عيد زواجنا وعرس اخوي شو اسوي بليز ساعدوني

[حبيبة حبيبي]

خواتي بغيت استشيركن في شئ وبغيت رايكن واقتراحاتكن فديتكن

احنا يوم زواجنا بيكون يوم الجمعه ان شاء الله وفي نفس اليوم بيصادف عرس اخوي
وانا موب متشجعه واايد اسير العرس بعدني متردده
وما اعرف شو اييب لريلي هديه
وما اعرف شو اسوي له من مفاجاءة واسويه في نفس اليوم والا يوم الخميس
وشو اغير في الغرفه
اريد اقتراحاتكم وافكاركم الحلوه ممكن اتساعدوني
فديتكن بليز ساعدوني

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[miss cutie]

سيري عرس اخووج وبتدي فشغل اليوم الثاني .. هنيه بتحسسينه انج ناسيه وفنفس الوقت بقول ليش نست وهو بو الشباب مايدي انج مجهزه عشان اليوم الثاني فاجئيه هو اكيد بكون متوقع انج بتسويله نفس اليوم بس انتي لا تسويله شىء خليه لليوم الثاني ..
اول شىء خلينا نخطط ... اشتريله شىء هو في خاطره حسيتيه هل فتره واذا ما لقيتي شىء كان في خاطره شتريله شىء يحبه يعني مثل ساعه تيلفون شىء جيه و غلفيه بطريقه وايد حلوه واذا تبين بساعدج ^_^ ..
اليوم الثاني طبعا بتسيرين اتسلمين على هلج فالبيت وقوليلهم اي عذر انج تبين تسيرين ...
1. اتفقي مع محل مال الهدايا يسولج الحجره كلها بلونات فالارض و فوق خليهم يولج كله اللون الوردي الفاتح خليج البيبي جيرل ..
وطبعا انتي رتبي على كيفج وكليها كلها شموع نسقي الالوان وحطي ورد بنك
ولبسي شىء كيوت بنك بعد خليج تبرقين ..
و اذا انتي من دبي
حجزي عشى برا وقوليلهم حلفت زواجنا عشان ايبولك كيك ^_^ وهنيه اونج انتي بس تبين تطلعين معاه وهو بنصدم فالمطعم انه كيكه وجيه قوليله تتحراني نسيتك لو انسى هالعالم كله ما انسى يوم زواجنا .
ويوم بتردين البيت عليج بالحفله الي هناك ^_^ وسموحه منج ان شا الله تعيبج الفكره ..

[حبيبة حبيبي]

سيري عرس اخووج وبتدي فشغل اليوم الثاني .. هنيه بتحسسينه انج ناسيه وفنفس الوقت بقول ليش نست وهو بو الشباب مايدي انج مجهزه عشان اليوم الثاني فاجئيه هو اكيد بكون متوقع انج بتسويله نفس اليوم بس انتي لا تسويله شىء خليه لليوم الثاني ..
اول شىء خلينا نخطط ... اشتريله شىء هو في خاطره حسيتيه هل فتره واذا ما لقيتي شىء كان في خاطره شتريله شىء يحبه يعني مثل ساعه تيلفون شىء جيه و غلفيه بطريقه وايد حلوه واذا تبين بساعدج ^_^ ..
اليوم الثاني طبعا بتسيرين اتسلمين على هلج فالبيت وقوليلهم اي عذر انج تبين تسيرين ...
1. اتفقي مع محل مال الهدايا يسولج الحجره كلها بلونات فالارض و فوق خليهم يولج كله اللون الوردي الفاتح خليج البيبي جيرل ..
وطبعا انتي رتبي على كيفج وكليها كلها شموع نسقي الالوان وحطي ورد بنك
ولبسي شىء كيوت بنك بعد خليج تبرقين ..
و اذا انتي من دبي
حجزي عشى برا وقوليلهم حلفت زواجنا عشان ايبولك كيك ^_^ وهنيه اونج انتي بس تبين تطلعين معاه وهو بنصدم فالمطعم انه كيكه وجيه قوليله تتحراني نسيتك لو انسى هالعالم كله ما انسى يوم زواجنا .
ويوم بتردين البيت عليج بالحفله الي هناك ^_^ وسموحه منج ان شا الله تعيبج الفكره ..

مشكوره فديتج والله فكرتج اكثر من رووووعه بس الماديه في الوقت الحالي ما اتساعد اسوي كل هذا
مع انه خبال موب الا حلوه الفكره
مشكوره فديتج ربي يعطيج العافيه وما اتقصرين

[غـــزل]

كل ماكنت حفله عيد الزواج نعومه كانت اروووووووووع

يعني فديتج سيري عرس اخووج واستانسي مع اخوج
ودام العرس بنفس اليوم خلي حفلتكم اليوم الثاني
قوليله اييب لكم العشا وبالوقت اللي يظهر فيه رتبي الغرفه زينيها وبخريها
ورد على شموع على شيفونات ولازم تبخرينها وتخففين الاضاءه
والبسي شي نايس وكيوت ولا تبالغين بالميك اب كل ماكان خفيف كل ماكنتي احلى واحلى
وانصحج تلبسين الابيض عشان يتذكرج وانتي عروس وشغلي موسيقى كلاسيكيه وامسكي ورده فيدج
ومن يدق عليج الباب ابسرعه شغلي الموسيقى او زفتج اللي كنتي حاطتنها فيوم العرس وفتحيله الباب وبيدج الورده
احس انه بينصدم شو ها وكيف ومتى

