منو مثلي يامعرسات او يابنات؟؟

[شوق الأمارات]

السلام عليكم شخباركم خواتي

انا عندي مشكلة دوووم افكر فيها وماظني حد مثلي
السالفة ومافيها ريلي مايباني افصخ الشيله في العرس حتى لوكان عرس اخواني
يقولي برايه افصخي العباة دام لبسج ساتر بس الشيلة لا ويباني الفها عدل
ادري بتقولون مكبرة السالفة بس تعرفون كل مرة تستويلي سالفة وخواتي يحتشرن علي والحين اخوي بيعرس ومادري شو بسوي افكر مااحضر العرس عشان اتجنب المشاكل
شورو علي الله يخليكم ...

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[mazyo0na]

عادي حبيبتي فصليلج شيله ساري عليها حركات وفصوووووص ...وسوي تسريحه حلوه وحطي الشيله عليها

ولا تناقشينه بهالموضوووع وايد وخلج مطيعه وصدقيني ان هوو بتتغير وجهة نظره بهالشي

واذا على خواتج هالشي بينج وبين ريلج خواتج ما يخصهم ... ولا تكبرين وايد الموضوع

وايد بنات عرسن ورياييلهن يفرض ما يعقن حتى العباه ... يحييج انتي قالج بس تمي بالشيله

الله يوفقج

[znoOoOb]

اويه ليش؟؟؟؟
بس حاولي تقنعينه بالهدوء والتفاهم قوليله عرس اخوي.. وابي استانس...

[غرشه عسل]

اسمي ها الرياييل معقدين

[مسكاويه]

عيني خير ريلج ماقال جيه الا انه يباج ويحبج ويغااار .. طعيي ريلج وخلي خواتج لان ماعندهن سالفه

[أفتخر بأني مسلمة]

برايي الموضوع عادي وما فيه شيء وما يحتاج تشاورين حد فيه لأن طاعة زوجج أولى

أنا أعرف وحدة معرسة حتى جدام اخوانه ما تعق نقابها ولا قفازها

[وحيدة زماني]

بسم الله ليش جي...اوكي حلو ان فحياتج حد يغار عليج بس مب لهالدرجه ....هذا عرس حرييييييييييييييييييم وعرس اخووووووج...مادري شو اقول لج
بس الحمدلله ان بعدني فبيت ابوي

والله والله تعقدت من الرياااايييل

[منصوريه كوول]

الله ليش مسويه سالفه للشيله وفي عرس حرييييم ..

احس بصرااحه الرياايييل مالهم خص بامور الحريم هااي ..فصخت الشيله ما ادري شووو ...!!!!

المهم انتي شوفي وجهة نظره وحااولي تقنعينه ..والله يعينج على جيه كل يوم بيطلع بسالفه ..

[domy.7zena]

ختييييييييه شعنه يوم تسيرين العرس ماتفصخين الشيله ترا هو مابيكون هناك وماعتقد انه حد بيخبره وبتردين بيتج ولا جنه شي مستوي لووولز ..~

[RAK violet]

طيعي شوره احسن

[معسوووووول]

مثل ما قالت الاخت سوي شيله ع لون الفستان وبالقطعه الا تبينها او ع شكل طرحه طايحه بالكرستال او زم ع الايدي وبتطلع حركه حلوه ومميزه
وطاعه الزوج واجب

[شوق الأمارات]

مشكوورين خولتي عالردوود اللي خففت علي
وفكرة الشيله حلوة
وعن وجهة نظره يقول انه يخاف من التصوير لانه وايد سامع مواقف في الاعراس واخر
موقف في عرس خالته قامت بنت صغيرة تصور العروس جدام الناس طبعا الامر من امها
هي طلبت منها تصور

[الصــادقة]

الله يعينج

اونه يغار ههههههههههههههههه

[ديــايــه]

حرام عليج كيف قلبج يطاوعج عرس اخوج ماتحضرينه عشان سالفه بسيطه ..

شوفي اكيد كل وحده فينا بتتغصص اذا استوت لها هاي الحركه ..

انزين انا عندي لج فكرتين ..

اول وحده سيري خنجي شي عندهم عبى جي كلها شيفون او دانتيل تيي معاها الشيله شابكه منها وفيها ..

وتثبتينها ف التسريحه وتيج كامله .. بس ف نفس الوقت شفافه وفستانج وكشختج تبين ... والحركه وااايد حلوه حق المعرساات ..

وشي ثاني ترومين تاخذين شيله كلها شغل ودانتيل وفصوص جي حلووه .. وتحطينها ع راسج .. بس تلفينها طبعا لا

انتي تفاهمي وياه في رياييل واايد يغارون ع حريمهم .. بس شلي فكره انج مابتحضرين عرس اخوج ع هاي السالفه ..

مب زين اختي ..

[حزن قلبي]

احنا العكس يوم انسير اعراس حد من اللي يقرب لنا ما نفسخ العباة بس نفر الشيلة.
ودام ان ريلج ما يباج اتفرين الشيلة ، شلي ثنتين وحدة ساترة تدخلين فيها الصالة و الثانية خفيفة و فيها فصوص و كشخة تلبسينها في الصاله و التسريحة بتبين من تحتها.