مشكله بالنسبه للبعض عادي اما انا لا

[al3yon121]

شحالكم بنات وشخباركم
بقولكم مشكلتي بس والله العظيم بالنسبه لي شي كبير ومهم
انا متزوجه من 3 سنين ونص وعندي بيبي ومتزوجه عن حب والحمدلله رب العالمين حياتي حلوه وانا وزوجي نحب بعض
بس المشكله هي ,,
اني احبه بشكل كبير وماتتخيلونه يعني لو راح الدوام اتم مظايجه واصيح واذا مرت ساعه ولا كلمني اتعب وووايد متعلقه فيه واغليه حتى اكثر من بنتي واهلي ,, وهالشي والله يسبب لي مشكله يعني لو سافر مثلا او صار شاي كيف انا بتحمل بعاده ,,
وهو دوم يقولي لا تستوي جي وهالشي موب زين ,, حتى لو انا زوجج ماتوصلين لدرجه انج ماترقدين يوم انا بعيد ,,,,
والله العظيم بنات اني افكر فيه وووووايد وانا مشكلتي عالتعلق الكبير له ,,

انتوا اتشوفون هالشي عادي ,,؟؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ياقوته]

هلا اختي

حلو انج تحبين زوجج ومتعلقه فيه
بس مب لها الدرجه اختي

هدي شوي وخلج عادي
وحاولي تهتمين في بنتج يوم هو مب موجود

كلنا يا اختي ازواجنا يغيبون فتره بس مانسوي مثلج

اذكري الله وحاولي تتغيريين شوي

والله يعينج الغلا

[al3yon121]

مشكوره الغلا ع الرد
بس والله صدق شي يتعب

[يانور عيني]

والله العظيم نفس مشكلتي بس كنت اخش عن الناس من ان شالله تكملين 5 سنين يعني مثلي بتبدين تتغيرين شوي شوي وتعتادين على الوضع انا كنت مثلج حتى بنتي واهلي ماهتم فيهم كثره وايام تيني ضيقة خلاص مب قادرة خاصة لوابتعد عني اكثر من 3 ايام اذا كان عنده ظرف طبعا ويوم بتيبن بيبي ثاني بتبدين تنسين وتلتهين مع الايام بس مساله وقت بتتغلبين على المشكله

[خدن امورد]

الصراحة لو انا مكانج وفي حالتج يمكن اسوي شراتج بس حاولي تشغلين عمرج في شي مثلا حاولي تغيرين نفسج

لين ما يرجع من السفر او الدوام يعني لا تيلسين تفكرين فيه وايد واهتمي ببنتج وابتكري شي يديد يغير الافكار اللي في راسج لو اني هب معرسة بس حاسة فيج خويتي

الله يوفقج ويخليكم لبعض ادعيلي بالزوج الصالح ^^

[al3yon121]

والله العظيم نفس مشكلتي بس كنت اخش عن الناس من ان شالله تكملين 5 سنين يعني مثلي بتبدين تتغيرين شوي شوي وتعتادين على الوضع انا كنت مثلج حتى بنتي واهلي ماهتم فيهم كثره وايام تيني ضيقة خلاص مب قادرة خاصة لوابتعد عني اكثر من 3 ايام اذا كان عنده ظرف طبعا ويوم بتيبن بيبي ثاني بتبدين تنسين وتلتهين مع الايام بس مساله وقت بتتغلبين على المشكله

مشكوره حبيبتي ع الرد
وان شاءالله احاول الهي عمري بشي وماافكر
بس مااعتقد اقدر

[al3yon121]

الصراحة لو انا مكانج وفي حالتج يمكن اسوي شراتج بس حاولي تشغلين عمرج في شي مثلا حاولي تغيرين نفسج

لين ما يرجع من السفر او الدوام يعني لا تيلسين تفكرين فيه وايد واهتمي ببنتج وابتكري شي يديد يغير الافكار اللي في راسج لو اني هب معرسة بس حاسة فيج خويتي

الله يوفقج ويخليكم لبعض ادعيلي بالزوج الصالح ^^

تسلمين فديتج
وربي يرزقج بالزوج الصالح ويحبج واتعيشون حياه سعيده ^ ^

[نسيم_البر]

نفس الحكايه ..

هاي انا باختصار...بس ما توصل اذا هوه يعني راح الدوام اتم على اعصابي لا عادي..

بس اذا بات برع ...بموووووووووووووووووووووت ما ارقد لين ما يرد حتى لو شهر..

ما اعرف



والحل انج لازم تشغلين وقتج...وتتخذين من وقتج هوايات مثل قراءة القران او التصفح الانترنت

او اي شي انتي تميلين اليه في وقت الفراغ وبتنحل المشكله



وسلامج

[قلبي من ألماس]

الله يهنيج ويا ريلج ياربي ..

اممم ماعرف شو اقولج .. انا بعدني مالجة بس مثل ما تقولين احس بشوي من اللي تحسين به ..

بس اشغلي عمرج باي شي مثل اشغال يدوية .. ديكور للبيت .. قراية .. نت .. اي شي يشغل وقتج .. وبالعكس .. خلي فترة غيابه لمفاجاة حقه .. تغيير فيج ..

وانا متاكدة لما بتييبين ياهل واثنين شوي بتنشغلين .. وبيخف توترج ..

الله يتمم لج فرحتج .. هدي بالج شويي

[هز الرحيل]

هلا اختي

حلو انج تحبين زوجج ومتعلقه فيه
بس مب لها الدرجه اختي

هدي شوي وخلج عادي
وحاولي تهتمين في بنتج يوم هو مب موجود

كلنا يا اختي ازواجنا يغيبون فتره بس مانسوي مثلج

اذكري الله وحاولي تتغيريين شوي

والله يعينج الغلا

[الدبه]

نفس المشكله ............... اذا عندج حل قوليلي فديت قلبه والله لو يوم افتقده

[AL_AY000N_A]

الله يعينج يااختي
انا كنت نفس حالتج وايد اموت بريلي واكثر من كل شئ حتى عيالي ومستوية نفس اللزقة بسسسسسسسسسس اللحين توفى الله يرحمة ويغفر له ومب عارفة شسوي بدونه , شوفي حالت غيرج بيهون عليج الحال.

[اللولو2]

الله يوفقج ويسعدج ويبعد عنكم الحسسسسسسسسسسسسد

[دبي1212]

الله يعينج يااختي
انا كنت نفس حالتج وايد اموت بريلي واكثر من كل شئ حتى عيالي ومستوية نفس اللزقة بسسسسسسسسسس اللحين توفى الله يرحمة ويغفر له ومب عارفة شسوي بدونه , شوفي حالت غيرج بيهون عليج الحال.

:*____________*:

الله يعوضج خير ان شاء الله

[يانور عيني]

الله يعينج يااختي
انا كنت نفس حالتج وايد اموت بريلي واكثر من كل شئ حتى عيالي ومستوية نفس اللزقة بسسسسسسسسسس اللحين توفى الله يرحمة ويغفر له ومب عارفة شسوي بدونه , شوفي حالت غيرج بيهون عليج الحال.

الصراحة الله يعينج ويصبرج على فرقاه ويرحمه ويغفرله ويعوضج خييييير