لسانه طويل يوم يعصب؟؟؟؟

**أدري بـ شري** · 2008-10-09, 11:13

الحين بقول لكم عن شي يمكن كلنا أو معظمنا نعاني منه....

ريلج يوم يعصب ينسى عمره و يقول لج كلام مافي داعي منه؟؟؟؟؟؟

إنتي شو يكون موقفج؟ تقولين عادي..و هو معصب؟ ولاّ تزعلين؟؟؟؟

إنزين..إذا راضاج..تنسين كل شي أو يتم شي في خاطرج؟؟؟

إنزين شي ريال طبعه هو يكون الغلطان و يقول كلام جارح..لا و فوق هذا ما يقتنع إنه غلطان و يتريا زوجته هي إلي تراضيه؟؟؟ لو كنتي في هالموقف..تراضينه أو لا..مع العلم إنه جرحج إبكلامه...مثال:

هاذي أمثلة جمعتها من أكثر من وحدة...و حبيت أعرضها عليكم
:
-أبوج لو فيه خير ما سوا سالفه حق ريل إختج هاللوتييي...

-والله أنا يوم خذتج ما دريت إني ماخذ برنسيسة كل يوم و الثاني تبا تتشرى...

-ما كنت أدري إني ماخذ طالبة عشان تمثل علي دور الطالبة علي هني في البيت...أبا حقوقي كلها...سمعتييي...

-لو موب عايبنج الحال..ياالله سيري أشوف..هاك الدرب...بشوف منو بياخذج أصلا...

-تمنين علي بوظيفتج يعني عشان ساعدتيني بكم بيزة عشان البيت..بوية ما بغيناهن..إنتي إلي تبين تنتقلين إبسرعه بفرهم في ويهج أول ما أقدر..

-إنتي من يومج كذابة..و تخدعيني..و تتحريني موب فاهم يعني..أطوف بمزاجيي..
- تبدين هلج علي؟؟؟ ليييش؟ هم بينفعونج بعدين؟؟ ماحد بينفعج غيرييي....صدقيني بتين
تحفين تبيني أعاملج مثل الحين و ما بعاملج هالمعاملة..إنسيها..ما تستاهلين,,ما تستاهلين خير..إنتي مكانج تربين هالعيال و بس..مالج شغل فيني...
--

شو بيكون موقفج إنتي؟؟ خبرينا؟؟و شو هو الحل عشان تقللين من ردة فعل ريلج؟؟؟ يوم يعصب و يعق أي رمسة جارحة وخلاااص..

المزيد من آخر المواضيع من نفس القسم:

**حرم المهيــري** · 2008-10-09, 11:25

ما مريت بهالموقف وان شالله ما امر فيه الله يوفقج و يوفق كل الخوات

**شيخة الامارات** · 2008-10-09, 11:35

الحمدالله ع كل حال

**أدري بـ شري** · 2008-10-09, 12:13

ببنات...بغينا ردااات أفعالكم.....كيف ممكن الوحدة تتصرف؟؟؟

يعني ماشاءالله ريايلكم يوم يعصبون..مووول..ما قد قالوا كلمة صدق تجرح!!

**um 7mo0o0d** · 2008-10-09, 13:03

امممممممممممممم موضوع حلوو

شسالفتج ويا مشاكل الرياييل هالايااام شكلج شانه هجوم عليهم خخخخخخخخخخخخ >> يستاهلون لاتقصرين فيهم لوووووول

المهم انا بخبرج ريلي من النوع العصبي واسباب العصبيه بدون ادنى شك اني انا عفويه فكل وقت وما ادقق عالرمسه اللي اقولها او اني اتصرف بغير عقلانيه فبعض المواقف لووول

هاي سبب المشاكل ونحنا ما نقدر انسميها مشاكل هااااي على قولتهم بهارات الحياة الزوجيه بدونها الحياة ممله للللللللللللللكــــــــن طول ما انا معاه وهو زوجي وانا زوجته ملزومين نسامح بعض ونعلم بعض ونتعلم من التجارب

انا اواجـــه عصبيه ريلي بالسكوت .. كله ساااااااكته وعقب اونه اسمي عمري برقد واتم اصييييح لين ما اعيز عقب اييني رقاااد وخخخخخخخخششششششششششششش رقاد ههههه

وبس

الله لا اييـــــــــــــب المشاكل ياربي ^^

**حرم المهيــري** · 2008-10-09, 13:14

المشاركة الأصلية كتبت بواسطة أدري بـ شري

ببنات...بغينا ردااات أفعالكم.....كيف ممكن الوحدة تتصرف؟؟؟

يعني ماشاءالله ريايلكم يوم يعصبون..مووول..ما قد قالوا كلمة صدق تجرح!!

