أغراض وحاجيات للسفر

**شمسية** · 2008-06-25, 06:58

السلام عليكم ورحمة الله وبركاته
كيف الحال يا عضوات هذا المنتدى الغالي إن شاء الله كلكم طيبات ومرتاحات اللهم آمين .
أبغي أعرف ولا تبخلوا علي بالرد .
أنا المفروض أكتب هذا الموضوع في قسم السفر ولكن حبيت أن أنقله في القسم العام لما فيه من تفاعل أكثر من قبل الأخوات العزيزات .
عندما تقررون السفر وتسافرون بالسلامة ماذا تأخذون معكم من أغراض وحاجيات مثلا إني إذا قررت السفر آخذ معي الحاجات المهمة مثل الأدوات الصحية من صابون وشامبو وفوطة فرشاة ومعجون أسنان ومشط وملابس ......... إلخ
أرجو التذكير بما نسيت وجزاكم الله خيرا .

المزيد من آخر المواضيع من نفس القسم:

**شمسية** · 2008-06-25, 09:49

ليش وينكم يا الله ردوا علي أنا أتريا ردودكم لهذا السبب حطيت الموضوع في القسم العام عشان وايد يزورونه وسلامتكم

**dena22** · 2008-06-25, 09:52

لا تنسين ادوات الخياطه ضروريه وضمادات للجروح وادويه الحراره والزكام والقراّن لاتنسين وسجاده للصلاه

**الامارات999** · 2008-06-25, 11:17

الغالية الي ذكرتيه بجانب صيدليه صفنونه

واذا عندج اطفال بيكون الوضع مختلف على حسب اعمارهم

انتي حابة انذكرج باغراض الكبار والا الصغار

لان اغراض الكبار سهله اما الصغار مشكل

**شمسية** · 2008-06-26, 10:47

أشكر الأختان دانة 22 والامارات 999 على ردودهم وجزاكم الله خيرا

**rimi_m** · 2008-06-26, 11:59

خذي مصحف صغير حطيه في الشنطة

ومهم انج تاخذين معاج الاغراض النسائية الخاصة " انتي تعرفين "
و بعد كاميرا و شاحن الموبايل و تأكدي انه الفولت في البلاد اللي بتسافرينها نفسنا 220
لأن لو كانت 110 خذي وياج محول صغير ..
لو كنتي بتسكنين في فندق .. ماله داعي تشلين شامبو و صابون ! الا اذا انتي متعودة تستخدمين شي خاص !
بس خذي وياج الديودرانت الخاص فيج ..

و خذي ليفة مال الجسم .. لأنهم ما يحطون هالشي في الفنادق .!

لو كنتي من الناس اللي تعاني من صعوبة النوم في السفر .. خذي منوم باستشارة من الصيدلية طبعا

بعد خذي معاج وانتي بكرامة .. جوتي رياضة - أهم شي!! لو كنتي مسافرة سياحة ! بيساعدج في المشي

نظارة شمسية
عطر او دهن عود لو انتي متعودة تستخدمينه

ان شاءالله اكون افدتج .. و لو تذكرت شي بعد بضيفه

**أم أريج** · 2008-06-26, 12:03

اختي خذي معاك المنظار عشان تشوفين فيه الاماكن البعيدة خاصة لو كان السفر في منطقة طبيعة خلابة

الموضوع: أغراض وحاجيات للسفر

أدوات الموضوع

عرض