الام ما تبى تعرس بنتها..... شو العمل قبل فوات الاوان

[لاكي]

راح احكيلكم مشكلة صديقتي انها تقدملها واحد اخلاقه ممتازه والكل يشهد
لكن مشكلتها ان امها ما تحب امه ولا اهله مع ان اهله مو حاملين شي في قلوبهم
لعائله ربيعتي بالعكس يحبونهم و خاصة ام ربيعتي
الكل في العائله موافق الا الام والاب ميت لكن مسؤوليتها اخوها الكبير حاملها
المشكله ان البنت مصليه استخاره مو وحده بس اكثر من سبع مرات يمكن لانها مرتاحه نفسيا
وامها تقولها موافقة وفي نفس الوقت تقوللها انها مو راضية
الحين يا جماعة الخير قولولنا شو رايكم بالموضوع وشو تسوي المسكينه مع العلم عمرها 25 سنه وتتمنى يكون عندها عيال قبل فوات الاوان

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[jojo]

الله يوفقها للي فيه خيــــر لها

ويهدي امها ويرزقها كل خير لها

[شيخه الغيد]

الله يوفقهم ياربي ..!!!

[عيون زوجها]

هي استخارت وما بيصير الا الخير لا تحاتي دام سلمت الامر لربها ليش اتحاتي

[لاكي]

صدقكم انا قلتلها تشي دام استخرتي الله كريم لكن المشكله الحين ان اهل الريال والريال راحوا واتقدموا اتفقوا تقريبا على كل شي ولاام كانت حاضره وما اعترضت على شي بالرغم انها معترضه على اشياء وايد قالولها سكتت وضحكت بس المشكله الحين معاملتها مع بنتها المسكينه مره تضحكلها وتمزح معها ومره تصعبها عليها انها مو راضيه من داخلها
على العموم ادعولها الله يتمم الموضوع على خير عليها ان شاء الله لانها مقتنع فيه هو كشخصية

[عيون مروان]

الله يتمم الموضوع على خيير ويسعدها ان شا الله,,

[khaleejiya]

خلاص تتخذ قرار جاد وصارم ومافيه تراجع
مايصير الام تسوي هالشكل مره هيه ومره لا! هذا زواج مب لعبه

[لاكي]

الموضوع شكله انتهى يا جماعة لان الام فازت كالعاده اتصلت لصديقتي مشان اخبرها واسمع اخر اخبارها
كان ردها انهم هيبلغون اهل الريال انهم يستريحون ( طبعا بعد ما قروا الفاتحة) وانهم غيروا رايهم
سبحان الله قلتلها انها ما تزعل لان الله كاتبه راح يصير .... المسكينه نفسيتها وايد تعبانه
اادعولها الله يخليكم والله يوفقكم

[حزن قلبي]

خلاص تتخذ قرار جاد وصارم ومافيه تراجع
مايصير الام تسوي هالشكل مره هيه ومره لا! هذا زواج مب لعبه

[حمامه سلام]

الله يكتبلها اللي فيه الخير

[الكروم]

انا بقولج شي اختي نفس الحاله امي موافقه بس مب راضيه واختي مصليه الاستخاره ومرتاحه
وعقب نحن قلنا خلاص عرسي وان شالله خير مع ان اختي كانت تحاتي امي وااااااااااااايد
وكانت امي ما ترمس ريلها ولا تبي تشوفه
بس عقب ريلها حاول يتقرب من امي والحمدلله الحين امي راااااااااااااااااااااااااضيه ترى ها كله من الاستخاره وسبحان الله الحين ما ترضى عليه وتعتبره ولدها واعز بعد
والحمدلله على كل حال

[الكروم]

الموضوع شكله انتهى يا جماعة لان الام فازت كالعاده اتصلت لصديقتي مشان اخبرها واسمع اخر اخبارها
كان ردها انهم هيبلغون اهل الريال انهم يستريحون ( طبعا بعد ما قروا الفاتحة) وانهم غيروا رايهم
سبحان الله قلتلها انها ما تزعل لان الله كاتبه راح يصير .... المسكينه نفسيتها وايد تعبانه
اادعولها الله يخليكم والله يوفقكم

الله يوفقها ان شالله

[قنيصة شوا&ـين]

تصارحها ,,
غنها صلت الاستخارة وارتاحتـــ
, ,,
,, ,
,
والله يسهل امرها الام بتقتنع بتقتنع ^^
بإذن الله

[أم مريوومة]

الله يوفقها و دامها استخارت . كل شي قسمة و نصيب

[بنوته كفالي]

انا من رايي دام ولي امرها " اخوها " موافق و هي مستخيره خلااااااص تتوكل على الله


والله يكتب الي فيه الخير