عن نفسي هالكلام مووووول ماسمعته عشان جيه صعب اعطيج ردت فعل

طبعا هو يعصب ماقولج مايعصب فالنهايه بشر بس ما يرمس جيه فهمتي قصديه اختي ؟؟

**كل الرقة** · 2008-10-09, 13:29

المشاركة الأصلية كتبت بواسطة حرم المهيــري

عن نفسي هالكلام مووووول ماسمعته عشان جيه صعب اعطيج ردت فعل

طبعا هو يعصب ماقولج مايعصب فالنهايه بشر بس ما يرمس جيه فهمتي قصديه اختي ؟؟

وانا بعد الله لا اييب هالمشكل بينا
يعني مب انه مووول ما نتزاعل بس ماتوصل انه يهيني بالكلام يعني يحاسب اشوي...
واذا صار شي بسييط.. ابوز واسكت وما ارتاح لين يراضيني او يعتذر...

واذا ما اعتذر لانه ريلي ذكي بينام وبيقوم الدنيا بخير وينسى كل شي قبل... بس انا اتم السالفه فبالي لين انسى مع الايام.. وخلاص....

شو بنسوي بعد.... ترها دنيا فانيه مابناخذ شي منها....

**أدري بـ شري** · 2008-10-09, 13:32

بس خواتي نحن نتكلم بشكل عام...

يعني كل وحدة بتتحرا إني مثلا أقول والله ريلج جي أو ريلي جي....لاااااا..بشكل عام..شو بتكون ردة فعلج لو؟ أو..شو نصيحتج للزوجة إلي تعاني من هالشي ؟؟؟

او هو رد غير شخصي و لا يمت لبيت عضوة معينة أو حالة عضوة معينه...حتى الأكثلة أنا يبتها من زميلات لي، و من قصص سابقة سمعتها ، و جمعتها..عشان ندور حل...

المشكلة هني إن كل السوالف عن تجهيز ليلة رومانسية..إنزين إلي تبا ليلة رومانسية ، عشان توصل لهالمرحلة ، لازم قلبها يكون راضي عن ريلها..مستحيل يعني تعطيه و هي زعلانه و حاطة شي في خاطرها و يوم عن يوم تبعد المسافه....

زين خواتي..نفرض كلكم عايشين حياة وردية ، بس فكروا ويانا عشان نفيد موب البائسات..لا..المشاكل لابد منها...بس البنات إلي مرات هالنوع من الكلام ممكن ينفرها من زوجها، و هو فعلا يكون غاضب و موب قاصد مثلا.......قد لا يكون الكلام بهالحدة، بس بعد...

**أدري بـ شري** · 2008-10-09, 13:37

المشاركة الأصلية كتبت بواسطة um 7mo0o0d

امممممممممممممم موضوع حلوو

شسالفتج ويا مشاكل الرياييل هالايااام شكلج شانه هجوم عليهم خخخخخخخخخخخخ >> يستاهلون لاتقصرين فيهم لوووووول

المهم انا بخبرج ريلي من النوع العصبي واسباب العصبيه بدون ادنى شك اني انا عفويه فكل وقت وما ادقق عالرمسه اللي اقولها او اني اتصرف بغير عقلانيه فبعض المواقف لووول

هاي سبب المشاكل ونحنا ما نقدر انسميها مشاكل هااااي على قولتهم بهارات الحياة الزوجيه بدونها الحياة ممله للللللللللللللكــــــــن طول ما انا معاه وهو زوجي وانا زوجته ملزومين نسامح بعض ونعلم بعض ونتعلم من التجارب

انا اواجـــه عصبيه ريلي بالسكوت .. كله ساااااااكته وعقب اونه اسمي عمري برقد واتم اصييييح لين ما اعيز عقب اييني رقاااد وخخخخخخخخششششششششششششش رقاد ههههه

وبس

الله لا اييـــــــــــــب المشاكل ياربي ^^

يعني إنتي تعترفين إن الغلط دايما يكون من صوبج؟؟؟

سبحان الله..الريايييل عمرهم ما يطلعون عمارهم غلطانين ههههههه.....

