نبض الجنين

**JOORY_2012** · 2008-10-24, 23:23

السلام عليم خواتي

الغاليات في مؤشرات تدل على ان الجنين مافي نبض؟؟

واذا الحامل متعوده في كل حمل عل الوحام وفي هالحمل ما توحمت مع انها دخلت الثاني يعتبر مؤشر

ان الجنين في خطر او عادي؟

المزيد من آخر المواضيع من نفس القسم:

**Om Khaleefa** · 2008-10-24, 23:30

انا ماعرف بس اللي كنت اسمعه من امي ان وحام الولد اخف من وحام البنت يعني على حسب جنس البيبي
والله أعلم ان شا الله البنات يفيدونج

**فضى الكون** · 2008-10-25, 00:08

اختي مايعتمد على الوحام لازم التصوير عشان تشوفين النبض بعينج
اذا كانت الحامل تلوع كبدها وتعبانه وفجاة اختفى عنها الشي هذا ممكن فيه شك في الموضوع
والله يسهل على الجميع

**قصايد الهاملي** · 2008-10-25, 00:14

هلا اختي

مو شرط في كل حمل تتوحمين مايخصه يمكن ف حمالج الاول يكون الوحام قووووي وايد والحمل الثاني مول مافي اي وحام

اما عن النبض مايخصه ف الوحام روحي عند الدكتوره وتأكدي ^^ السموحه

**JOORY_2012** · 2008-10-25, 00:27

مشكورات خواتي عالرد

**شوق _ زايد** · 2008-10-25, 00:34

للرفع

**حرم الياسي** · 2008-10-25, 02:36

اختي سيري المستشفى احسن لج

لانه اذا مافي نبض وماتتوحميين مول يعني البيبي في خطر

بس ان شاء الله خير

**missuae3003** · 2008-10-25, 03:31

مب شرط تتوحمين .. امي تقول كل حمال احمل به .. ماييني الوحام بعد .. لا تلوع جبدي و لااشتهي شي معين ..

يعني مب شرط يكون شي وحام في الحمل ..

انتي اذا بغيتي تتطمنين عن النبض .. ممكن تروحين تفحصين ..

بس تعرفين الي يخوف ..

اذا كنتي تتوحمين وبعدج فالشهر الثاني او الثالث وتوقف فجأه لازم تروحين تفحصين للاحتياط

**أخت القمـر** · 2008-10-25, 08:45

المشاركة الأصلية كتبت بواسطة قصايد الهاملي

هلا اختي

مو شرط في كل حمل تتوحمين مايخصه يمكن ف حمالج الاول يكون الوحام قووووي وايد والحمل الثاني مول مافي اي وحام

اما عن النبض مايخصه ف الوحام روحي عند الدكتوره وتأكدي ^^ السموحه

معاج 100%

**زوجه الياسي** · 2008-10-25, 10:32

ربي يثبت حملج ويحفظ جنينج من كل شر..

**راعية الورد** · 2008-10-25, 11:02

عادي حبوووبة مب شرط انج ماتتوحمين وايد حريم يكون وحامهم خفيف
ومايخصه اذا الجنين في خطر او لا

وانا يوم كنت حامل حسيت بالوحام وكنت اشتهي وتلوووع جبدي لكن فجأة في آخر الثاني وقف عندي الوحام وتميت ماحس بشي أبداً وبعدها باسبوع رحت العيادة قالولي انه الجنين ميت

**@ سحابة خير @** · 2008-10-25, 11:46

انا الحمدلله ما توحمت بعيالي ... أبغي أفهم وين مؤشر الخطر ..
الحين في حمالي الثالث توحمت وتعبت ... أما الحملين اللي قبل لا ..مافي وحام والحمدلله صحتهم زينه..

**meme2000** · 2008-10-25, 13:44

بالنسبة للوحام عادي أنا ما توحمت الحمدالله لين ربيت ...

وهو سبحان الله يختلف من وحده لوحده

**الدندوشة** · 2008-10-25, 14:21

يا أختي كل حمل يفرق عن الحمل الآخر وكل ولادة تفرق عن الولادة الثانية وللتأكد من نبض البيبي من الأفضل تروحين للدكتورة وتشوفلج إياه بالجهاز وموفقة يا رب

**to_ty_2005** · 2008-10-25, 18:30

حبيبتي انتي في الشهر الثاني بعدج على الوحام اصبري لين نهايته او بداية الثلاث وشوفي بتكرهين عمرج من الوحام ههههههههههههههههههههههههههه ربيعتي جي

الموضوع: نبض الجنين

أدوات الموضوع

عرض

نبض الجنين

المزيد من آخر المواضيع من نفس القسم:

المواضيع المتشابهه

متى يستطيع الجنين السماع؟ تعالوا شوفوا امتا بيسمع ومعلومات عن سمع الجنين

ادعية (حفظ الجنين و تسهيل الولاده) + وزن وطول الجنين + حسابات الحمل من أشهر و اسابيع

ادعية (حفظ الجنين و تسهيل الولاده) + وزن وطول الجنين + حسابات الحمل من أشهر و اسابيع

عني سؤالين... عن رأس الجنين.... وزيادة الماي حول الجنين.....؟!

نوع حركه الجنين تحدد جنس الجنين صح او غلط ؟؟؟؟