مصنع الماركات في ميونخ

**شمس القوايل** · 2007-01-06, 15:12

السلام عليكم،،

شحالكم خواتي إن شاء الله بخير ،،

ماعليه مره ثانية اطلب منكم طلب ،، انا ساكنه قريب من المارين بلاتز وشارع ماكسميليان اللي هو شارع الماركات وكنت ناوية اروح اشتري شنط ماركات بس قالت لي حرمة كويتية تعرفت عليها هني ليش ماتروحين مصنع الماركات بتلاقينه ارخص من المحلات نفسها وقالت انه يبعد عن ميونخ بالسيارة ربع ساعة وانها دايما تروح المصنع بس لازم يكون عندها بطاقة وهذه البطاقة تاخذينها من ريال اسمه مراد مااعرف شو جنسيته وهو عايش بميونخ ،، قلت لها يصير خير وسالت ريلي قال مايعرف عنه بس بيتخبر عنه بس يقول سال شباب وقالوله مايعرفونه قلت برجع اسأل الحرمة بس شكلهم غيروا السكن ،،،

ماعرف خواتي اذا تعرفون عن هذا الموضوع ،،،

المزيد من آخر المواضيع من نفس القسم:

**دانة جميرا** · 2007-01-06, 15:21

مرحبا ختيه .. لا تسيرون لا عند مراد ولا غيره سالي عن المكتب الصحي شي جيه اسمه لدوله

وفي نفس المنطقه بتحصلين فيها مش المصانع نفسها مثل المستودعات للماركات وهناك ايبيعونهن

بسعر التكلفه فقط من غير الاضافات وهذا اللي قالولي عنه الحرمات يوم كنت في ميونخ بس انا

ماسرت صوبهن .. اخذ اللي اباه من ماكسي مليان ستراس بما انه ريلي مب من النوع اللي ايحب

ايدور وايد على هالاماكن .. وبعد على فكره ختيه انه في محلات في المارين ايبيعون شنط ولا نعله

ابواك ماركات بين بضايعهم بس بسعر اقل عن سعر المحل نفسه للماركه واصليات بعد .. وعندج

الرسبشن في الفندق اللي ساكنه فيه ساليهم وبعد بيفيدونج وبيعطونج خرايط للمواقع وبيدلونج عليهم

واي استفسار انا حاضره والسموحه عالقصور ..

**شوق دبي** · 2007-01-07, 13:07

ختيه شمس القواايل انا اعرف المانيا قطعه قطعه اي مكان تبين تعرفينه قوولييلي..

اما عن هذا مصنع الماركات الي تقوولين عنه.. فيه 2..

واحد: عند شوابينغ.. اذا تبيني ادليج قوليلي..
ويبون منج بطاقه الييسن اذا عندج او اي بطاقه فيها صورتج او اسمج بس.. انا ارووحله كل سنه
ولازم اذا بتسيريله اترووحيه كل اسبوعين لان يغيروون اشيائهم.. ويبيعون هاذي الماركات

ديزل اسكادا مورغن مس سكستي وبعض لماركات الالمانيه...

2.. هذا المصنع الي عدال المطار ويبعد 25 دقيقه من ميونخ.. ولازم تاخذين بطاقته من الرسبشن مالكم
في الفندق الي سااكنيين عنده...... وفيه نفس المصنع الاولي بس على اكبر..

ومنو قالكم انه فيه ديور وشانيل وما دري شوما فيه هاذي الاشياء.. بس يبيعوون الاكسسسري مالهم

**رماسه** · 2007-01-12, 22:46

ما قصروا البنات وان شاءالله تسيرين وتخبرينا شو في من الماركات

**نونو** · 2007-01-14, 12:07

هلا ممكن أعرف ليش ما أقدر أنزل مواضيع هل المنتدى مغلق و ل شو السالفة لأني أشوف ينزلون موضيع شو السالفة

**mis Dior** · 2007-01-16, 12:55

مرحبا أختي بس ممكن تخبرينا كم فرق الاسعار عن السوق؟؟؟؟

**غلامور** · 2007-03-09, 16:47

المشاركة الأصلية كتبت بواسطة شوق دبي

ختيه شمس القواايل انا اعرف المانيا قطعه قطعه اي مكان تبين تعرفينه قوولييلي..

اما عن هذا مصنع الماركات الي تقوولين عنه.. فيه 2..

