ورق x ورق .. سلحفاة ..

**منّايه** · 2008-04-22, 15:56

السلام عليكم
مره ثانية .. أحط لكم شغل ورق ..
أمس حطينا خنبسانه

"خنفساة"
واليوم بنحط احمسه

"سلحفاة"

تابعوا الصور .. والخطوات ..
أنا دوم أستخدم الطريقة اللي ماتحتاج أي أدوات خاصة .. المتوفرعند كل حد .. بس عشان تعرفون كيف الطريقة ..
بنحتاج أول شي نقص عدة دوائر .. أنا استخدمت درجتين من اللون الأخضر .. واللون الوردي .. بكل بساطة لأنه هالأوراق كانت باقية عندي من العلب اللي سويتها

دائرة كبيرة قطرها 3 سم باللون الأخضر " جسم السلحفاة"
3 دوائر صغيرة قطرها 1 سم باللون الوردي "أجزاء السلحفاة"
دوائر وايد صغيرة باستخدام خرامة الورق العادية "تشكيل درع السلحفاة"
أنا استخدمت 8 .. تقدرون تنقصون أو تزيدون على راحتكم ..

في البداية لصقوا راس السلحفاة .. بواسطة دائرة وردية .. الدائرتين اللي بقن .. انصفوهن .. بيصيرن 4 .. عشان أطراف السلحفاة

اقلبوا السلحفاة .. ولصقوا الدوائر الصغيرة .. وارسموا العيون .. استخدمت ال glitter حق العيون .. بس تقدرون تحطون فصوص .. كرستال .. أو دائرتين ورق صغار

وهذا الشكل النهائي ..

تقدرون تسوونها بأكثر عن طريقة ..
just give your imagination a chance

... ... ... ... يــتــبــع ... ... ... ...

المزيد من آخر المواضيع من نفس القسم:

**منّايه** · 2008-04-22, 15:58

هاذي طريقة ثانية بعد

نفس الأحجام اللي قبل
بس زياده الأطراف عبارة عن قطعتين مستطيلات ورفاع

نركب الراس بنفس الطريقة الأولى
بس الأطراف .. نصفت المستطيلين أو الشريطتين الرفاع .. وصارن 4 .. نركبهن بهالطريقة

من الجهة الثانية
رسمت الدرع باستخدام glitter pen أخضر وعقب ركبت الدوائر

وهذا الشكل النهائي ..

الحمسة وربيعتها .. هههههههههه

إن شاء الله استفدتوا وكانت طريقة سهلة عليكم

وأتمنى أجوف صور من تطبيقاتكم إذا أمكن

وتابعوا معايه كل فترة إن شاء الله متى ماقدر بحط شي يديد

**نانوني** · 2008-04-22, 16:10

بصراحه روووووووووووووعه....

وبذات الايشدو اللي حاطتلها ....ضحكتيني لولولوللولولولول

مشكورة على الابداع ونتريا اليديد منج دوووووووم...

**الوزيرة** · 2008-04-22, 16:17

ما شاء الله عليج كل يوم شي يديد ..

الله يوفقج ان شاء الله

**الفيروزي** · 2008-04-22, 16:45

هههههههههههههههههههههههههههههههههههههههه
والله انج طماشه يبالج اتسوين كركتير ^ـــ^
تسلمين يالغلاااا
^.^

**ام عبادي84** · 2008-04-22, 16:49

رووووووووووووعه

**3annabah** · 2008-04-22, 16:54

اههههههههههههههههههههههههههههههههههه
وديهن يتمكيجن في الصالون

**نجمة الفجر 2000** · 2008-04-22, 18:02

السلام عليكم الغالية

فديت انا ام الاي شدو بس انا تقليدية وما عندي لماعي سوووو سويت الحمسة التقليدية بس نثرت عليها لمعاي علشان تختق شوي من خاطرها وحليلها

وتصدقين مناية والله من الصبح وانا كل شوي ادش واشوف حطيتي شي والا لا ,, واول ما شفت العنوان قلت اخييييييييييييرا حطت لنا درس حلووووووووووووو اكيد ,,, وهاي سلحفاتي وحليلها

شو رايج فيها ,, مع تغيير اكيد في الالوان ,,,,

وتسلمين على دروسج الكشخخخخخخخخخخخخخخخخخخخخخخخخخخخخخة ,, والله يوفقج وييسر لج الخير ان شاء الله دنيا واخره

@ اختكم في الله @

**منّايه** · 2008-04-22, 18:03

المشاركة الأصلية كتبت بواسطة نانوني

بصراحه روووووووووووووعه....

