محتاجة لدعائكم

**khalejeya** · 2008-07-11, 00:31

السلام عليكم و رحمه الله و بركاته

حبيت افضفض في هالمكان لانه يخص العائلات
و النساء بشكل عام

اعيش هالايام حالة صعبة و يمكن متعبة نفسيا جدا

طبعا انا انسانة من النوع الهادي، و أقدم مصلحة الجميع على مصلحتي

في البداية انا انسانة مطلقة من فترة طويلة
وعانيت من الطلاق بشكل ماحد يتصوره

انا وولدي و ما راح اقول ابو ولدي عانى مثلنا جميعا دخلنا نفس الحالة

سبب الطلاق كان بسبب تدخل الاهل في حياتنا
من جهتي كان ابوي يدخل ، و من جهته كانت اخته تتدخل ويمكن اخوه

طبعا اطلقت بعد ولادة ولدي يعني بعد سنة من زواج

وكل شخص راح لحال سبيله

انا رجعت و كملت دراستي و الحمدالله تخرجت و توظفت من قريب

يعني ربي عوضني خير عن هالسنين الطويلة من الوحدة

بعد سنوات من الطلاق
ابو ولدي أصبح انسان الديون تطارده من كل مكان
واصبح بلا وظيفة لفترة و الحين الحمدالله لقى شغل

خلال 3 سنوات وهو يحاول يرجعني لذمته
مرة اهلي يوافقوا بس يصير شيء في الموضوع

ومرة اهلي يرفضوا و يتوقف الموضوع

طبعا انا انخطبت لاشخاص غيره
بس انا النفس ما ترغب بهم

كنت راغبة ارجع لابو ولدي لاني احس معاه بالحنان و الامل

ويكفي اننا راح نرجع عيلة وحدة من جديد عشان ولدنا الله يحفظه

طبعا كان مقرر هالشهر اني ارجع له كآخر محاولة لارجاعي

طبعا انا وافقت لان العمر يمضي و بس ما مضى من زمن

طبعا ابوي وافق بس وضع له عدة شروط

لما بديت ارتب امري للزواج
تدخل اهلي و اهله في الموضوع و صارت مشاكل

والسبب بيت راح يطلع لي من الاسكان وابوي مـأجل الزواج عشانه

طبعا انا رافضة التاجيل
عشاني وعشانه و عشان ولدي
لاني تعبت من الانتظار و هو تعب من الانتظار

قال اذا ما حددت موقفي من الموضوع باجر

راح ينسى الامر نهائيا

وكل شخص يروح لحال سبيله

بعد ما كان خلال اسبوع او أسبوعين اكون زوجة له

بنبتعد نهائيا من جديد بسبب الاهل

انا اكتب اول مرة عن نفسي هنا
والنفسية جدا منحبطة

فأتمنى تدعوا لي ربي يوفقنا ونرجع لبعض من جديد

لاني جد محتاجة لدعواتكم لي يا خواتي بان ربي يسهل علي اموري

ربي يسهل على الجميع

المزيد من آخر المواضيع من نفس القسم:

**فن القفطان** · 2008-07-11, 00:48

الله يسهل اموورج حبيبتي
الخير فيما اختااره الله

**UAQ_LADY** · 2008-07-11, 00:51

الله يكون في عونج الغاليه
وانشالله تتيسر امورج وتردين لريلج وبيتج... بس الغاليه اباانصحج نصيحه,,, ماعرف ظروفج بالضبط بس بشكل عام يعني...

قوي شخصيتج واتحذي قرار بخصوص حياتج حتى لواعترض الكل ماعليج منهم مب عشانج عشان ولدج على الاقل,,, ومع الايام الامور بتتصلح باذن الله’’اهم شي انج ماتعصين ربج والله بيوفقج انشالله

**حب اللؤلؤ** · 2008-07-11, 01:14

الله ييسر أمرج ويجمعكم على خير إن شاء الله

**نوس العروس** · 2008-07-11, 02:00

الله يسهل اموورج حبيبتي
الخير فيما اختااره الله

**عيو دبي ون** · 2008-07-11, 02:06

الله يجمعكم ع خييييييييييييييييير ياااا الغاليه ..
نصيحه من اخت الى اخت :

الغااااااااااااليه محد ما يمر في مشاااااااااااكل .. انتي لا تخلين الشيطاااان يلعبمن بينكم
مشاااكلكم حلووووهاااااااا بروووحكم انتي و ريلج بدووون تدخل الاهل .. ساااااعااات الاهل حلوووولهم
أدمر والله .. والله يسعدكم طوووووووووووووووووووووووووووووووووول العمر ..

**OM MUBARK** · 2008-07-11, 02:08

الله يجمعكم مع بعض مره ثانيه واتكون علاقتكم احسن من قبل
بس ليش ابوج يدخل ف كل شي .. انتي الحين ام لازم تكون لج كلــمــه ..

**..غايب حبيبي..** · 2008-07-11, 02:11

الله يسهل أموررج يارب

**![ملكية]!** · 2008-07-11, 02:15

الله ايسررررلج امورج فديتج .. وترجعين له وتكونون احلى عيله ياربي ..

**كاروهات** · 2008-07-11, 02:41

الله يجمعكم على خير .. وتتيسر امورج ..
ردي لبو عيالج .. لانه مبين عليج بعدج تبينه ..
ورمسي هلج في الموضوع .. لانج احينه كبيره وفاهمه ..
وماله داعي لتدخلاتهم .. الله يسهل عليج

**الصهبا** · 2008-07-11, 02:47

الله يوفقج ويسهل امورج

**المتحنيه** · 2008-07-11, 02:52

انشالله تتيسر امورج وتردين لريلج وبيتج

**مسك دبي** · 2008-07-11, 06:06

الله ييسر امرج يالغاليه ويجمعكم على خير

**khalejeya** · 2008-07-11, 15:58

تسلمون خواتي على الردود

جزاكن الله الف خير

**الدمعة** · 2008-07-11, 16:32

الله ييسر أمرج ويجمعكم على خير إن شاء الله

الموضوع: محتاجة لدعائكم

أدوات الموضوع

عرض