××خوات ريلي... وحرمة أخوي××.. سؤال يطرح نفسه!!!

[عروس الحب]

×آآآآآآآآآآآآآآآآآآآآآآآآآآآآآخخخخخخخخخخخخخخخخ×
تعبت من كثر ما أقرى موضوع الوحده يوم تتضايق من حرمة أخوها .. والثانيه يوم تتضايق من خوات ريلها... لأني أقرى الموضوع والردود كاملات .. وأكثر موضوع أطول فيه لأنه يكون عليه اقبال كبير فالردود والمشاهده ...
بس في سؤال يطرح نفسه!!!
ليــــــــــــــــــــــــــــش لازم تكون فيه مشاكل ودااااايمه؟؟؟
بنقول في البدايه لأنهم مب فاهمين بعض..
بس شو اللي يخلي هالشي يكبر..
ليش الوحده بتكون ويا خواتها علاقتهم حلوه ..
صديقاتها علاقتهم حلوه..
بس خوات ريلها .. أو حريم اخونها لازم تصير مشاكل؟؟؟؟ !!!
شو السبب؟؟!!!
والله وايد أفكر في هالموضوع !!!!!

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Om 7aMda]

اول شي مب شرط ... يعني مثلا انا وحرمة اخوي مثل العسل
بس تستوي بيني وبين خوات ريلي بعض المشدات او انهم يفرون رمسه عليه ويحاولون يغايضوني فيها

وبعدين انا اكون من بيئة غير بيئت اهل ريلي .. يعني مرات تقولين بطنش ومرات لا ما تقدرين تتحملين وخاصه اذا كانوا يدخلون في حياتج ....

يعني اي شي يصير بينج وبين ريلج لازم يعرفونه ومرات الريل هو اللي يقول لهم كل شي يقول لهم ماضي وحاضر حرمته عاد يقومون يتنيحسون عالحرمه الفقيره ...
ومرات الحرمه تكونن شريرة ....


يعني بالمختصر مافي انسان كامل ... بس نصييييييييحه اذا عرستي خذي بيت روحج عشان تتفادين هذا كله ....

وسوالم ....

[الــمــدلــلــه]

بكل بساطة لأنه بينج وبين خواتج وربيعاتج مافي ريال

بس بينج وبين خوات ريلج في ريال،، اللي هو ريلج وأخوهم في نفس الوقت

[al7nan79]

بكل بساطة لأنه بينج وبين خواتج وربيعاتج مافي ريال

بس بينج وبين خوات ريلج في ريال،، اللي هو ريلج وأخوهم في نفس الوقت

[Um.AbdullaH]

بصراحة انا ما جربت زوجة الاخ، بس لو اخوي الله يكتب له ونفرح فيه تزوج بحطها في عيوني، لان لو سويت مشاكل بيني وبينها بترد المشاكل لاخوي وانا يستحيل اخرب بيت حبيب قلبي اخوي
اما عن اخت الزوج فهم مثل خواتي عادي، واخدمهم من عيوني ان بغو شي، وهم ما يقصرون ابد ان احتجت لهم، والله تميت في المستشفى في الغربة اسبوعين واخت زوجي هي اللي شالت لي بنتي، والصغيرة مرات اوقف وياها وادرسها وانصحها، حتى زوجات حماواي مثل خواتي، احبهم واسولف وياهم واخذ واعطي، بس في حريم يبون يملكون الزوج لهم هم وبسسسسسس، علشان جذي تصير المشاكل، يعني انا مابي زوجي يودي اخته، ما ابيه يودي امه، ما ابي يقعد وياهم، مو معقوله!!! الحياة مو لج انتي وبس!!!! لو كانت في بداية زواجها ما تنلام، بس عقب فترة خلاص!! لج بيتج ولج مشاغلج وعيالج،،، طبعا الكلام بصيغة المخاطبة بس لا تخافين ما اقصدج انتي ههههههههه
ومن هالنقطة تبتدي المشاكل، الغيرة وحب التملك، وهذا طبع في الانسان، بس وين النبيلات والفطينات والمضحيات؟ قليل

[...(مريّة)...]

