحمدلله ولا كنت ارتبك لانه كنت حابه اتعلم ...

والحمدلله نجحت فالامتحانين ريوس و شوارع من اول مره

وقبلها بعد نجحت ف الاختبار للشوارع من المعهد قبل امتحان الشرطه ....


بس اهم شي تبون تنجحون ..
يوم الاختبار

- كوني واثقه من عمرج لا ترتبكين
- يوم بتسوقين خلي مسافه عوده بينج وبين السيارات خلي مكان سياره ( عشان يعرفون انج تمشين على القوانين )
- و والاهم جيكي كل شوي على الجامات ال 3. (ينتبهون وايد على هالنقطه)
- الانطلاقه ( على قولتهم ) يوم تطلعين على الدوار مهمه جدا .......
- لاتنسين الهاند بريك يوم خلاص بتخلصين ( ترا ساعات حركى نذاله يرسبون على هالشي )
- الشرطي ممكن يقولج لا غلط سيري جي ولا سوي جي ( وهو يكون على غلط يكون فقط اختبار و يبغي يعرف انتي منتبهه ولا ؟ و كيف بتتصرفين يوم بترتبكين)

- وايدين يرسبون على اشيا تافهه بعد مثـل

- لو قالج الشرطي او الشرطيه اوقفي في المكان الفلاني ويكون غلط (مثلا)

ممنوع الوقوف مقابل لفه رونسيت
ممنوع الوقوف بجانب (القمامه )
ممنوع الوقوف بجانب مبنى غير مكتمل ( بنايه قاعدين يبنونها ) والخ

هذا الي فبالي احينه بس ها ابرز الاشيا

انا ما كنت اجيك وايد يوم فالتدريب ولا كنت اخلي مسافات ولا غيره لانه احس انه اشيا تجلط

بس استحملي يوم الامتحان حسسيهم انج انتي منتبه 100% و ماخذه حذرج 100% يعني من حيث المسافات والخ



ترا السواقه سهله وما يبالها شييي و الدوار بعد سهل الاغلبيه يخافون منه..
الدوار سهل بس ساعات الي يدربون ما يفهمون المتدرب عدل كيف يسوقون فالدوار اذا كان 3 سايدات او 2 بعد


مثــلا

دوار بـ 3 سايدات

اذا تبين تلفين دوار يمين ( خذي طبعا السيد اليمين وخذي الي عطرف اليمين )
اذا تبين تسيرين دوار سيده ( خذي السيد الي فالوسط ) ورحي منه للشارع الي مجابلنج ...
اما السيد ال 3 والي هو يكون داخل ( يستخدم اذا تبين تروحين يسار ) سواء كانت اكثر من فتحه على اليسار ..... يسمونهن يسار اول ويسار ثاني وجيييي

اتمنى انه ما اكون عقدت المساله ... الي مب فاهم يسال حد من اهله احسن ويفهمه لانه وايدين يرتبكون من هالشي ....

وطبعا يوم بتتمكنين تقدرين تتنقلين على الدوار على راحتج بس يكون بعقل لووووول وتحاسبين

وربي يوفق الجميع ان شاء الله

[k&s]

السلام عليكم ورحمه الله وبركاته ..


احس ان الموضوع حلو ..
انا قدمت على السواقة ..
بس بدرب قريب ..<< مبتدئة .. خخ

بس بقولكم انا اعرف اسوق ..بس قطعت السواقة فصرت مب لهذاك الزووود يعني > مشكلتي على الشوارع العامه والزحمة والدوااااار


ادعولي

وبعد ما ادرب .. راح اقول لكم كل خطوة

وبالتوفيق

[Amo0one]