والله يسعدكم يااااااااااااااااااااااارب

[الياسييه]

سيري عرووس اخوج كنج عرووس يعني تحني وتعدلي ولبسي واخر الحفله روحوا ورا المعاريس ههههه يعني حجزي بفندق واستانسوا ويووم تردوا البيت ثاني يوم سوي حفله بسيطه في البيت

[حبيبة حبيبي]

مشكورات فديتكن افكاركن رووووووعه

[العنيـــدة]

حق شوة المخاسير ونفس ماقلتي انه بيكون عرس اخوج نفس اليوم يعني فرصه لج انتي بعد...

بتكونين كاشخه ولابسه ومتعدله ومن تردين البيت بدلي لبسج وخليج بكشختج وبتدي حفلتج معاه ع جو ثاني

[أم رويض]

انا شراتج كان عرس حد من اهليه و ماشي ترتبت و حجزت في روتانا و طلبت منهم يحطولي كيك و وورود و كنت مزهبه كل شي من وقت من هدايا و لبس نووم بس موول ما طريت السالفه ذكرى زواجنا اونه مب عبا الي ... بس وااااايدحلوووو كان يووم ما ينسى

[BusinesS_Women]

والله نفس تفكيري عرس اخو زوجي قريب وافكر بما اني بكون متمكيجه ومتعدله اني من ارجع من العرس اكون مجهزتله مفجأه بس ما اعرف شو ارتب وشو اسوي

[zoomyat]

سيري عرس اخوج وتعدلي ...
وفي نفس الوقت جهزي عمرج حق الليل خخخ ...
رتبي الثياب اللي بتلبسينها .. دوري شي يناسب لون المكياج .. وشعرج بيكون مسشور ومرتب ...
يعني بتكون ليلتين في ليله ^__* ...

اشتري له الهديه من الحين وخشيها عنه ... يوم بتردون من العرس سوي عمرج بتروحين اتنامين قولي له تصبح على خير حبيبي تعبااااااااانه حدي من العرس ...
وجان قدرتي اتدشين الغرفه اتبدلين ثيابج واتجهزين الهديه وهو بره زين .. واذا تعرفين انه لزقه وبيدش الغرفه قبلج حطي كل الاغراض فالغرفه الثانيه او اي مكان ثاني هو مايسير له .. عسب تتحججين انج تبين شي وبتين الغرفه ...


صح ! عرس الرياييل يكون قبل الحريم صح؟ هو بيطلع من بعد العشا .. انتي كوني جاهزه من ناحيه المكياج واللبس وجي .. اول مايطلع خلي حد من خواتج يساعدج في تزيين الغرفه من ليتات وزينه اذا كنتي حابه اتزينينها وحطي هديته على الشبريه على الجهه اللي بينام فيها او فالنص مع شويه ورود منثوره حوالين الهديه ^__^
يوم بتردون البيت اخر الليل هو بيدش الغرفه عسب ينام وبينصدم من الزينه .. في هالوقت اللي هو بيكون منصدم انتي عاد بسرعه البرق بدلي ثيابج وتشاشاشاااااااااااااااااااااااا
قولي له كل سنه وانت طيب ^___^ وعطيه من الكلام الحلو ...

[FFF]

انا رايي من راي الخوات خليها نفس اليوم

وبعدين بدلي ملابسج والبسي قميص مال اول يوم

جي بيفاجا وخشي الهديه في كبته او حطيها على الشبريه

[غلا المحبة]

فديتج حلاته

سيري عرس اخوج

واحجزيلج بالفندق

ولا تتراكظين وايد بالعرس

^^

عسب ماتتعبين

يعني جنج عروس

وعقب كملو سهرتكم بالفندق

وانت بالفستان والميكب

[حبيبة حبيبي]

يزكم الله خير
بحاول اسوي شي من الافكار اللي قلتوا لي عليها

[حزن قلبي]

بالعكس انتي المستفيدة جهزي الهدية و روحي العرس و انتي كاشخة و خلي ريلج يستانس بتعديلج و حنتج و اذا بغيتوا اتباتون في الفندق شيلي الهدية معاج بس لا تبينيله اونها لزوم العرس.

[بنت زاايد]

كيف تقدرين تفوتين عرس اخووج؟؟؟؟!!!!

اخووج بيزعل يعني هوو شاركج عرسج وانتى ماترووحين عشااان يووم زواجج؟؟؟!!!! عجييبه

حتى ريلج بيستغرررب بيقوول هاي علاقتها مب قووويه مع اهلها مهما كااانت الظرووف وضحي له انه اهلج الكل بالكل لاتعطينه فررصه بااجر بيقول لج مابوديج بيت اهلج مب مهم اذا عرس اخووج ما اهتميتي ورووحتى!!!

مثل ماقالو الكل الخساره وحده تلبسي وتعدلى وطلعي من الصاله ورووحي الندق واحتفلي مع ريللج لين الفيييييررر في الفندق رووحكم