مــن خـلا روحــه ديــايــه إلعبت فيــه السبوس!! أبا رايكن بلييييز

**بنت الكتبي** · 2007-01-10, 12:43

مرحبا بالعضوات الحلوت ..
:1 (26):
هالقصيده كاتبتنها أمسات يوم كنت على وشك الدراسه؟!! يتني هفه وكتبتها!!

ودامنها اول مشاركه في هالقسم فأتمنى أي وحده ادش حتى لو ما عيبتها تعطيني رايها

اموووووووت في شي اسمه شعر ..حتى لو هوب موزون!! هههه

اخليكن مع القصيده

لا جيـــت أبا ادرس كم درس (ن) ودرس

لقيت نفسي ضايع (ن) ما بين لـدروس

ما بين تاريـخ (ن) واقتصاد وعلم نفس

تخلي راسي بدال شعري ينبت ضروس؟!!:1 (25):

واغدي شاحبـن أفطـس من بني عــفس!

من قوم عدنـان(ن) ولينـــا والعم محروس!

لا لي بــارض(ن) إلشي ولا لي للدح نفس

ولا حتى لمجــابل خــرابيط وفلــوس !

كل مـا قلت الإجابه وعدتها بالــهمـس

احــس راسي يصيح ! ماني بمندوس!!

سرت اشتكي حــالي لابلتي للمــس

ما لقــيت منهــا سوى ويــه (ن) عبوس

تقول هذي الاجــابه في كلمتين(ن) وبس

من خلا روحه ديايه إلعبت فيه السبوس!!

وسلامتكن ..
لا تحرمونا من الرد .. والانتقاد!!:1 (66):

المزيد من آخر المواضيع من نفس القسم:

**بنت الكتبي** · 2007-01-10, 13:57

خساره محد معبر

**درة الإمارات** · 2007-01-10, 14:50

ههههههههههههه

بنت الكتبي الصراحة هفّاتج خطيرة

بصراحة حلوة

بس شدي حليج وخليج من الشعر الحين

و دامج تموتين في الشعر

ليييش ما تروينا إبداعج

انتظر منج يديدج يا الغالية

دمتِ بكل ود

وبالتوفيق

**غزال الدماني** · 2007-01-10, 14:58

ماشا الله عليج

صح لسانج

**سلامه2005** · 2007-01-10, 15:02

فديتج انتي ابرك من الديايه والسبوس وجان الدجاجه تاكل سبوس انتي كلي الدراسه تراها والله ايام ما ترد ولا لها عوض في الدنيا يا حبوبه ....وموفقه انشاء الله ...

**ام خلف** · 2007-01-10, 16:44

تسلمين صح لسانج

**بنت الكتبي** · 2007-01-10, 16:46

ههههههه مشكورات ع الرد الغاليات ماتقصرن

درة الامارات مستويه خالتي الثانيه!! هوب وقته الشعر!!

امم انشالله بحطلكم من ابداعاتي بين فتره وفتره واحينه امتحانات فاشويه بزي!!

تسلمن ع الرد

**دانة جميرا** · 2007-01-10, 17:18

هههههه الصراحه تولفيه حلوه ولج مستقبل .. ولكن اخر بيت او شطر من اللي كتبتيه

مول مايخصه في السالفه !!!!!!!!!!!!!!!!!!! يعني ظهرت عن تسلسل القصيده او الكلمات

المطروحه .. يبقى مجرد راي وليس بحقيقه .. في انتظار كل ماهو جديد من صوبج .. والسموحه

ما كل من عد وسطر له سطور

قـــــــال هذا القصيد ولازم ينعد

ترى القصيد له قوافي وبحـــور

تضيع وتغرق صاحب العــــــــد

بين مويات وغزرت لبحـــــــور

وبــين فتـــــح ومــــــد وشـــــــد

ياصاحبي كلن له في الشعر بحور

وكلن ياخذه شعره بين جزر ومــد

**بنت الكتبي** · 2007-01-10, 17:40

دانة جميرا مشكوره ع تعليقج وكنت حاسه انه حد بقولي مايخصه البيت الاخير بس عقب بقولج سالفة هالبيت سالفته سالفه وانا ادري انه هاي ماتنعد قصيده لانها هوب موزونه و......
بس مجرد هوايه بعدني

**دانة جميرا** · 2007-01-10, 18:47

العفو ختيه ترى يبقى مجرد راي .. ونمي موهبج وهذا شي حلو

في انتظار كل ماهو جديد من صوبج .. ويا ترى شو سالفتها

والسموحه

**ranean** · 2007-01-10, 20:35

بوركتى اختى
كلمات حلوه جدا
والله ايوفقج فى الامتحانات
والشعر ملحوق عليه

**شما المحيربي** · 2007-01-10, 20:43

ههههههههههههههههههههه حلوة
هاي مات عدنان ولينا
ههههههههههههههههههههههههه
راعيتها انتي ^__________________^
مشكووووووورة حبوبة ^_^

**SweetGraphix** · 2007-01-10, 20:47

حلوه الكلمات...

وتضحك والله يقويج عالإمتحانات... بس المثل بالعكس

من خلى عمره سبوس العبت به الدياي ""أظني"""

وتسلم يدينج!!

**ام مايد** · 2007-01-10, 21:15

روعه ما شالله عليج شاعره
سلمت الغالية

**بنت الكتبي** · 2007-01-10, 21:43

مشكورااااااااااااااااات ع الرد والله استانس لي شفت ردودكن وانتقاداتكن لي

الغاليه محد فهمنيه القصيده بعدها هوب كامله!! لانه هوب صح من خلا روحه دياي العبت فيه السبوس!!
العكس .. وانا بالعماله كاتبتنها جذه .. بكملها وانشالله بحطها لكن ..

الموضوع: مــن خـلا روحــه ديــايــه إلعبت فيــه السبوس!! أبا رايكن بلييييز

أدوات الموضوع

عرض

مــن خـلا روحــه ديــايــه إلعبت فيــه السبوس!! أبا رايكن بلييييز

المزيد من آخر المواضيع من نفس القسم:

المواضيع المتشابهه

مــن تصــويــري بعــض مــن !عطوراتي المفضلة!

بفصخ الفستــآن .. مب مرتآآآحة فيــه!

كريــــــم اســـــاس فيــه كل هالمواصفـــــأت.......!!!!!!

بغيت اخذ رايكن بحبوب تخسيس ضرووووري بلييييز