يابنات خلوني احكيلكم قصة ربيعتيه..بلييز تعالوا وشوفوا شو قالت لي..

[ذهب]

خواتي..ربيعتيه تحب زوجها وايد وهو بعد على قولتها يحبها..بصراحه وايد ضحت علشانه تحملت تفاهات اهله وطولت لسان خواته وتحملت انها عايشه بروحها في غرفه صغيره وضيقه ماتشل غير نفرين..وفوق كل هذا تحملت انه ماعنده معاش بحكم السلفيات والديون اللي على ظهره تنازلت عن وايد اشياء مع انها ماتمتعت بحياتها لاسافرت ولا تطلع معاه مثل الناس ولاتسمتع غير انها تحملت علشانه وعلشان انها تحبه..بس هو بالشو يجازيها على هذا كله مايعطيها حقوقها كامله يعني مقصر وياها يباعطفته بحبه بحنانه مايعوضها دايم مشغول عنها يرجع من شغله ياليته يرد مشتاق لها ولو حتى يحسسها مجامله لا يروح اول شي عند ربعه وتالي الليل يرد لها طبعا تعبان ويبغي يرقد..ولاحتى يقولها انه ولهان عليها ويعوضها عن غيابه..طبعا يقول من الصبح وهيه راقده حتى مايقولها صباح الخير..يقوم مثل الحراميه ويطلع من الغرفه وهي ماتحس فيه..تقوم من النوم تتفاجأ انه مش موجود متى طلع وكيف طلع ماتحس ويوم تكلمه يقولها ماحبيت ازعجج يعني تتخيلون لو هي عملت هالموقف بيرضى زوجها( ابغي كل وحده متزوجه تحط نفسها في مكانها شو بيكون رد فعلها زوجها يطلع مثل الحراميه يعني شو بيكون شعوركم قهر والله) تخيلوا كملت معاه 3 سنوات وكل مره يحتفلون بيوم زواجهم في كل مره ينام عنها مايحسسها انه فرحان معاها ولا يعرف شو هاليوم بالنسبه لها..ثاني شي انه مره اهدته هديه تخيلوا شو قالها اول مره يحتفلون بيوم زواجهم يعني وكتعبير عن حبها له وفرحتها معاه اهدته هديه شو رد عليها قالها( بصراحه ماعجبتني) تخيلوا تصوروا احساسها كيف..والله انها في كل مناسبه تفكر فيه وكل ماتروح السوق مايهون عليها ماتاخذ له شي اما هو من تزوجها ولا قط خذالها شي حتى ورده تفرحها تخيلوا شو من البشر هو..بالله ردوا شو رايكم وبكل صراحه تعبت معاه تحاول تغير فيه يقولها انا مااحب اجامل مع انه الحياة الزوجيه تتطلب المجامله علشان المركب يمشي..
بليز لاتهملون الموضوع ابغي اقرا رددودكم..والله يجيزكم خير وينولكم اللي في بالكم..

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عيناويه خجاجه]

اممممم والله ما اعرف شو اقولج اللي ايده ف النار مب مثل اللي ايده ف الماي

بقولج انا شو بسوي لو ف موقفها بس لا تخلينها تسوي نفسي لانه ادري انه غلط :1 (34):

كنت بطنشه ولا بسويله سالفه ولا بحتفل وياه ولابعبره بهديه

وبسويله مصيبه ع اي شي مايعيبني لييييييييين ما يحترمني >>> شريره نيههههاااي

وخواته بأدبهن واللي تقولي كلمه ارد عليها بعشر جي ع شو مانات حضراتهن

يسد عيشة اخوهن اللي معيشني اياها والله حااله!! قسم بالله ما اخلي حد يذلني :1 (31):

وخذيها قاعد ف كل شي اللي تتعود تسكت عن حقها مره بتسكت عنه دووووووووووووووووم

والنصيحه الثانيه اللي اباها تطبقها بس انا ما اسويها :1 (82):

انه تصبر عليه وتدعيله بالهدايه

والله كريم:22 (7):

[ذهب]

مشكوره الغاليه عيناويه خججاجه..يالله كل هالزيارات ووحده يزاها الله خير ردت ..

[جويل 11]

الله يستر والحمدالله

[روح الشوامس]

نصيحه وانا جربت هالشي بصراحه

كنت معيشه ريلي في نعيم يحلم به كل ريال

كان ما يسمع مني الا كلام الحب وعمري ما طلعت من ثميه كلمة غلط

مرينا بضروف زفته وكان يحرمني من الكلام الحلو

ما عدت مناسبه الا واشتريت له هديه ((حتى لو اتسلف)) بس المهم ادبرها له

بس كان هوه لاحياة لمن تنادي....

اذكر مرة قلتله ما تذكرتني بهديه؟؟؟ انا ما با منك لا ذهب ولا عطور

انا احب الورد تكفيني وردة تخيلو شو قالي؟؟؟؟

قالي ذكرن يوم نخطف الشارع اوقف واقطعلج وردة من الشارع...إهيء إهيء

تخيلو شعوري كنت بذبحه بس سكت..<<<<غبيه

بس الحمدالله لقيت الحل........

