قولوا التصرف صح ول غلط

[أمل ضايع]

السلام عليكم ورحمة الله وبركاته بصراحه ماني عارفه من وين ابدا لان الموضوع خاص بقسم ثاني بس ما ادري ليش مايفتح قسم المواضيع المهم السالفه وما فيها انا عندي اربيعه مشتركه في نادي للرياضه ما ادري يصير اكتب اسم النادي ول لا المهم صارت لها سالفه تعرفو شو رايحه النادي وما خذه ولدها معاها وويوم يات ادخلها معاها السباحه قالوا لها كم عمره وعطتهم العمر وقالو لها نبي اثبات على عمره قالت لهم ليش يعني هذي اول مره تطلبون هذا الشي قالو مب مشكله اليوم بيدخل بس مره ثانيه يبي اثبات وبعد وقعوها على تعهد انها تكون مسؤوله عنه ممكن اعرف فايدة التعهد المهم اليوم راحة مره ثانيه ونست تاخذ الاثبات فما رضو يدخلو معاها ولا شو يقولو بعد والله فيه وقت حد ايب الاثبات يعني نحن نكذب ول شو ما ادري شو قصدهم وصارات مشاحنات بين اربيعتي والمسوؤله هناك ربيعتي تقولها انتي توقعيني تعهد اتحمل مسؤولية ولدي بعد ليش الاثبات وهذي السالفه كلها وصار كلام طويل من بينهم والي قهرني في الموضوع تقول حق اربيعتي والله انتي كل مره اطلعي لينا بسالفه فردت عليهم انتو المسؤولين اذا مانقول لكم انتو نقول لين منو نقول سكتت ولا ردة عليها بالله عليكم هذي اداره ول شو يعنو شوفو وسكتو واي شي يصير لكم او يتعرض لكم لا تيو و تشتكو واسمحولي على الاطاله وابي اسمع رايكم في الموضوع بكل صراحه

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[baby21]

صح لانه من قوانين النادي واعتقد يوم سجلت حاطين اسعار انها ممكن تدخل معاها صاحباتها مش عارف مين بس بمقابل

يعني الخلاصة صح

[أم حمادة]

أختي دوما يسألون عن عمر الولد لأنه لوكان عمره فوق خمس مايصير يدخل مسبح سيدات

[ياقوتةخضرا]

ختيه شي طبيعي يوقعونها على شي يخليها تتحمل مسؤوليته .. انتي ما تقرين الحوادث اللي تستوي في حمامات السباحة وبحضور الاهل وبعدين يوم لا سمح الله حد يغرق الاهل على طول يحملون النادي المسؤولية .. ما فيها شي اذا عندها الاثبات المفروض تحتفظ فيه في السيارة حق وقت الضرورة وهاي الاشيا ما ينزعل منها

[الجرح الدامي]

اختي كلام المشرفه صح لانها في الاخر المسوؤليه عليها واذا استوى شيء هي المسوؤله ما حد منكم بيتحمل كل شيء بيطيح على راسها

بس كلامها صح والسموحه

[شهرزاد123]

ما عندي فكره

[الحنونة 20]

صراحة اللوم على ربيعتج سموحة بس هو هاذا صح لازم تيب إثبات لأن هالأيام ما في أمان ماتعرفين شو بيصير هالأيام تظهر بلاوي ونحن ماندري بس الأفضل ما تيب الولد مكان في سيدات ولو كان صغير لأنه هذي مسؤولية . سموحة أختي

[نظر دبي]

هلا الغاليه

مممم هو تصرف صح ف البدايه لان انا بنت عموتي مسجله ف نادي وتودي بنتها وياها فالمديره مالت النادي مواطنه وقالتلها ره ثانيه لا تيبينها قالت بنتي ما تسوي شي بس قالتلها بوقعج ع تعهد ان لو سوت بنتج شي او دقت اي جهاز ترى مب مسؤوليتنا ووقعهت التعهد
ف خل اربيعتج اطول بالها لان هااي قوانيييييييييييييين وان شاءالله كل خير

[قنوشه]

اسمحيلي الغاليه صح كلام المشرفه وهي مب بيدها تسوي شي لانه هذي قوانين النادي ما يقدرون يغيرونها

[روعة الوجدان]

أنا مع كلام البناات

كلام المشرفة صح

[أمل ضايع]

اشكر ى كل وحده ردة على الموضوع بس كل وحده تيب ولدها عادي حتى المدربه كل مره تيب اعيالها وكلهم اولاد وانا الي قاهرني في الموضوع ان المسؤوله تقول لها انتي كل مره طلعي بموضوع يعني فيه اشياء لازم تتوضح وشكلها المسؤوله مايعيبها حد يشتكي لها