إنزين يعني إنتي تعتمدين طريقة السكوت..و البكي..و تنفسين عن عمرج بهالطريقة..جيد.. (أنا تقريبا جي..و مرات أكون موب غلطانه و أقول أنا غلطانه عشان أمشي السالفه و أفتككككككك..يالله شو ماخذين منها...)

و الغريب إلي ما أفهمه....ياخي مبين علي إني أصلا موب مقتنعه و أنا أتأسف أبدا...و بعد يقبل إعتذاري عا اساس إنه ماعليه سامحني أونه لوووووووووول..شو ها!!!

**um 7mo0o0d** · 2008-10-09, 13:43

المشاركة الأصلية كتبت بواسطة أدري بـ شري

يعني إنتي تعترفين إن الغلط دايما يكون من صوبج؟؟؟

سبحان الله..الريايييل عمرهم ما يطلعون عمارهم غلطانين ههههههه.....

إنزين يعني إنتي تعتمدين طريقة السكوت..و البكي..و تنفسين عن عمرج بهالطريقة..جيد.. (أنا تقريبا جي..و مرات أكون موب غلطانه و أقول أنا غلطانه عشان أمشي السالفه و أفتككككككك..يالله شو ماخذين منها...)

هلا فديتج

لالا الغلط مو مني بس انا الظاهر نسيت اكمل اللي كنت اكتبه فوق .. كنت ابا اقولج ان انا عفويه واعق الرمسه وانسى وهو ما شالله عليه مدقق لغوي لوووول يعني واايد دقييق ويدقق فكل حركه او كلمه تطلع مني

بس الحمدلله ما بينا مشاااااااااااااااااكل مستعصيه والله لا اييبها ..

انا جي اتم اصيييح >> هالشي فيني من يوم وانا ياهل كلما حد يزعلني اصيح هاي طريقتي التعبيريه عن ضيجي .. بس عقبها نتريا بو الشباب ايي ويراضينا لووووووووول

والحياة تستمـــــــــــــــــــــر وصدقتي شو ماخذين منها هاي الدنيا

لازم واحد من الطرفين يتنازل ويطلع عمره غلطاااان ولو هو مب غلطان بنظره بس عشان الحياااة تستمر والمشاكل ما اتطوووول ولا تتطور ^^

**#بنت ابوها#** · 2008-10-09, 13:46

انا ريلي الحمدالله مب من النوع الي يعصب واااايد بس اذا عصب لا زم ادور لي مكان انخش فيه لاني اتوقع كل شي منه وهو معصب
عشان جي يوم يكون معصب اتم ساكته لين يهدا تمام ويظهر برع وبعدين لين يرجع يتأسف بس تعرفون لا زم اشوي اتغلا ههههههه
بس الحمدالله عمره ما قال كلام مثل هذا

**أدري بـ شري** · 2008-10-09, 13:55

إنزين بنات...تتوقعون الريال ممكن يقول كلام مثل هذا بس إذا كانت الزوجة فعلا تستاهل من هالكلام؟ و فعلا غلطانه؟

أنا مرة ريلي قال لي كلمة..صدق صدق صدق زعلت منها....زعلت..يعني ما تتخيلون إش قد...المهم..هو راضاني و ناسي طبعا هالكلمة المعينة إلي قالها..و أنا شايلة في خاطري..عاد تعرفون أونه بعد الظرابة و المراضى يكونون الثنين سمن عا عسل..هاييج المرة كانت علقم على عسل..و هو يرمس أنا أضحك من ورا الخاطر ,,و إبتسامتي بااايخه...و كل ما يقرب أتعذر.....عاد أنا أعرف هو شو يحب,,جان أقول,,إسمعني..أنا زعلانه من شي و لازم أقول لك إياه...هو إستغرب..قال شو؟؟ قلت له ناسي؟؟ قال شو..والله ما أدري..قلت له قلت (.............................)...قال لاااااا..أنا ما كنت اقصد..والله ..و إنتي أكيد سمعتي غلط...المهم....عاد بعدهااااااا..بس...برد خاطريييي....