تعرفن شو سويت

طنشت كل شي وغيرت معاملتي وياه 180 درجه

قالتلي وحده لا تخلين عمرج جيه لاتمين تكلمينه بطريقه الحب دوم

لانه بتصير كلمة حبيبي عادية وهو تعود عليها

يعني اركدي شوي

صدقوني والله العظيم

حياتي الحين الحمدالله تغيرت وايد

اللهم لا حسد ((قولن ماشالله))

بس الريايل هب كلهم نفس الطبع

ربي يسعدها

[ورده جوري]

خلهاه اطنشه ولا تعق عمرها عليه ولا تحسسه انه اهم من في الكون الريال ما يحب الحرمه اللي عاقه عمرها عليه

[قرموشة]

اختي ربيعتج تنازلت عن اشياء وايد واهم شي تخلت عن شخصيتها
لازم تبني نفسها من يديد واذا اي مخلوق غلط عليها بدون وجه حق لالالا
نسكت ترد بدل الكلمه عشر ولا عليها ~~)(تروم تقول في ويه الكافر انت كافر )
ما عليها من حد
تهتم بنفسها مب علشان ريلها علشان هيه تشوف عمرها
وبعدين لا تتنازل عن المصروف لانه بدايه لتنازلات وايد
وتصارح ريلها انت فيك وفيك وانا عيبني ومب عيبني
والله يوفقها بحياتها يا رب

[((( أم مهرة )))]

لا تعلييييييييييييييييييييييييق نصحيها انه تكون شخصيه غير استهلكيه من العالم لي حوله ولا ترضى بالمهانه وتعطي قد ما يعطيه ومثل ما يعتبره مخده هيه بالمثل تعتبره وشوفي كيف بيركض وراها اهم شي لا تكون ساذجه ومسفها بعمره لواحدن ملتفت لها ولا سال عنه >>>>>>>>> قمت اتعاسه

[Sweety]

والله بدالها مابسوي له سالفه

والله اخر شي هو بيي وبيركض وبيترجاهاا ترجع له

اصلا الرياييل مب مثل الحريم...نحن الحريم اذا حد دلعنا وسوالنا سالفه مانتغلى ونتخقق مثل هالريايل اللي عفانا الله جنهم مب شايفين خير او مب مصدقين وحده تعطيهم ويه

والله لو اطنشه شوي بس شوفي كيف بيصير

[عيناويه خجاجه]

شفتي

كل البنات عطنج نصايح نفس نصيحتي خليها تسويله اكبر طااااااف وتشوف شو بيصير وياها

وخواته تحاول انها ماتسكت لهن لانه في نوع من الناس اذا سكتي عنهم يتمادون ويااااج

واذا رديتي وطلعتي طولت اللسان بيحترمونج غصبن عنهم >>>عن تجربه شخصيه

والله يوفقها

[صغيرة]

لاحظت انها عايشة في اجواء صعبة في كل الاطراف .....يمكن بيئة هل زوجها هي الي حكمت انهم يتصرفون بالمبالاة والفضاضة يعني مايحترمون الشخص الدخيل فأفضل حل انج لاتقعدين وياهن ابدا وبخصوص الزوج هذا الشخص يعتبر البيت فندق وفي نفس الوقت يمكن يحس بالضيج من الديون عسب جي كله يفكر يضيع وقته عسب ينسى مشاكله .... شو رايج تعاملينه بالمثل قبل لا يطلع طلعي قبله شوفي شو ردة فعله واذا قالج وين رحتي قوليله كنت راقد وماقدرت اخبرك المعاملة بالمثل واذا شفتي هب متجاوب وياج غيري اسلوبج .........وبعد اختي ف شي اسمه تفاهل احسلها تتفاهم وياه يمكن بتنحل المشكلة

[الاترجة]

عيناوية انتي كدا .............. :1 (68): :1 (68): :1 (68):

[رنوووووي]

تحسسه انها تغيرت وتقوي شخصيتها وتطنشه هو اللي بيركض وراها لانه مبين من النوع اللي يحب الحرمه اللي شخصيتها قويه مش المسالمه والله يسامحه ما ينعطا ويه شكله

[ذهب]

مشكورات الغاليات ادري مابتقصرن وهيه الحين تبعت النصايح ومسويه له طاااااااف

البارحه تكلمني وتقولي انه مايمر يوم ال واتصل بها والمسجات طبعا مسجات الحب والوله حارقه

تلفونها وهيه يالله يالله مسج او مسجين في اليوم..لا وبعد اطور قام يوديها مطاعم وسنما

وهيه تشكركن على نصايحكن الحلوه..

الله لايغير عليكن والله يسخر لها زوجها وازواجكم وعساكم على القوه..وجعله في ميزان حسناتكم..

[شوق الغلا]

الله يسعدها..