مادري والله ، أحس موضوع الغيرة
يلعب دور كبير بين الطرفين ،

[khaleejiya]

السبب الاول والرئيسي هو الغييييره
احيانا اخت الريل تغار عليه من خواته
واحيانا العكس خوات الريل يغارون عليه من حرمته
واحيانا أم الريل
وهكذا
يعني المسألة مسألة غيرة حريم وقلة عقلهم
والسبب الثاني هو الفضاوه
لما تكون الحرمه فاضيه راح تفتعل المشاكل بس عسب تتسلى ويكون عندها شي تشغل نفسها فيه

[ام هند22]

انا مرت اخوي هي نفسها اخت زوجي احنا واااايد اوكي اويا بعض بس ساعات تستوي مشادات بينا في طريقة تعاملنا مع اليهال وبس مب اكثر من جي
بالعكس هي وايد زينه وما ايخصها في شي

[$سكون حلم$]

الغيرة هي الاساس..

[يحراويه]

الحمدالله حرمة اخوي وخوات ريلي (بنات عمي) وعمتي ام ريلي
كلهم كأنهم خواتي وحبايبي والله
ولله الحمد

[أم بيسان]

المسألة مسألة غيرة حريم وقلة عقلهم

[أمورة]

الموضوع باختصار الغيره

الغيره الاخويه

[ام جواهر]

انا كرهت حرمة اخوى بسبب تعاليها على امى ............ وطولت لسان امها على اخوى ......... يعنى الكل محصل بعضه ........... بس اسلم عليها ......... واى شئ تطلبه يوم يكون اخوي بالدوام ايب لها ............. ولحد هنيه وخلاص

[ورديه]

ليش الغيره ع فكره مب فكل شي تكون غيره

فيه حريم لو شو اييهن من اخوات ريلهن او عماتهن يسكتن ويتغاضن لو الموضوع فيه ظلم او تجريح مب لانهن مايعرفن يدافعن عن انفسهن او يخافن لا عشان ريلهن ولانهن مايبن يسون شي من لاشي شي يهدم حياتهن بالكامل وهذي هيه لتضحيه

وليش اغلب المشاكل بين اخوات الريل او حرمه الاخو اذا كانت الحرمه زينه وطيبه وهم يتبلون عليها ويظلمونها مافي شي اسمه تفاهم ويفسرون المواقف ع مزاجهم ويفهمونها مثل مايبون يفهمونها ...هل الحرمه شو تسوي لاحول ولا قوه ....واذا كانت صدق شريه فهذا جزاها

ولان البعض بعد يدخل فخصوصيات الزوجين يعني مرات العمه او اخت الزوج تقول للريل والله حرمتك قالت جيه عنك او عنا عند الحرمه الفلانيه ومادري شوه بدون مايسؤلون الحرمه اذا هل الشي صح او لا تنظلم ويغلطون عليها وتسكت وتتغاضى وهيه ماقالت ولا رمست

واذا عن حرمه الاخو اخواني صغار بس يوم بتستوي عندي حرمه اخو بحطها فعيوني وبخليها شرات وحده من خواتي اذا هيه كان طيبه وحبوبه اما اذا لا سمح الله خرابه او شريه بعيييييييييييييييييييد انا والخير رباعه



يختي فالاول والاخير هذي الدنيا دار اختبار ومتروسه مشاكل و اللي مايعرفك ما يثمنك

[Hno0odah]

اصلا دايما المكان اللي فيه بنات وبينهم يكون ريال لازم في مشاكل

الحمد لله ريلي ما عنده غير اختين وحده معرسه والثانيه اصغر عني بكم سنه
بس انشاء الله انكون شرات الخوات و اكثر