يعني هو موب متذكر شو قايل! بس أنا قلت له..إن عدتها .....لا تلومني في إلي بيصير

الحمدلله هذا كان موقف واحد...يعني..و بعدين فكرت في هالموضوع..

**Hno0odah** · 2008-10-09, 15:08

ريلج يوم يعصب ينسى عمره و يقول لج كلام مافي داعي منه؟؟؟؟؟؟

لا والله ماصار لأن ريلي من النوع اللي يمسك وايد اعصابه يوم يعصب .. واكثر شيء يسويه ان يروح وما يتكلم معايه لين ما يهدا الوضع .. بس هي ما تعتبر مشكله غير انها تغلي على زعل بسيط وملح الحياه

إنتي شو يكون موقفج؟ تقولين عادي..و هو معصب؟ ولاّ تزعلين؟؟؟؟

بعض الاحيان انقهر من سكوته بس .. يوم ارجع لعقلي افهم ان هالشيء كان لمصلحتي

إنزين..إذا راضاج..تنسين كل شي أو يتم شي في خاطرج؟؟؟

بصراحه انسى ترى ما في شيء في هالدنيا يسوى زعليه ولا زعله

إنزين شي ريال طبعه هو يكون الغلطان و يقول كلام جارح..لا و فوق هذا ما يقتنع إنه غلطان و يتريا زوجته هي إلي تراضيه؟؟؟ لو كنتي في هالموقف..تراضينه أو لا..مع العلم إنه جرحج إبكلامه

على حسب الموضوع .. يمكن اسامحه لأن المسامح كريم ويمكن لا اذا غلطه جايد ..

بس الحمد لله الف الحمد لله ان ما تصيرلنا مثل هالخلافات والله لا اييب الخلاف من بين
:

**ملكة الاحاسيس** · 2008-10-09, 15:24

بصراحة .. احسن تصرف حكيم انا دووم اسويه وشفت منه نتايج عجيبة

السكوت والصمت .. بس
اولا ً : اعطي نفسي مجال افكر بالمشكلة الي صارت او الموقف الي خلانا نتعرض للكلام هذا
ثانيا ً : اعطي زوجي مجال عشان يفكر بكلامه ويتمعن بالفاظه ..
ثالثا ً: صحيح انت النتايج طيبة ، بس مش بكل الحالات احيانا ًيصير خصام لمدة يوم الى يومين .. وانا اتم بحالة سكوتي الي تجبرني مرات اني اتضايق .. بس بالاخير المياه تعود لمجاريها ..

الله لا يجيب المشاكل

**"~سلامي~"** · 2008-10-09, 16:14

أنا اعتـقد ان اساس هالشي هو احترام الريال لحرمته,,,يعني اذا الحرمه عودت الريال و سمحتله انه يغلط عليها بالرمسه بيتعود و بيصير عنده شي عادي و بيفقد احترامه إلها..
محد معصووم من الغلط و كل الناس تعصب بس المفرووض ان الحرمه ما تسمح لعصبية ريلها انها تتعدى احترامه إلها

يعني انا ما اقدر افهم كيف بتقدر الحرمه تجابل هالانسان و هو يقوول رمسه تقلل من احترامها و قيمتها مهما كان معصب ما اعتقد لازم تسمحيله بهالشي..

و هالشي تتفاهمين فيه ويا الريال من بداية العلاقة...انه مبينا الاحترام و التقدير و انج ما ترضين يغلط عليج بالرمسه في اي حال من الاحوال...

و الله يوفق الجميع...

الموضوع: لسانه طويل يوم يعصب؟؟؟؟

أدوات الموضوع

عرض

لسانه طويل يوم يعصب؟؟؟؟

المزيد من آخر المواضيع من نفس القسم:

المواضيع المتشابهه

أخاف ريلي يعصب

زوجك يعصب عليك؟؟

ولدي لما يعصب (مشكلة)

كيف تطلبين البيزات من ريلج من دون ما يعصب . .