ابغي اوقف سنه وانا في التقنية ؟؟؟

**سكون دبي** · 2008-10-25, 16:43

السلام عليكم

أنا ادرس في تقنية دبي ثاني سنه دبلوم عالي وابا اوقف دراسه لمدة سنه لظروف وابا اعرف شو الإجراءات وهل بيحطون لي فيل في المواد اللي درستها
والله حاسه بضيج مب عارفه شو اسوي تعودت على الكلية بس مب قادرة على الشغل اللي يعطونا اياه وبيتي أولى ..
المشكلة اني كنت حامل في اول سنه في الكلية وتعبت وما عطوني اجازة غير اسبوع والحين انا ثالث سنه لي في الكلية وما اقدر ادرس وأحمل لأن ريلي يباني احمل هالشهر إذا الله راد وراح الكيس اللي على المبيض وما اقدر اهد بنتي ويا الخدامه اليديدة وانا ما اعرف شو بتسوي بنتي وامي تشتغل وعموتي كبيرة ما تتفيج حج اليهال يعني انا لازم اضحي بدراستي لبيتي

واللي عندها خبرة يا ليت ترد علي ..

المزيد من آخر المواضيع من نفس القسم:

**سكون دبي** · 2008-10-25, 17:17

بليز ساعدوني

**!عذاري!** · 2008-10-25, 17:27

الغاليه اغلب البنات اللي وقفوا ماتخليهم الكليه ع اساس الدفعات الجديده وماشي مكان .الخ

بس مادري اذا عندكم عادي !!

**سكون دبي** · 2008-10-25, 21:35

المشاركة الأصلية كتبت بواسطة !عذاري!

الغاليه اغلب البنات اللي وقفوا ماتخليهم الكليه ع اساس الدفعات الجديده وماشي مكان .الخ

بس مادري اذا عندكم عادي !!

هي بس انا مب اول سنه في الكلية وانا ثاني سنه

إن شاء الله خير

**جمر بارد** · 2008-10-25, 21:39

ما انصحج

سنه وايد

وهم ما يصدقون

يحصلون على الواحد شي

وحرام انتي دبلوم عالي

تغلبي على ظروفج

وكملي

يعني انتي ما بتدرسين طول عمرج
الا هي من سنه وبتخلصين

**صمت الاصايل** · 2008-10-25, 22:07

عبي طلب انج تبين توقفين سنه و لازم يكون عندج سبب مقنع ..ليش يعني تبين توقفين..

ولو لا سمح الله كان عندج ظرف طبي يفضل انج تكتبين عنه و اذا عندج اوراق تثبت بعد بيكون وايد

اوكي عسب انج تقدرين ترجعين للكليه السنه

اليايه بدون عرقله..فـ لازم تسيرين الكليه و تخبرينهم انج تبين توقفين

و هم بيخبرونج شو اهي الاجراءات الباقيه..

بس حرام تضيعين عليج سنه لان احتمال السنه اليايه الكليه تكون مختلطه يعني بتكون معانا جنسيات ثانيه

و هالشي وايد بيغير من نظام الكليه..

حاولي اختي بقد ما تقدرين تتمسكين بمكانج في الكليه لان الحين صعب الواحد يبدي في شي و ينهيه من الوسط و

يرجع له مره ثانيه..

وربي يوفقج ان شاء الله..

**ام_ساره** · 2008-10-25, 22:11

لا تضمنين الكليه ابدااااااااا
عادي يوافقون لج ع التوقيف.. و السنه اليايه يقولون لج الاولويه حق اليداد.. و انتي ما لج مكان
كملي و افتكي احسن لج.. و الله ييسر امورج

**سكون دبي** · 2008-10-25, 22:25

المشاركة الأصلية كتبت بواسطة جمر بارد

ما انصحج

سنه وايد

وهم ما يصدقون

يحصلون على الواحد شي

وحرام انتي دبلوم عالي

تغلبي على ظروفج

وكملي

يعني انتي ما بتدرسين طول عمرج
الا هي من سنه وبتخلصين

المشكلة اني تحولت في بيت روحي وبشكارتي بتسافر الشهر الياي وبييب بشكارة يديدة وانا ما بأمن بنتي عليها
أنا وايد متضايقة ما أبغي أودر الكلية بس ما أقدر وخاصة الكلية وايد ضاغطينا بالشغل وكلهم يبونا انسلم الشغل في اسبوع واحد يعني انا على هالظروف مب املحقه

الله يعين

**سكون دبي** · 2008-10-25, 22:28

المشاركة الأصلية كتبت بواسطة صمت الاصايل

عبي طلب انج تبين توقفين سنه و لازم يكون عندج سبب مقنع ..ليش يعني تبين توقفين..

