صلالة والجن

[كلامي]

السلام عليكم بنيات

بغيت اتخبركن عن صلاله ... في حد زارها وصارت له مواقف مخيفه مع الجن؟؟؟ لأني خاطري اروح شهر 8 بس وايد سمعت اشياء عنها وناس يقولون شافوا اشياء تطير وتتحرك وظلال وغيره ... فإلي راحت بليز تخبرني.

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[stars]

افاء ولا رد !!!

[حلااايم]

انا سايره صلاله فوق 5 مرات و كل اهلي يسيرون كل سنه تقريبا محد شاف و لا سمع شي !!!

[lemon202]

انا سرتها مرتين ما شفت الاسياء هذه

[*هابت ريح*]

أنا سايرتلها 5 مرات
ولا شفت و لا سمعت شي
توكلي على الله

[kind_heart]

أنا سايرتلها لا جفت جن ولا أشياء تتطاير سيري واوكلي على الله اهم شي الواحد يقرا على عمره..
بس الشي الوحيد اللي يذبح هناك اهو الباعووووض ..

[reemee]

السلام عليكم بنيات

بغيت اتخبركن عن صلاله ... في حد زارها وصارت له مواقف مخيفه مع الجن؟؟؟ لأني خاطري اروح شهر 8 بس وايد سمعت اشياء عنها وناس يقولون شافوا اشياء تطير وتتحرك وظلال وغيره ... فإلي راحت بليز تخبرني.

الغاااليه نحنا كل سنه انسيير وهلنا كلهم ايسيروون ماجفنا شي
بالعكس بلادهم هااديه وتعيبني وااايد

[ام ندى ...]

ماشفنا شي الحمد الله فيها كلها اشاعات

[ميعاد الحب]

من استوينا وهم يقولون هالرمسة


كل حد يسير صلاله وربيعتي كل صيف اتسير محد جاف جن ولا شيااات

[ذات العماد]

ههههههه


لو قلتي نزوى ولا بهلا ...ممكن موطن السحر قديما ً

بس صلالة بالعكس ....كل اهلنا يروحون ومعارفنا ماسمعنا هالرمسة

ذكرتني بالاوليين يوم بغوا يخوفون الصغارية قالوا لهم هالسوالف شكله الي يحكي لج مايبغاج تروحين و تستمتعين خخخخ


توكلي درب السلامة ان شاء الله

[@عصفورة دبي@]

توكلي على الله أناسايره مرتين وبلادهم وااايد حلوه والصراحه ناس طيبين ........

[][ام نوف][]

لوولـــز

انا سرتها واهلي فوق العشر مرات
وما سمعنا بهالشيء

[فن القفطان]

انا ما سرت
بس سمعت الاهل يرمسوون انهم اونى شاافو نار و لما وصلو مكان النار ماحصلوو حد
و الله اعلم

[هل جميرا]

صلاله مافيها شي .. سايريلها وايد ماشفنا شي .. بس الواحد مايغفل عن الاذكار..

اللي يطري الجن يمكن يقصدون في بعض المناطق في درب صلاله يمكن ..

بخبركم بسالفة الوالد انا متأكده من صحتها لان هو يخبرنا ..
لكنها من زمان في الثمانينات كان ساير صلاله مع ربعه رياييل وفي الدرب مروا منطقه ووقفوا يستريحون قرب فريج، هم بعيد عن الفريج لكن يشوفونه.. وقفوا السياره ونزلوا بيسوولهم جاهي >> شاي ..

الوالد ابتعد شوي عن ربعه يلقـّط حطب للضو .. شاف طيره شرات الغراب اتطير ونازله بتحل عالارض، يوم وصلت الارض، من وصلت استوت حرمه بعباتها!!! وسارت تركض صوب الفريج..
فالوالد رد صوب ربعه وطب الضو قالهم قوموا وبعدين بخبركم ليش وساروا ما ياهم شي..

والمنطقه هذيج كانت معروفه بالسحر.. بس مب صلاله في درب صلاله ..

[::+فديتك اناا+::]

انا سرت لها الصراحه ماشفت شي من الي تقولينه

الصراحه يكفيج الناس الي فيها قمة في الاحترام والاخلاق

يوم يمرون علينا ونحن فارشين ع الدرب يسلمون ويضحكون في ويهانا

عكس تماماً البلاد الي زرتها قبل

حافظ عليهم هل عمااااااااان ربي يحفظهم