واحد: عند شوابينغ.. اذا تبيني ادليج قوليلي..
ويبون منج بطاقه الييسن اذا عندج او اي بطاقه فيها صورتج او اسمج بس.. انا ارووحله كل سنه
ولازم اذا بتسيريله اترووحيه كل اسبوعين لان يغيروون اشيائهم.. ويبيعون هاذي الماركات

ديزل اسكادا مورغن مس سكستي وبعض لماركات الالمانيه...

2.. هذا المصنع الي عدال المطار ويبعد 25 دقيقه من ميونخ.. ولازم تاخذين بطاقته من الرسبشن مالكم
في الفندق الي سااكنيين عنده...... وفيه نفس المصنع الاولي بس على اكبر..

ومنو قالكم انه فيه ديور وشانيل وما دري شوما فيه هاذي الاشياء.. بس يبيعوون الاكسسسري مالهم

أن أضم صوتي لصوت الأخت شوق دبي كل الكلام اللي قالته صح 100% مافي ماركات واايد

**ميار** · 2007-03-11, 01:16

مرحبا أختي بس ممكن تخبرينا كم فرق الاسعار عن السوق؟؟؟؟

نفس الكلام

**فطمطم** · 2007-05-20, 04:21

كم فرق السعر؟؟

**3asoolah** · 2007-05-20, 05:35

ماشااالله .. روعه والله ..

**شموخ 2007** · 2007-05-20, 14:17

انزين خواتي انا بسير ميونخ عقب شهر ونص تقريبا بغيتكم ادلوني على ها المصنع وكيف نسيرله .. وهل يستاهل العنوه ولا ... ثاني شي بغيت اتشرى شنط من ماركات المانيه غير عن الماركات العالميه المعروفه .. ممكن ادلوني ؟؟

**just lolita** · 2007-05-20, 14:40

الغالية أختي في الله أنا أعرف ماركة ألمانية راقية وهي picarrd

بيكارد ديزايناتهم حلوه وماركة من افضل الماركات الألمانية وتحصلينها في مراكزهم مثل الكاوفهوف والكارشتاد

وتروحين وترجعيلنا بالسلامة إن شاء الله

الله يحفظك وأسرتك ويحفظنا جميعاً وأسرنا والأمة الإسلامية اللهم صلي على حبيبك وحبيبنا محمد وعلى آله وأزواجه وصحبه وسلم تسليماً كثيراً طيباً مباركاً فيه ومن والاه وتبعه بإحسان إلى يوم الدين

**غالي الاثمان** · 2007-05-20, 17:11

حبيبتي انا اللي أعرفه انه مش مصنع .. هو مكان مثل محل كبير وفيه مجموعه من الماركات بس تدخلينه ببطاقة ونحن خذناها عند واحد اسمه عدي عراقي يشتغل في الشيراتون .. وهو ودانا سيارته مع انه كان عندنا سيارة .. وياخذ في الساعة مع التوصيله والانتظار 15 يورو ..
أول ما تدخلين على يمينج فيه محل عطور وبعدين تدخلين .. وفيه خليجين وايد .. وصراحة من ال100 قطعة تعجبج قطعة وحدة هذا رأيي انا ما ادري عن الاخوات اللي شافوه ..
وانا اللي شفت ان الموجود مش النيو كولكشن لا ... الجديم وبعدين مثل ما قالت وحدة من الاخوات مافيه كل الماركات لا ديور ولا شانيل بس اسكادا وكم ماركة مش معروفه .. هيه وفيه بعد لبس أطفال ماركة كنزو ورخيصة من 15 يورو وطالع مع انها في المحلات اللي برا على 100 و200 يورو

**um_abduallah** · 2007-05-20, 18:24

مع اني سرت المانيا قبل وبرد اسير السنة بس ماعرفت عن هالمحل واعتقد مابا اسيرله

**الجوهره99** · 2007-05-20, 18:43

الصراحه انا سرته وخذت اكسسوارات ديور تخبببببببببببل وفرق فضيع فالسعر مثلا شغاب ديور على 29 يورو تقريبا 120 درهم وهني ما اعتقد يكون سعره اقل عن 800 او 900 درهم

الموضوع: مصنع الماركات في ميونخ

أدوات الموضوع

عرض

مصنع الماركات في ميونخ

المزيد من آخر المواضيع من نفس القسم:

المواضيع المتشابهه

سفرتي الى ميونخ- كابرون-ميونخ ممكن مساعده

ميونخ ميونخ وميونخ

الماركات والأوت لت في ميونخ وإيطاليا وسويسرا