سؤال عن الاندونيسيات

**هطول** · 2008-09-10, 08:43

ممكن سؤال بنات ؟ بغيت اعرف اسم المناطق اللي مب زينه في اندونيسيا لاني ابغي اجيب لي اندنوسيه بس خايفه تطلع من المنطقه اللي فيها سحور وطبوب فياريت الي تعرف ما تبخل علينا

والسموحه منكن

المزيد من آخر المواضيع من نفس القسم:

**om khalifa** · 2008-09-10, 09:35

في منطقة أسمها كندال..... معظم إلي إيون منها زينات... واليديدة الي مب مشتغلة من قبل يبالها صبر لين ما تتعلم .....ولازم تعلمينها مبادىء النظافة وتمين وراها وراها لأنهم إيون من مناطق فقيرة وما يعرفون يستعملون الأدوات الكهربائية. ....بس الزين فيهن إنهم مطيعات وعندهم أدب وإحترام..... وبالتوفيق إنشاء الله

**لوليانو** · 2008-09-10, 10:20

نصيحتي ... الإســـــتخارة قبل كل شيء .... وتتوكلين على الله ....

الزين والشين في كل مكان .. سواء كانت منطقة زينه ولا العكس ...

تقبلي مروري ..^^

**بنت الفلاني** · 2008-09-10, 10:42

انا البارحة اسال الخدامة هالسوال

وقالت لي منطقة اسمها اندر مايو قالت ان كل هالخدامات اين حق الريايل انا ما ابا اعممم بس هذا كلام الخدامة

**دقات القلب** · 2008-09-10, 10:55

أختي توكلي على رب العالمين والبشاكير ما ينعرف غيرهم عن شرهم إلى بعد فتره عادي اتيبين واحده من منطقة زينه وبعدين اطرشون لها شي بالرسايل وهم لو بغوا يسوون شي يقدرون توكلي على الرحمن وان شاء الله بتكون خير عليج وعلى بيتج

**روح أبوظبي** · 2008-09-10, 11:14

أختي منطقة اندرا مايو فظيعة واللي اين مناك وصخات مال طبوب ورياييل... شغالتنا قبل كانت من هييج المنطقة عمتها تسوي طبوب وبروحها خبرتنا وفوق هذا سوتلنا سالفة ويابيدار البيت وسفرناها وكانت دوم اتدش غرفة الصبيان وهم راقدين أونه تبا تغسل الحمام الله يعزج وكنا دوم نهزبها حتى الصبيان كانو مايدانوها كلش
وقبلها كانت شغالة قوم اختي اندونيسية تحذرنا منها وتقول هاي مال اندرامايو مب زينة وتحب فلان وفلان بس كنا نشك فيها دوم كانن يغارن من بعض ويفتنن عبعضهن ومرات كانن يتفقن بأشيا ضدنا اذا كانن غلطانات بشي
ماأنصج فيهن ووايد واثقات من عمارهن وخبيثات

الله ييسرلج وان شاءالله تحصلين وحدة زينة

**ليمونه الامارات وبس** · 2008-09-10, 11:53

اختي نصيحه لا تاخذين اندونيسيه لانهم معروفين بالغباء الزايد و ما يحبون النظافه ، اغلب الي عندهم اندونيسيه بيقولولج هالكلام و انا وحده منهم عندي وحده مشتغله قبل في سوريا و تتكلم عربي اقوله يمين اتقولي شمال ، تحرق اعصابج غير هذا كله ما كانت تتسبح الا مره في الاسبوع و ريحتها كانت فظيعه بس انا خليتها تتسبح كل يوم ، انا اتزوجت شهر يناير و ما كنت اعرف عن الاندونيسيات بس من عرفت هاذي الخدامه كرهت الدنيا و الي فيها من كثر الغباء و الاهمال الي عندها...خذيلج فلبينيه تعرف انجليزي و الله نظافه و ريحه حلوه تفتح النفس

**نجود الامارات** · 2008-09-10, 12:12

لاتيبين اندونيسية لان كلهن راعيات طبوب وسحور لاني صدق جربت وحدة وليش تعورين راسج يبي فلبينية مسلمة وريحي راسج ..............يالغاليات احذركم من الاندونيسيات ولو يدامكم اتصلي وتقرا قران ما يعني انها ملاك انا مالتي اللي روحت كانت متزوجة وعندها ولد وكانت حريصة على الصلاة وتقرا الادعية مالتهم واتصيح بس سبحان الله قلبي ما صدق كل هذا ويوم نبشت اغراضها حصلت صور شاب مواطن ورقم تيلفونه والمصيبة الكبيرة حصلت كيس فيه رمل مربوط بخيط في الفترة اللي كنت اتعالج فيها من المس ....الحمد الله اللي نور بصيرتي ....وطرشتها بلادها بدون ما اقولها شئ ووكلت امري لرب العالمين

**هطول** · 2008-09-10, 12:22

اشكركم خواتي
بس والله خوفتوني منهم الله يستر علينا وعلى امه محمد

الموضوع: سؤال عن الاندونيسيات

أدوات الموضوع

عرض