ولو لا سمح الله كان عندج ظرف طبي يفضل انج تكتبين عنه و اذا عندج اوراق تثبت بعد بيكون وايد

اوكي عسب انج تقدرين ترجعين للكليه السنه

اليايه بدون عرقله..فـ لازم تسيرين الكليه و تخبرينهم انج تبين توقفين

و هم بيخبرونج شو اهي الاجراءات الباقيه..

بس حرام تضيعين عليج سنه لان احتمال السنه اليايه الكليه تكون مختلطه يعني بتكون معانا جنسيات ثانيه

و هالشي وايد بيغير من نظام الكليه..

حاولي اختي بقد ما تقدرين تتمسكين بمكانج في الكليه لان الحين صعب الواحد يبدي في شي و ينهيه من الوسط و

يرجع له مره ثانيه..

وربي يوفقج ان شاء الله..

صدقج بس انا محتاجه سنه راحه عشان اتفرغ لبيتي وبنتي والكلية لاحقة عليها لأن باقتلي سنتين وبتخرج وعقب التخرج مابشتغل بيلس في البيت فما عندي مشكلة ارد للدراسه عقب سنه اما عن الاختلاط فإذا سووها مختلطه بحول لجامعه ثانية

**سكون دبي** · 2008-10-25, 22:31

المشاركة الأصلية كتبت بواسطة ام_ساره

لا تضمنين الكليه ابدااااااااا
عادي يوافقون لج ع التوقيف.. و السنه اليايه يقولون لج الاولويه حق اليداد.. و انتي ما لج مكان
كملي و افتكي احسن لج.. و الله ييسر امورج

آمين يارب
أنا اللي امخلني ضامنه رجوعي لأن تخصصي أي تي وهالتخصص البنات اللي فيه شويه ومب وايدين يدخلونه وهم يتمنون ايزيد العدد

**%Om_Khalid%** · 2008-10-25, 22:44

والله ياختي مشكلتج بسيطة .. بنتج وديها الحضانة هناك بيهتمون فيها وبيعلمونها اشياء بس طبعا مب اي حضانة تودينها اسئلي اول شي ......وايد امهات يسوون هالشي

وصدقهم البنات عادي يخونون فيج ويرفضونج تردين عقب سنة

مادري والله بس انتي فكري عدل قبل لا توقفين ..

**سكون دبي** · 2008-10-25, 23:58

المشاركة الأصلية كتبت بواسطة %Om_Khalid%

والله ياختي مشكلتج بسيطة .. بنتج وديها الحضانة هناك بيهتمون فيها وبيعلمونها اشياء بس طبعا مب اي حضانة تودينها اسئلي اول شي ......وايد امهات يسوون هالشي

وصدقهم البنات عادي يخونون فيج ويرفضونج تردين عقب سنة

مادري والله بس انتي فكري عدل قبل لا توقفين ..

والله الأسباب وايد صح بنتي من بينهم بس في ظروف ثانية وإن شاء الله ألقى لها حل واقدر اكمل دراستي

**algalb** · 2008-10-26, 00:35

الله يوفقج للرفع

**كعبية** · 2008-10-26, 00:35

الله يعينج

**Al_Dloo3aa** · 2008-10-26, 00:55

حبيبتي نصييحه
لا توقفين لا توقفين لانهم يوم تبين اتوقفين بيفرشون لج الارض ورود وبيعطونج وعود كاذبه بس تعالي عقب كملي بيقلولنج نو واي والاولويه لليداد وانتي اتريي في الويتنج لست حبيبتي سووها فيني والله اني ماقص عليج وقفت عسب الحمل ويوم ييت بكمل حطوله 1000000000000 عذر وكل يوم اروح للسوبرفايزر اترجاه يردني وكلمت الراس العود عندهم وماشي فايده مع انه السوبر وعدني وكتب هالكلام في ملفي الخاص بس يوم ييت بكمل قالي انا مو بايدي شي ومن هالخررررط
حاولي تتغلبين على ضروفج والله ييسر لج امرج

الموضوع: ابغي اوقف سنه وانا في التقنية ؟؟؟

أدوات الموضوع

عرض

ابغي اوقف سنه وانا في التقنية ؟؟؟

المزيد من آخر المواضيع من نفس القسم:

المواضيع المتشابهه

خواتي ابغي اوقف رضاعه؟؟كيف؟؟؟

مشكلتي.. ابغي اوقف على ريولي و اعتمد على نفسي ..11

بنات كلية التقنية ابغي منكم مساعده في امتحانات تحديد المستوى الانجليزي والرياضيات

بنات كليات التقنية .... ابغي مساعدتكم ممكن