وبذات الايشدو اللي حاطتلها ....ضحكتيني لولولوللولولولول

مشكورة على الابداع ونتريا اليديد منج دوووووووم...

ههههههههه
إن شاء الله دوم هالضحكه
تسلمين حبوبه

**منّايه** · 2008-04-22, 18:06

المشاركة الأصلية كتبت بواسطة الوزيرة

ما شاء الله عليج كل يوم شي يديد ..

الله يوفقج ان شاء الله

إن شاء الله كل يوم شي يديد .. إن شاء الله
بس مخي مقفل ويالسه أعصره
بحاول من فتره وفتره أحط شي يديد ..

المشاركة الأصلية كتبت بواسطة الفيروزي

هههههههههههههههههههههههههههههههههههههههه
والله انج طماشه يبالج اتسوين كركتير ^ـــ^
تسلمين يالغلاااا
^.^

كنت في يوم من الأيام أسوي كاريكاتيرات وأرسم ..
بس الكبر شين ..
لكن إن شاء الله بحاول مره ثانيه

المشاركة الأصلية كتبت بواسطة ام عبادي84

رووووووووووووعه

مشكوره عزيزتي

**منّايه** · 2008-04-22, 18:07

المشاركة الأصلية كتبت بواسطة 3annabah

اههههههههههههههههههههههههههههههههههه
وديهن يتمكيجن في الصالون

شرايج أطرشها صوبكم .. ؟ خخخخخخخخخخخخخخخخخخ
راعية المكياج يالسه عندكم مب عندنا P:

**منّايه** · 2008-04-22, 18:09

المشاركة الأصلية كتبت بواسطة نجمة الفجر 2000

السلام عليكم الغالية

فديت انا ام الاي شدو بس انا تقليدية وما عندي لماعي سوووو سويت الحمسة التقليدية بس نثرت عليها لمعاي علشان تختق شوي من خاطرها وحليلها

وتصدقين مناية والله من الصبح وانا كل شوي ادش واشوف حطيتي شي والا لا ,, واول ما شفت العنوان قلت اخييييييييييييرا حطت لنا درس حلووووووووووووو اكيد ,,, وهاي سلحفاتي وحليلها

شو رايج فيها ,, مع تغيير اكيد في الالوان ,,,,

وتسلمين على دروسج الكشخخخخخخخخخخخخخخخخخخخخخخخخخخخخخة ,, والله يوفقج وييسر لج الخير ان شاء الله دنيا واخره

@ اختكم في الله @

عليكم السلام والرحمه
حيا الله أم ناصر
أنا اللي أترياج مب انتي اللي تترييني

حمستكم روعه .. وكشخه .. ماشاء الله عليج
والعلبه بالحمسه اللي عليها أروع

ياحيهم الصغاريه اللي عندكم أكيد مستانسين .. ماما تسويلهم شغل عدل

روعه يا أم ناصر .. تسلم إيدج

**غلا الخور.** · 2008-04-22, 18:09

ابصرااااااااااااااااااااااااااحو روووووووووووووووووووووووووعة..

مشكوووووووووووووووووووورة يالغاليــــــــــــــــــــــــــــــــــــــــــة ..

تسلـــــــــــــــــــــــــــــــــــــــــــــــ ـــمـــــ الايــــــــــــــــــــــــــــادي..

**$$um ali$$** · 2008-04-22, 19:08

ما شا الله عليج مبدعه
الله يوفقج

**منّايه** · 2008-04-22, 21:04

المشاركة الأصلية كتبت بواسطة غلا الخور.

ابصرااااااااااااااااااااااااااحو روووووووووووووووووووووووووعة..

مشكوووووووووووووووووووورة يالغاليــــــــــــــــــــــــــــــــــــــــــة ..

تسلـــــــــــــــــــــــــــــــــــــــــــــــ ـــمـــــ الايــــــــــــــــــــــــــــادي..

مشكوره الغاليه ومرورج الأروع

المشاركة الأصلية كتبت بواسطة $$um ali$$

ما شا الله عليج مبدعه
الله يوفقج

تسلمين عزيزتي

الموضوع: ورق x ورق .. سلحفاة ..

أدوات الموضوع

عرض

ورق x ورق .. سلحفاة ..

المزيد من آخر المواضيع من نفس القسم:

المواضيع المتشابهه

سلحفاة إفريقية برأسين و 5 أرجل . .*

سلحفاة وليد تسوي يوقا ههههههههه

أطفال يعثرون على سلحفاة معمرة بشواطئ السعودية ... صووور

سلحفاة بالكروشيه

ورق x ورق .. سلحفاة من ورق