والله الغيرة قاتلتني

[ام ثلاثة بس]

السلام عليكم يامتزوجات
ياربات البيوت هالموضوع يمكن يهمكم مثل ماهو هامني ووااايد

انا يايبه خدامه اندونسية ومن شكلها انها تبا تشتغل بس المشكلة انه اغار على ريلي منها من كثر ماسمعت عن الاندونيسيات بس انا الحمدلله واثقة جدا من ريلي بس تعرفون الشيطان والاعيبه
ساعدوني بنتي تحب تلعب معاها وشغلها في البيت نظيف بس اني بيني وبين نفسي اغار منها واحاول اقنع نفسي انها سنتين وبتروح مثل ماراحت غيرها

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شبيه طبعي]

يالغاليه حطي الرحمان في قلبج ولا تفكرين جيه وريلج مابيحط مستواه من مستوى خدامه انتي ام عياله ومستحيـــــــــــــــــــــل يسويها ودامج واثقه منه ان شالله مابيصر هالشي ..

[um hind]

ليش معذبة نفسج,هاي خدامتج وفي بيتج يوم يكون ريلج في البيت لا تخلينها تطلع من غرفتها او اذا عندها شغل في المطبخ خليها في المطبخ وتسكر الباب وخبريها يوم بابا في البيت ما تطلعين من المطبخ او من غرفتها.واذا ريلج يالس في الميلس سكري باب الميلس.لان خدامات ما تعرفين شو نواياهم.حتى الاكل انتي حطي لريلج وشيله لا تخلنها مول تيي جدام ريلج.

[ام ثلاثة بس]

يالله على الرد اللي يطيب الخاطر وصح لسانج يالغالية شبيه طبعي والله انج بردي قلبي بصراحة لني استحي ارمس خواتي عن هالشي ومشكوورة الرد في ميزان حسناتج ان شاء الله فعلا ريحتيني

[...(مريّة)...]

أختي لا تبينين لها إنج تغارين منها عشان
ما تفتحين فكرها على أمور من الأفضل إنها
تكون سرية ! بس في نفس الوقت كوني حذرة
منها قد ما تقدرين وخلي عينج عليها ،

[بهلولة]

الغالية............الشغالات هم لا بد منه...........لازم تاقلمين عمرج وياهن............ لان انتي تبين راحتج.......فلا تخربي على عمرج بافكار هدامه.........واذا كانت الشغاله وايد زينه.....حاولي اترديها مره ثانيه.........عشان لا تتعبين وتحوسين وتلوسين مع وحده يديده

[كتكوتة كيوت]

ليش معذبة نفسج,هاي خدامتج وفي بيتج يوم يكون ريلج في البيت لا تخلينها تطلع من غرفتها او اذا عندها شغل في المطبخ خليها في المطبخ وتسكر الباب وخبريها يوم بابا في البيت ما تطلعين من المطبخ او من غرفتها.واذا ريلج يالس في الميلس سكري باب الميلس.لان خدامات ما تعرفين شو نواياهم.حتى الاكل انتي حطي لريلج وشيله لا تخلنها مول تيي جدام ريلج.

انا جذي يوم ريلي في البيت الخدامات مايدخلن البيت مول إلا إذا طلبتهن يسون شغله بسرعه وانا واقفه على روسهن ^^

[missuae99]

كلام البنات صح ولا اتعبين نفسج بس حاول انها ما اتنظف يوم يكون موجود وراقبي شو تلبس يعني لبسيها شي مستور

[tootyzoony]

حيببتي والله كلام البنات كله صحيح واسمعي كلامهم و ان شاء الله يفيدونك وخللي بالك علي بيتك و بالخير ان شاء الله

[ام ثلاثة بس]

مشكوووووورات مشكووراات عالردود الطيبة كفيتن ووفيتن

[مسك الامارات]

(الخادمات شر لا بد منه )
شو انسوي ما نستغنى عنهن

[ريمــاني]

لا تخلينها تسوي اي شي حق ريلج انتي خدميه

[نااعمه]

اختي خلي ثقتج في نفسج وريلج اكبر من جي اشمعنى هاي تغارين منها غير عن الي قبلها ريلج يمدحها مثلا؟او لانها وايد زينه تحسين انها احسن عنج؟ اكيد فيه سبب ماشي حرمه تغار من بشكاره من غير داعي!!

[أحلى نوني]

اختي اول شي اتسوينه لاتخلينها تلبس جنزات

عشان ماتلفت النظر ، لبسيها يونيفورم

وبين فتره والثانيه نبشي باغراضها

نحن خدامتنا كانت سارقه صور اخواني الله يعلم على شو كانت ناويه

[عيو دبي ون]

الله يهديييييييييييييييييييييييج غناتي .. مب من حلاتهن الله يكرهن .. وشلي هاااااااا من باااااالج .. دامن الثقه موجوده من بينكم .. وبعدين قوليلها: يوم ريلج موجود مول ما تطلع من غرفتها .. او تكوي الثياب أو تنضف المطبخ .. الخ .. أكيد عندها شغل .. ومول ما ادش البيت ألا أذا زقرتيهااااااااااااااااااااااااا .. وخلاص .. سوي نضام حبوبه ..