يقال أن الحرمه تهتم بعيالها وزوجها أكثر يوم تشتغل أو تدرس لأنها تحس بتأنيب الضمير !!!

[هنوده1]

جيف حالكم خواتي

شو رايكم خواتي صح ولا غلط الحرمه اللي تشتغل أو تدرس يوم ترجع البيت أتحاول أتعوض عيالها وزوجها لأنها تحس بتأنيب الضمير

أنا لاحظت هالشي فيني أنا ما عندي عيال بس أذكر أني يوم أتزوجت قبل خمس سنوات كنت أكمل دراستي وفنفس الوقت كنت أهتم بزوجي حتى كنت أنظم وقتي وقت للدراسه ووقت لزوجي وجي بس الحين ما عندي شي موووووول فما أحس بالحماس

شو رايكم خواتي هل هذا لان كملنا أكثر عن خمس سنوات زواج وممكن بدأ الحماس يقل ولا من الملل اللي فيني هههههههههه

أنا أهتم فيه الحين بس قبل كان عندي حماس أكثر

وشو رايكم اللي كملوا اكثر عن 5 سنوات زواج هل حسيتي بتغيييير

وأفيدونا من تجربتكم وشكراااااااااااا

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[هنوده1]

شو رايكم خواتي

^_^

[غــلاوي]

كلامج صح نوعا ما

لكن اكثر الحريم الحين من يرجعون من شغلهم ينامون لين المغرب و عقب تتفيج يمكن تسوي عشا

و يمكن تطلب من برع و ترد تنام

ما عندها وقت

اما اللي قاعده في البيت تهتم اكثر لان وقتها كله لزوجها و عيالها

ما عندها اي شي يشغلها عنهم

[بنت الماس]

خيرإن شاء الله

[BenToooH]

يوم الوحدة تداوم .. تكون برع لين الظهر ولا العصر
ترد تعبانة ومالها خلق
تبا ترقد
وتسوي كل شي عالسريع عشان ايي الليل وترتاح
حتى لو بتشد حيلها وبتهتم زيادة .... التعب بيأثر والمزاج ما بيكون ذاك الزووود
والعيال يمكن تتضايج من حشرتهم وتبا منهم الهدوووء


واللي فاضية..
عندها وقتها كله لبيتها وعيالها
تنظم وقتها بانها تخلص كل شي برااااحة لا ويتم لها وقت ترتاح فيه
يوم الوحدة مرتاحة و"رااايقة" الشغل يطلع منها أحلى
حتى العيال بتتفيج لهم أكثر وبتجابلهم أكثر....


انا برايي ان الشغل يزيييد التعب عالحرمة ومايخليها تجابل بيتها عدل ^_^

[هنوده1]

تسلمووووووون حبايبي عالمرور ^_^

أنا صح كنت أهتم بريلي وجي بس أعصابي كانت تعبااااانه وكنت عصبيه أكثر بس الحين أحس عمري أهدى

[عزة نفسي]

نوعا ما صح يكسرون الخاطر وخصوصا آخر العنقوووووووووود وايد تغمضني مع انها بروضة ثانيه الحين

[بنت القمر.]

امممممممممممممممممم


حاسب ما اشوفه من واقع انا عايشته (شغل + دراسة )بس مالجة ما عندي عيال وما عندي ريل اجبله 24 ساعه

بس حتى لو اكون تعبانة حدي ومتكسرة بس لازم ايي البيت ايلس مع اهلي ب ساعه وساعتين وثلاث لان والله احس بتانيب ضمير وهاي ما عندي عيال بس ايلس اقول اهلي ما ايلس معاهم ايلس برع البيت بساعات وما ايلس بالبيت مع اهم الناس بالعكس ايلس معاهم واتيني حالات احيانا ايي البيت اخترق اي مناسبة ايب كيك بمناسبة اي شي واسوي حفلة نلتم وجي بالعكس ها شيء صحيح بوجهة نظري هاي وانا بعدني مالجة في بيت امي وابوي وان شاء الله يوم بعرس بكون مفتكة من دراسة بس شغل وريل وان شاء الله ما بقصر ....

[أخت القمـر]

نصااااااااااااااايحكم

انا ادرس ومتزوجه

(تزوجت بالصيف)

الله يسهل علينا

والله مش حابه اقصر

لا ف بيتي ولا ف ددراستي

[شيخة العربان]

ان شاء الله حياتي ما تأثر على بيتي وريلي ...

والله يوفقنا ويعنينا يـــــــارب ...

[RAK violet]

هي صح كلامج
يوم تكونين متزوجة يكون فيج الحماس اكثر من انج فاضية
احس ابيهم يفتخرون فيني فاحاول اشد حيلي في مجال الشغل وفي نفس الوقت ما اريد اقصر في عايلتي

[زلال2008]

أنا عن نفسي الحمدلله ما أحس بتأنيب الضمير لانى مب مقصره فشي وقتى كله لريلي وعيالي وحتى الطبخ بروحي اطبخ أحس انى فالمكاان الصح ... الحرمه مكاانهااا فبيتها ويا عيالهااا وعمر الشغل والبيزاات ما بينفعونهااا كثر
عيالها وابو عيالهاااا ....


وجهه نظر *_^ يمكن لانى ما جربت الدوووام

[Class Lady]

ما أدري بعدني ما كملت خمس سنين على زواجي لاني معرسة من سنتين بس

[أم فطومة]

انا صراحة من انصار يلست الحرمة في بيتها ..

احينه انا اشتغل ويوم ارد البيت تعبانة ولازم اجابل عيالي وادرسهم واعلمهم واكون تعبانة لانه طاقتي كلها تروح في الدوام ، واحس اني ما اشوفهم وايد يعني كم ساعة في اليوم لانهم يرقدون المغرب يعني شوية من الظهر والعصر كله هي فترة يلستي وياهم ..

ولو كان بو فاطمة موجود ( يشتغل في ابوظبي ) احسه بيكون تعب اكثر لاني بجابله وبجابل عياله ..

في الويكند يكون لي بارض عليهم واحاول اني استغل الوقت كله وياهم رغم اني ساعات احس انه هاليومين لراحتي ومحتاجة ارتاح فيهم ..

[هنوده1]

صدق أنا جربت وااااااايد تعب سواء كان دراسة ولا شغل لان الهم ما يكون واحد يكون همين ثلاث

هم الشغل وهم الريل وإذا عندج عيال بعد اخس لانهم يحتاجونج أكثر

ما أدري ماشاء الله عليكم كيف متحملين الله يعينكم أنا أشوف الحرمه اللي ما تحتاج الشغل من الناحيه الماديه الافضل أنها تيلس في البيت

وممكن فيهم يقدرون يوفقون بين البيت والشغل أو الدراسه لكنه وايد مجهد بدنيا ونفسيا

وتسلموووون