مواعد ولا حرمتي!!!

[RO's]

السلام عليكم بنات..

حبيت أشاركم بموضوع كنت أفكر فيه اليوم

قلت أشوف كيف باقي البنات المتزوجات يفكرن..

................................



لنفرض..

انتي مع زوجج في مكان مشبوه..

بس انتي مع زوجج مب حد غريب..


ولنفرض..

هذا المكان يكون.. اممممم

لنفرض أسوء الاحتمالات...

انتي وزوجج في نايت كلوب فالسفر..

سايرين تطمشون..

أدري إنه حرام.. وما يجوز لا لريال ولا لحرمه..

بس أنا فرضت أسوء الاحتمالات.. والمكان مب هو الموضوع..


ولنفرض..

وانتوا يالسين تطمشون..

فجأة


فجأة

يطلع اربيع ريلج موجود في نفس المكان..

!!!!

ويسلم على ريلج وانتي بعيد

..................................


شو الرد اللي بيرضيج من ريلج؟؟؟؟


إنه يقول لربيعه أنه ويا حرمته ولا مواعد

!!!!!!!!!!


.............................


أتمنى الردود اتكون عن الموضوع مب عن المكان..



تحياتي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[برستيـج]

هههههههههههههههه حلو لو يقول مواعد ... اصلا انا بستانس

مواعد حرمته ... والله شي

اما اذا تقصدين ان ربيع ريلي يعرف انه بالعاده يواعد البنات فهذا موضوع ثاني ...

[RO's]

لا حبيبتي..

أنا ما أقصد أنه يقول جيه عشان متعود أنه يشوفه مواعد...

بس المكان مشبوه..

يعني عاداتنا ما تسمح لريلج أنه يقول أنه ويا حرمته..

نظرة ربيعه بتتغير.. لأنه مجتمعنا ما يتقبل هذا الشي...

مشكوره حبوبه على الرد..

[حزن قلبي]

يقول الصدق احسن من انه يقول يواعد و ياخذ الريال فكرة شينه عن ريلي.

[شذى الألحان]

مممممممم ،، مااادري صراااحه شووو بيرضيني ،،

وبالأساس ريلي من النوع الملتزم ولله الحمد ،،

يعني لو ربعه شافووني وياااه بيعرفونه انه حرمته ومستحيل يشكون انه ربيعته

(ربعه واعرفهم خخخخ ) واول شئ بيسووونه بيعطونه محااضره طويله عريضه خخخخخخخخخخخخ

[RAK violet]

طبعا اني حرمته
عيل يقوله ربيعته ليش يفتشل من الحلال ويفتخر بالحرام

[khaleejiya]

يقوووووووول
مواعد حرمته خخخخخ

[روح سماري]

ســألت ريلي قالي انا مب مينون اوديج هالاماكن المشبوه,,
اسير ابروحي ولا اوديج...

[Class Lady]

مواعد حرمته


ههههههههههههههه

[ميمي مشاكل]

عيل انا وريلي ناويييييين نصيع صياعة فشهر العسل هههههههههههههههه

الله يسهل امورنا ان شاء الله

[znoOoOb]

والله ماعرف...

[ام وعووودي]

خخخخخخخخخخخخخخخخخخخخخخخخخ منكن
بس بصراحه ماشي تعليق عندي لاني مااعتقد اني في يوم بنحط في مثل هالموقف

[بنت النوووور]

الصاحب ساحب ( يعني ريلي بكون مثل ربيعه )

[سرايا الليل]

حرمتة أكيد.

[uaeu]

الغاليه:

يوم بتيج هاي النوعيه من الافكار اذكري الله واستغفري ربج

ولا تخلين الشيطان يلعب بمخج

ولو ولو تفتح عمل الشيطان ..

والسموحه السؤال ماله معنى ...