شفت ريال ويى حريمته وانهرت ساعدوني ابى اتخطي هالمرحله واشوف المواظيع ويحترق قلبي

[صبوجه]

السلام عليكم


شحالكم ..؟؟
انا حبيت اصاارحكم بشي ...انا يوم اشووف وحده سعيده ومستااانسه اتحيقص بمكااااااني .. ومثل ما يقوولوون حسد .. او اشوف واحد وياا حرمته اموووووت قهر و اتييني غصه واقول ماشاء الله بس احس عيوني بتصيب .. و اقوول ليت عندي ريل ..استانس ويااه شرات ماهم مستانسين.. بس هاذا لا ارادي .. و يوم اشوف مو اضيع البنات يوم يحطون الهدايا الي يعطوون لهم ريايلهم احس بالنقص اللي فيني .. و احس بنقص يزيد وياي ... والله امووووت قهـــر ... ..اصرااحه انا عمري 35 و من عشر سنين تقريباً كنت متقبله الوضع و لاكن كلما كبر عمري كبر ويايه الحسد بناات لا تسبون ولا تذمون انا كتبت لكم
و لكم النصيحه لا تقولون من حسدج طار رزقج ..لا حبايب انا من زمان مافيني هالصفه بس تعرفون البنت يووم تتخطى الثلاثين تحس انها غير عن الكل رغم اني صابره على اشياء قلت الله بيعوضني خير و ان شاالله الله بيعوضني

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[آهات القلب]

الله يعينج اختي
ويرزقج بالزوج الصالح

[أم ذيآب]

الله يعينج حبيبتي ويرزقج بالزوج الصالح يارب ..

قولي الحمدلله وادعي ربج يفرجها عليج

بس يوم اتشوفين الناس افرحي لهم واتمني لهم السعاده ،، عسب ربي يعطيج المثل

[se7r_alshrg]

الله يهديج حبيبتي لا تتمني لغيرج غير كل خير انتي دووم ادعي الله والله ما ينسى عبيده كل شي بارادة الله وما تدرين الله شو مخبي لج
الله يرزقج بالزوج الصالح ويسعدج انشاء الله
اذكري الله ولا تحقدي لانه ها الشي بياثر فيج اكثر من غيرج صدقيني لو تميتي جي بيبين عليج ها الشي من غير ما تقصدين
وبتنفري الناس عنج
الله يعطيج كل الا في خاطرج حبيبتي

[نفسجة]

اقري الم نشرح لك صدرك 360 مرة ليله الجمعة

وان شالله بتطيري لبيت الزوجية

واقري 40 مرة سورة ياسين على نية الزواج

وادعيلي

[مهره العام]

ربيه ان شاء الله يرزقج ويعطيج الي تبينه واحسن ريل واحسن معامله يا الله يا كريم

[pink 7]

الله يعينج حبيبتي ويصبر قلبج معليش الصبر زين ...

عليج بكثرة الصلاة والدعااااء وعليج بكثرة الاستغفااار ... وعليج بصلاة قيااام الليل ... والصدقه بنية الزواج والستر

صدقيني اهم شي الصلاة والدعااء ... والله سبحانه وتعالى له حكمه في كل شي ... يعني دائمااا قولي الحمدالله الغاااليه

وعن الاخت اللي اذكرت لازم تقرئين سورة يس او سورة الم نشرح لك صدرك او بطيرين لبيت الزوجيه هذااا غير

صحيح ... او اذاا كاان صحيح اين الدليل من القرأن او السنه النبويه ... والله اعلم ... توكلي على الله ... والله يوفقج .

[Bint_uae]

ان الله لا يبتلي المسلم
ليعذب انما يبتليه ليهذب
عاندي قلبج وافرحي لهم
ربج ماينسى عبده لو نسيناه

[فطامي و خلادي]

ماتنلامين....


ربيه ان شاء الله يرزقج ويعطيج الي تبينه واحسن ريل واحسن معامله يا الله يا كريم

[shwooog]

لا حوله ولا قوة الا بالله.........

[خليدة]

ربيه ان شاء الله يرزقج ويعطيج الي تبينه واحسن ريل واحسن معامله يا الله يا كريم

[ظبيانيه عيناويه]

الله يهديييج حبيبتي

بس تمني السعاااده للغير عسب أتيييج السعااده


و أنشاللله أيييييييييييييييييج الزوج الصالح ,,

[هوتميل]

الله يرزقج بالزوج الصالح فديتج

[#أم راشد#]

الله يفرج همج ويرزقج بالزوج الصالح
أنا عندي بنت أختي بنفس عمرج تدعي ربها صح أن الله يرزقها ولد الحلال إلي يستر عليها
بس شاغله نفسها تحضر محاظرات ودورات في التعامل مع الناس
ووحده بعد نصحتها أسوي أشغال يدويه
ونشاطات حق أخوانها
ومن هالامورإلي تحسس الشخص أن عنده هدف في حياته
بس صدقيني مب كل وحده مزوجه فرحانه وسعيده في حياتها
أدخلي بس العلاقات العائلية وقري وشوفي
وصدقيني إلي تمرين فيه شي عادي فلا أضايقين في نفسج
وكثري من الدعاء والاستغفار والله يفرج همج يارب

[أم ريم77]

الله يعطيش الزوج الصالح ولا تستعجلي على رزقش