وين اسافر بنات ساعدوني الله يخليكم

**عاليه21** · 2006-11-13, 18:55

بنات حبيت اخبركم بمشكلتي انا وريلي اتزوجنا في وقت كله امتحانات ودوام وماسرنا اي مكان لشهر العسل والحين بكمل سنه من العرس
فقررت اسويله مفاجأه وانسافر اسبوع او 10 ايام بالكثير..بس حبيت اسألكم وين اسافر
شو المكان اللي تنصحوني اسافر له
بغيت مكان رومانسي يعني فيه مناظر وسوالف حلوة مابي ملل+رخيص موغالي وايد+شركة سياحية مضمونه ترعى الرحله فديت روحكم

ساعدوني

اللي سافرت مكان اتخبرني كم خسرت عالتذاكر والاقامة واذا عن طريق شركة سياحية خبروني وين وهل هي مضمونه

المزيد من آخر المواضيع من نفس القسم:

**اميره دبي** · 2006-11-14, 12:16

اختي عاليه اعتقد احسن مكان لج ( فينا ) الان المكان واااااااااايد رومنسي وعلى فكره اغلب الموجودين هناك شهر عسل
الان المكان هادي ورومنسي وفيه اماكن سياحيه مثل الريف والى اتزورون القصور اشياء حلوه يعني
بس الغاليه بخصوص التذاكر ما اذكر كم لكن مب غالي وايد واكلاتهم حلوه بعد ومب غاليه
اذا بغيتي اتسيرين رحله احجزي من الفندق الانه اضمن

**شيما** · 2006-11-14, 20:48

المانيا هالوقت باردة وحلوة

**عاليه21** · 2006-11-15, 19:14

مشكورين حبيباتي

**صاحبة الذوق** · 2006-11-16, 02:31

اذا تبغين مكان بارد ... عليج باوروبا ومثل ما قالوا لج الخوات ,,,المانيا ... النمسا ... فرنسا( ديزني)...
اذا تبغين جزر ... عندج المالديف ... موريسش ... سيشل ...
وان بغيتي تغيير بمعنى الكلمة عليج باستراليا ( بس بعيده شوي) وانت اجازتج قصيرة

اتمنى اكون افدتج

:22 (22):

**القمزية** · 2006-11-16, 04:04

انا مقررة لشهر عسلي إيطاليا مدينة العشاق

**لورا** · 2006-11-16, 04:45

عزيزتي انصج تروحين باريس تهبل

وطبعا اضمن المكاتب السياحيه الامارات او دناتا

**MS ELEGANCE** · 2006-11-16, 21:46

الغاليه ماليزيا من أحسن الدول وخاصه لشهر العسل

**عاليه21** · 2006-11-16, 22:55

والله مشكووووووورين بنات منتداي الغالي
ماقصرتوا

**ليلة عمر** · 2006-11-16, 22:57

الصراحه مااعرف مكاتب سياحه

وروحي بانكوك حلوه ورخيصه

**عاليه21** · 2006-11-18, 18:16

مشكورين الغاليات
افكر اروح ماليزيا

**بنت بوظبي** · 2006-11-20, 23:04

الغالية ما انصحج اتسيرون اوروبا هالايام لانها برد موت ما بتستانسون والنهار قصير من اربع ونص تظلم الدنيا يعني ما بتقدرون اتسيرون حديقة او جبل في هالجو بس شوبنج وسوقهم صاير بايج اغراضنا هنيه احلى
ماليزيا جوها اوكي معتدل ويكفي انها دولة اسلامية . ماتفكرون اتسيرون العمرة؟

**فطامي 20** · 2006-11-21, 16:08

اختي انصحج اتروحين ماليزيا وتايلند ...اسعارهم اوكي ومناظرهم روعة ومراكزهم رخيصة والتسوق عندهم رووعة ...وأنصحج بمكتب الرحمة للسياحة بدبي

تسيرين وتردين بالسلامة

**فطامي 20** · 2006-11-21, 16:10

وبعد يزاها الله خير بنت بوظبي ...فكرتها وايد روعة ...ممكن اتسيرون العمرة وتسوون برنامج بجدة ترى جوها الحين روعة ومراكزهم اوكي وعندهم منطقة يسمونها ابحر الصراحة وايد حلوة وفيها اماكن يلستها روعة وبعد ممكن تسوون يومين بالطايف الجو هناك برااااااد ورعة

وبعد مكتب الرحمة ممكن يرتب لكم وبالتوفيج انشالله

الموضوع: وين اسافر بنات ساعدوني الله يخليكم

أدوات الموضوع

عرض

وين اسافر بنات ساعدوني الله يخليكم

المزيد من آخر المواضيع من نفس القسم:

المواضيع المتشابهه

بنات ساعدوني الله يخليكم

ساعدوني بنات ... عندي مشكلة في المسن ... ساعدوني الله يخليكم

بنات الله يخليكم ساعدوني

ساعــــــــــــــــــــدوني الله يخليكم ابا اسافر لقطر والبحرين مع عيالي

بليز بنات بصيح ..... ساعدوني الله يخليكم ... و الله يفتح عليكم أبواب الجنه