عــيــن الــجــمــل ؟؟؟

**أم شيخه** · 2006-12-23, 19:20

حبيباتي بغيت اعرف الجهاز اللي يسون فيه كيك عين الجمل من وين يشتونه ؟؟
من الــعــيــن ؟؟
وجم سعره ..
واذا وحده من البنات شرته ياريت تفيدنا بطريقة صنع العجينه والصوص اللي داخل ؟؟
بنات ورانا عيد ومشريات ..وبصراحه الوحده ودها تسوي شي وتتفاخر وتقول من صنع ايدي مب من المحل؟؟؟
يا ريت اللي تعرف شي عن العجينه او الجهاز تفيدنا ..
مشكورات ..

المزيد من آخر المواضيع من نفس القسم:

**Alnajla** · 2006-12-23, 20:49

انا اشتريته من القريه العالميه فدبي عند القريه الكويتيه عند اللي يبيعون مواعين وصحون وقوالب الكيك
وعندي طريقه العجينه والحشو
جان تبين بشتريلج بس مب اللحين لا بعد العيد اوكي لأني مش ناويه اروح دبي اللحين

**أم شيخه** · 2006-12-23, 21:09

حبيبتي مشكوره على مرورج ..
بس انا بغيتها حق العيد..
لو في وحده من بنات العين تساعدني وتقول لي من وين..
طيب الغاليه تقدرين تعطيني الطريقه للعجينه ..والحشوه منداخل ؟؟
وكيف الصقهن ببعض وجم يتمن في الفرن ؟؟؟
كل المقادير والطريقه ..ومشكوره يا قلبي ما تقصرين

**Alnajla** · 2006-12-23, 21:40

هلا
شوفي روحي دبي القريه العالميه قبل العيد او طرشي حد ممكن يسير من اللي تعرفينهم
الجهاز ينحط عالغاز
مثل هذا

وهذه الطريقه
المقادير :

1و 3/4 كأس دقيق رقم 1 ( كأس البوك الكبير )
1/2كأس سكّر حبيباته صغيرة ( كأس البوك الصغير )
3/4 كأس مارجرين الخاص بدهن السندويتش ( الكأس الصغير )
بيضة + ذرة فانيليا
ملعقة طعام نشا ويمكن الاستغناء عنها نهائي أنا مرة سويته مع النشا ومرة بدونه

الطريقة :
يخفق السكر مع المارجرين جيدًا تضاف البيضة مع الفانيليا وتخفق
يضاف الدقيق المنخول ويعجن بالعجّانة أو باليد
نضع كويرات العجين في كل قالي مثل اللي فالصوره
ونضعه على نار هادئه جدا ونسكر القالب لين ما تحمر شوي بس
مثل

الحشو :
2ملعقة طعام سكّر يحرق بحيث يصبح ذهبي يضاف له 1/2 علبة حليب مركّز
ويحرّك على نار هادئة حتى يغلظ قليلاً
_______________________
انا احط علبه حليب مركز في وعاء به ماء واخليه يفور ساعتين واحشي به الحبات بعد ما تبرد الحشوه

**أم شيخه** · 2006-12-24, 06:51

الغاليه ( Alnajla )
مشكوره على المرور وعلى الرد ...
بحاول ان شاء الله اطرش حد اييبها لي ....
ومشكوره على الطريقه....ما قصرتي

**كريستال** · 2006-12-24, 06:58

تسلم الأياادي ..

**نوف الثريا** · 2006-12-26, 09:08

انا سرت خذت نفس الجهاز وابغي اجربه بس حبيت أسأل شو المارجرين؟ و وين ممكن أحصله؟( أختكم ما تعرف تطبخ شي)

**أم خالد الحلو** · 2006-12-26, 09:52

حبيباتي الغاليات
الجهاز ممكن أوفره لكم .. بس لازم يكون في طليية قبل لانه يي من ألمانيا وياخذ اسبوع على ما يوصل ..

الجهاز اللى يتوفر عندي يستخدم عن طريق الكهرباء .. مب على الفرن او النار .. يعنى تقدرين تشتغلين وإنتِ يالسه .. واستخدامه سهل وسريع

وطريقة البسكويت اللى عندي وااايد سهلة وحلوة .. كل إلا جربوها نجحت معاهم ..

طبعاً الجهاز سعره مع الشحن من ألمانيا = 290 درهم اماراتي
للعلم البنات اللى يبيعونه سعره أكثر عن جيه

اللى حابه وجادة في الطلب ياريت تسجل اسمها - امارتها - رقم تلفونها
تأكيد الطلب يكون بالدفع المسبق
وهذي صورة الجهاز ( للعلم الصورة مب لي ولكن نفس الجهاز بالضبط )

**Alnajla** · 2006-12-26, 10:51

نوف الثريا مرحبا المارجرين هي زبده دوار الشمس اللي هي زبده نباتيه ........
ولاتنسين تدهنين الجهاز قبل لتحطين العجينه ......

**أم شيخه** · 2006-12-27, 16:06

حبيبتي ( أم خالد الحلو )
انا ابي الجهاز منج..
يعني ما رايحه اطبخ في العيد ..
المهم يا قلببي يلريت نتواصل على الخاص علشان طريقة الدفع .....والاستلام..
وشكورات كل البنات اللي مرن وادلن برايهن وساعدني ..

**وردة راس الخيمة** · 2006-12-27, 17:25

اختي ام خالد لو طلبته اليوم متى بيوصلني؟؟

والجهاز بس لعمل عين الجمل؟؟

**هنوده1985** · 2006-12-27, 17:51

أنا عندي نفس الجهاااااااز واربيعتي يايبتنهه لي من ألمانيا...

**أم خالد الحلو** · 2006-12-28, 09:52

الغاليه أم شيخة
بالنسبة للجهاز لازم نسوي طلبية وبيوصل عقب اسوبع من ابلاغهم .. يعنى ما بتطبخينه في العيد... بس صج الجهاز حلو لانى مجربتنه وينفع لكل المناسبات .. يعنى الجهاز بيكون متوفر عندج وأي وقت تقدرين تسوينه.. اذا عندج عزومة .. مناسبة ولادة .. الخ ,, يعنى مب بس للعيد

بالنسبة للدفع والاستلام بنتفق عليه لاحقاً لين ما نيمع الطلبات

فاللى جادة وحابة ياريت لو تخبرني بأسرع وقت عسب نيمع هالطالبات ونييبه مرة وحده

الغاليه وردة راأس الخيمة
لنفرض إنه اليوم طلبناه من الشركة فمعناته بيوصلج بعد أسبوع إن شاء الله
بس اذا حد يبي ياريت لو يرد علينا بأسرع وقت عسب نحصي العدد

هنوده 1985

زين والله أكيد عيبج واايد

**نوف الثريا** · 2006-12-28, 10:02

أم خالد انا ابا واحد لاني كنت أدوره وما حصلته عشان جيه خذت من القريه النوع الثاني وكنت اتصل للشركه لي تيب الجهاز ويعطيني الرقم غير مستخدم ..فلا تنسيني أبا واحد ^_^

**شما المحيربي** · 2006-12-28, 10:04

ياسلام عليكن ياطبيخات الله ايهنيكن ^_^

الموضوع: عــيــن الــجــمــل ؟؟؟

أدوات الموضوع

عرض

عــيــن الــجــمــل ؟؟؟

المزيد من آخر المواضيع من نفس القسم:

..

>>>

???