السلااااااام
أنا بعد أدرب سواقه
أول شي أكاديميه فرأس الخيمه .. وأمتحنت فيها ونجحت ,,
وعقب أنتقلت ع الباركن والريوس .. فمدرسة تعليم,., خذت تقريبا أممممم 7 حصص يعني 7 ساعاات باركن وأقل عن نص ساعه ريوس ..
وقدمت ع أمتحاان .. ونجحت فالباركن ورسبت فالريوس ..
وعقب غيرت المدرسه .. روحت ع مدرسه ثانيه .. وعلمتي مقاسات ريووس غيييير . . أقولها كييف جييه تقولي أنتي سوي جيه عشان تنجحين .. وقدمت ع أمتحاان الريوس .. رسبت مع أنه أنا متأكده أني سويت مثل ما المدربه علمتني ..ورحت أدرب فيت المسؤووله مال مدرسة السواقه وشافتني أسووي فقالت لي غلط جييه وعلمتني الطريقه الصحيحه ..ورديت قدمت أمتحاان ثاني ..ورحت أمتحن ونجحت الحمدالله ..
وعقب بعد امتحان الاشاراات .. تقريبا أممممم فووووق الثلااثيين أشاااره يعني واااااااااااااااايد أشااراات عطتني والحمدالله نجحت ..
وألحيينه بعدني باجر بتكون أول حصه لي شااارع ,. .
دعووواااتكم ..
وخبروني اللي أمتحنو فراس الخيمه .. كيف أمتحنكم الشرطي فالشارع .. لأني خايفه من الشارع

[نجمة الفجر]

الله يوفقكن وتأخذن اليسن^^

[اكليل_ الورد]

الله يوفقكن ياااارب

Amo0one.... انا بفتح الاسبوع الياي ملف حق السواقه ...بسألج افتح فالمرور ولا اسير الاكاديمية ..وكيف سياسة هالاكاديمية...؟؟

[أحلى ابتسامه]

للرفع

[am_shaima]

السلام عليكم اخواتي
هاي الصفحة خصصته عشان نفيد بعض من يومياتنا، ونزيل الخوف..ونستفيد
السؤال:
- أي معهد اختري للتدريب

معهد الامارات

- في أي مرحلة تدريب وصلتي؟
بداية وسط او نهاية

الحين الحصة ال15
- امتحنتي؟ وكم مرة؟

امتحان الاشارات والباركينج هالاسبوع ادعولي

- شو أبرز صعوبات واجهتي

السرعة العاليه لا شعورياً اسرع زيادة عن اللزوم والمدربه جنت مني

- منو دربج - باركنك وسواقة

بفس المدربة

- شو أحلى جزء كان عندج

كل شي حلو يعني مغامره
- شو الأغلاط الي ما حطيتيها في بالج؟
000000

فكرة حلوة مشكورة على الطرح واتمنى من اللي امتحنو وخلصو يفيدونا اكثر

عن نفسي أنا في البداية - معهد بو الحصا دبي - قوز -نجحت في الباركنج....
والبقية يتبع




وسلامتكم

شكرا

[اليشمك]

اهلين 0000انا توني بدرب ع السواقه من الشهر هذا...اول شي درست النظري في مدرسة الامارات لتعليم القياده ونجحت الحمد لله..وبكمل عندهم باجي الدروس ....انا من بوظبي وياريت البنات يخبروني عن افضل مدربات السياقه فمنطقة الشهامه....ويزاكن الله خير....وادعولي اخذ اليسن ان شاء الله,,,,,

[BIG Z]

أنا بعد نجحت بالباركنات بعد عناء طويل
و ألحين بالشارع
و الله يسهل علي ...

[بتوته]

الله يعطيكن العافيه خواااااتي والله موضووع روعه عشان نكسر الخوف
انا بعدني مطوله مابسوق احين بس حبيت اشجعكن ورفع الموضوع
UP
UP
UP
UP
عشان باجر يوم نحتاج نتعلم نرد لمنتداااانا حبيب الجماااهير

[نجم سهيل]

داومت في مدرسة الامارات ونجحت والحين اتعلم ع الريوس والباركنج خخخخ
ادعولي اني انحجح واقبض الشاارع ^_^

[منورة]

موضوعكم حلو

[Amo0one]

أكليل الورد الغاليه
رديت عليج ع الخااص
واي شي تبينه بخبرج أياه