بنات خالة ريلـي ..!

[ضوى القلبـ]

السلام عليكم

شحالكم الغاليات..

اول بعرفكم بنفسي اناا متزوجه من 6 شهور وحامل الحمدالله
موضوعي هوو
زوجي يقرب لي ولد عمي المهم هو عنده اخوو اكبر منه
يعني عمر زوجي 22
واخوه عمره 24

اخو زوجي كان يحبني من زمان على ايام الطفوله ..
وطبعاا انا ماكانت عندي هالسوالف حب وخرابيط
كنت عايشه طفولتي وبرائتي..

يوم كبرناا طبعاا صرنا مانشوف بعض الا في المناسبات مثلا اعيااد ،الزيارات ..

وانا حتى اشكالهم يوم كبروا مااعرفهاا ..

المهم باجازة الصيف سافروا معانا الاهل كلهم تقريبا وسرنا فرنسا
وكان من بينهم ريلي اللي هو عمره 22 اللي انا اول مرة اشوف شكله
تخيلوو اعيال عم ومانعرف بعض
هو من شافني اتخبل علي ..
ووعلى طول خبر امه انه يبي يتزوجني

والحمدالله صار النصيب وتزوجنااا وعايشين بااحلى سعاده وبااحلى حيااه..
والحين لو اقول لكم نمووت على بعض هذا شوي ..


واخوو زوجي توه عرس من 3 شهوور والحمدالله ارتحت لاني كنت حامله همه..

المشكله

ان بنات خالات ريلي يحبون ريلي ودووم يبون يسوون مشااكل بيني وبينه
ومرة سمعتهم يقولون ليش خذهاا هي صج حلوووة واحلى عناا بس مابنخليهم يتهنون ببعض.. تخيلوو

واللي صار ان امس كنا متجمعين في بيت اهل ريلي
وريلي سار حق ربعه
وقعدت انا مع خالاته وامه وخواته نسولف وكانو اخوانه بعد موجودين..
شوي الا يناديني اخووه اللي متزوج قريب
الايقول تعالي اختي بقيتج شوي

وقعدنا على جنب وهو يسولف عن حياته وعن مرته ان دووم ماتقعد في البيت وكله تطلع من غير ماتستأذن وان هو تعب منهاا.. انا حاولت اهديه واقوله اصبر انتو توكم بحياه جديده ومن هالكلام
اللي صار ان بنات خاله ريلي ارسلو حق زوجي مسج تعال شوف مرتك لاعبه لعبتهاا مع اخووك..

الاهووو جاي بيت اهله الا يقولي يلا بنسير بيتناا
قتله اوكي وعلى طول طلعناا وهو ساكت بالسياره ويسوق بسرعه
قتله بشوي شوي بروحه بطني يعورني من الحمال..

يوم وصلنا البيت الا قعد يسبني وان انتي ماتحترمين ريلج بغيابه
انا هني عرفت وحسيت
قتله ارسلو لك مسج قال ايي
وليتهم ماارسلوه
طحتي من عيني ويخربط حجي انا قعدت اصيح
قتله قبل لاتحكم علي تأكد من الموضوع اسمعه مني ع الاقل
لكن انا بخليك على راحتك..
وسرت رقدت..
وياليتني رقدت طلع الصبح وانا افكر ولاجاني نووم وبطني من الاوجاع ذابحني

والصبح جهزت له ملابسه وريوقه وكل شي وكتبت له مسج ان
ملجه اختي اليوم .. واحتمال انام في بيت هلي كم يوم..وسرت مع بشكارتي والسواق..

الا يوم قام وقرا المسج كتب لي انا محتاجج واايد وياليت لو تجين اليوم..

يعني احس حرام يشك فيني انا شو سويت حق كل هاي..
واللي قاهرني وصلت فيه يشك في اخووه..
حتى لو اخوه يحبني هاي حب طفوله وانتهي واخوه معرس وعنده حياته..
حق شو هاي كله ..!

الحين انا محتاره اسير اليوم ولا انام بيت هلي واحسسه بغلطه

قلت حق اختي الموضوع قالت نامي عندناا خله يحس بغلطه ..
عاد قلت بخبركم ونصحوني

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[bent umha]

ماانصحج اتمين ف بيت هلــج .. سيري وشوفي شو بيقووول يمكن هو حس ف غلطــه ويبى يعتذر ..

مع ان الريااايل لو المووت مايعتذروون بس عطيه فرصــه ..

والله يديــم المحــبه بينــكم يااارب

[أمووون]

انا مب معرسة... بس اقولج استهدي بالله... وباتي في بيتج

لا تخلين الشيطان والوساوس في راسه...

بنات ابليس هم السبب... سيري وقوليله لا تكررها مرة ثانية... وان شاءالله ما بيعيدها

[بنت القمر.]

انا مب معرسة الصراحة بس بقولج شي دام قالها لج انا محتاج لج ويا ليت تيين اليوم ها يعني هو ندمان ع الي سواه معاج فاقولج سيري ملجة اختج وردي ويلسي معاه وصارحيه وجي احسن من انج اتحطين بخاطرج وهو يحط بخاطره ويلسوا يلسة صراحة


والله يوفقج

[عرق زايد]

ما عليه حبيبتي طوفيها اليوم و سيري لريلج و الله نصيحة مني لا اتهدينه هو و حليله يحبج لو ما يحبج ما بيغار عليج وغيرته سوت به جي انتي لازم تعذرينه000و الله يسعدكم يا رب000

[سحابة]

أنا بقول شي عن خبرة مب طويلة بس يمكن تفيدج لو شو كانت المشاكل بينج وبين ريلج كبيرة او حتى صغيرة حطي في بالج انج ما تباتين برع بيتج لو شو صار واقولج ردي لبيتج ويلسي مع ريلج وقوليله من البداية عن كل شي صار من زقرج أخوه لين ما يا هو وخذج للبيت وقوليله انج تحبينه ومستحيل تفرطين فيه وقوليله عن الرمسةاللي سمعتيها من بنات خالاته وشوفي شو رده والله يوفقكم يا رب ويبعد عنكم الحساد والحقودين والسموحة ع الاطالة

[::+فديتك اناا+::]

ردي صوب ريلج احسن مهما كان الي صار عااادي

لا تخلينه حق بنات خالته

[عشقـ بدويـ]

حبيبتي ردي بيت ريلج


بس بغيت اخبرج ان الريااااال اكره ماعنده ان حرمته تبات براا بيتها حتى لو عند اهلهاا


ارجعي لريلج والله ان شاء الله ييسر اموركم

[missuae3003]

سيري عند ريلج .. لا يشوفج حنان عند غيرج ..... !

[ماماة الامارات]

انا ادري انه نيتج صافيه وانه نية اخو ريلج صافيه بس بعد حبيبتي انتبهي تراه ( الحمو الموت )
الحمو اللي هو اخو الريل
فانتبهي من هالشي .... صح انه هو طلب مساعدتج وانتي بغيتي تساعدينه بس حتى لو الشيطان شاطر .... وهالشي مش زين
انتي بتقولين انا مااعنيله شي وهو ما يعنيلي شي ..... بس انا اقولج حتى لو .... هو يقدر يقول مشكلته حق خواته او امه او خالاته بس مش انتي وحتى لو كانوا يبونج انتي تتدخلين ممكن يطلب من خواته يقولولج اتدخلي في المسأله

يعني خلي علاقتج مع اخوان ريلج في حدود السلام والتحيه فقط .... واذا سؤال مهم او شي جيه لكن يلسه وكلام لااااا

يمكن تستغربين من كلامي ويمكن بعض البنات في المنتدى بيستغربن من كلامي بس انا هذا رايي واريدج تنظرين للموضوع بشكل محايد وتقولين انا صح اللي سويته او غلط

عالعموم يوم بتتركين هالشي زوجج بيكون مرتاح وفرحان خاصة انه يحبج وايد واكيد يغار عليج

ارجعي لزوجج يا اختي وحاولي تسعدينه بكل ما تقدرين ...... تراه حق الزوج كبير جدا

[نظر عينه]

باتي فبيتج اختي
والله يسعدج ويديم المحبه بينكم

[شيوخ البدو]

اختي الغالية ،،

اذا ريلج يحبج وانتي تحبينه لاتخربين بيتج ولا تخلين بنات خالاته ينجحن في تدميرج ،،

خلج اوكيه وياه وردي وياه احسن من قبل

ولا تسوين شيء يغضبه ،، بالعكس انصحج تردين وياه عادي تضحكين

وبعدين خليه يشوف كشختج للملجة

وتنجنبي اخو ريلج يكون افضل ،،

[Al_Kindy]

ردي بيتج وصدقيني بتكبرين في عينه والله يهنيج في ريلج ويبعد عنج الحسااااااد...........ز

[فتاة البحر]

الغالية شووفي كل ردوود البنات تقول لج تردين بيت أهلج

وانا اقولج


ردي بيتج الغالية ..لا تخلي له فرصة ولو ثانية يحتاج لحد غيرج ..لانه عيال خالته بيكونون جدامه
وبراسه وانهن مهتمات به ..فارجعي بيت ريلج واتفاهمي وياه ولا تغلطين بقعدتج بالبيت ..لاحقة على قعدة اهلج
وريلج هو مردج فلا تخلين مشكلة شرات هااي تخرب بينكم ..والله يوفقج الغاليه

[شموخيه]

حبيتي انا هب امعرسه يلا روحي بيت ريلج وهونيهاا واتهوون

محد بيفيدج غير ريلج والله يبعد عنكم المشااكل ان شالله