بنات بوظبي بيغيت مساعدتكم

[Am Ham00d]

بنات لو سمحتوا إلي تعرف مركز تغذية موثوق فيه وبرنامجه الغذائي صج ينزل الوزن وأسعاره مناسبة الرجاء تخبرني عنه ضروري

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مس ماريوو]

سيري نيوترشن ياخذون عنج 800 أو 900درهم حق الدوه والاغراض ويتم عندج شهر ونص والمراجعة اسبوعية بلاش وكل مايخلص الدوه تشترين بس اقل 500 درهم اعتقد على حسب شو خلص عنج وتنزلين 8-12 كيلوو فالشهر يعني تتنزلين فالاسبوع اقل شي 2 كيلوو اذا ماخربتي ^_^
واذا ماتبين ادوية سيري حق وحده اسمها دكتورة لينا تسولج نظام بدون ادوية الكل يمدحها واذا تبين هي بعد تسولج الاكل وطرشه حقج البيت بس تاخذ اكثر 2000 او 2500 ماعرف بالضبط
وعندج وحده اسمها دانة بعد تاخذ عنج 200 درهم فالاسبوع بس بدون ادوية
وعندج مركز مكة الطبي التخصصي ياخذون عنج 200 درهم فالاسبوع مع الادوية هذيلة بعد ينزلون الوزن بسرعه بس اذا خربتي يزيد وزنج اذا كنتي تبين اتهدين رجيم عنده خليه يثبت وزنج عشان مايزيد بس الصراحة بسرعه تنزلين ويترتب جسمج ماشي ترهلات وبسرعه اتروح الكرش .
وعندج VLCC يسولج مساج حق جسمج يعني على حسب المنطقة اللي تبينها يعني الكرشة والارداف والايد ياخذ 1500 درهم


انا برايي هذيله احسن اماكن ومجربينهم يعني اذا تبين نزول سريع بس بادوية روحي مكه او نيوترشن لانه اللي في مكه كان يشتغل في نيوترشن اما بدون ادوية عندج لينا او دانه
اتصلي على البداله وخذي ارقامهم وبالتوفيق

[! المزيونه !]

هلا الغاليه

انا عن نفسي خذت موعد عند سليم اند لايت لمدة شهر وقالت انه الوزن ينزل 5 كيلو في الشهر ,, لكن اذا مارستي الرياضه يمكن ينزل وزنج اكثر ,, والاشتراك عندهم بــ1900 لمدة شهر + زياره كل اسبوعين مره ^^

بنجرب وبنشوف ^_^ وإن شاء الله خير

[أم شماسي 1]

لا رجيمات ولا خرابيط عليكم المشي يوميا ساعةأي وقت الاكل الصبح سليس اسمر وجبنه قليلة الدسم والظهر الغدا أي شي شوية معكرونة مافي مشكلة أو شوية عيش برياني أوشوية مكبوس أو صالونه وعيش ابيض أو مشاوي والعشاء شوربة وسلطة واذا في خاطرج منقوشة زعتر مش مشكلة بس كثري من الماي والشاي الاخضر اشربيه 5مرات في اليوم بين الوجبات بس بعد الساعة 7 المسا لاتشربينه لانه يسهر وأكرر أمشوا ياناس ولاتحرمون نفسكم من الاكل لان اي انسان سوا رجيم أي نوع من الرجيم اصابه مرض في المعدة أمشوأمشو أمشو

[هنادي2008]

لا رجيمات ولا خرابيط عليكم المشي يوميا ساعةأي وقت الاكل الصبح سليس اسمر وجبنه قليلة الدسم والظهر الغدا أي شي شوية معكرونة مافي مشكلة أو شوية عيش برياني أوشوية مكبوس أو صالونه وعيش ابيض أو مشاوي والعشاء شوربة وسلطة واذا في خاطرج منقوشة زعتر مش مشكلة بس كثري من الماي والشاي الاخضر اشربيه 5مرات في اليوم بين الوجبات بس بعد الساعة 7 المسا لاتشربينه لانه يسهر وأكرر أمشوا ياناس ولاتحرمون نفسكم من الاكل لان اي انسان سوا رجيم أي نوع من الرجيم اصابه مرض في المعدة أمشوأمشو أمشو

كلامها صحيح 100% كل الادويه والله مضره بالصحه..... رتبي طريقتج في الاكل والعبي رياضه او امشي... وشوفي النتيجه بس بالاستمرار

[mmks75]

الله ايوفقلج حبوبه

[Am Ham00d]

مشكورين الغاليات وعلى فكرة أنا مب ذاك المتن بس مشكلتي الكرشة بعد ولادتي الاخيرة كبيرة وما راضية تروح الدكتورة قالت عندي انتفاخات لان الدورة مب منتظمة عندي وعن المشي كل يوم امشي و في الجامعة أطلع الدري في اليوم أكثر من ثلاث مرات واكلي منتظم بس ما عندي وقت أسوي الاكل والاكل في الجامعة الله يزيد النعمة مب حلو وكله دهون بغيت حد يوصلي اكل صحي لين الجامعة لأني اداوم من11 لين 4 و ارد مهدود حيلي وما لي نفس أطبخ
على العموم مشكورين على النصيحة

[وردة الجاردينيا]

انا بعد خاطري اشترك و يوصلون لي الاكل لين البيت

بنات نصيحه اذا تسوون رجيم سووه بدون ادويه

[some1]

افضل دكتور هو " دكتور محمد الشمري"
فتح مركز بروحه في ابوظبي
اسمه " هيلث كويست"
في منطقة معسكر آل نهيان
خلف شارع الدفاع
والمركز جديد يعني اخذ فيلا مقابل " صندوق الزواج "
بصراحة
فنان
ويخاف الله وينزل نزول رائع
مع الارادة وقليل من الرياضة
والأدوية الطبيعية اللي ماتضر
بعد اذن رب العالمين
نصيحتي
روحي له وادعي لي ربنا يحقق اللي في بالي

[*دخون الامارات*]

هلا الغاليه

انا عن نفسي خذت موعد عند سليم اند لايت لمدة شهر وقالت انه الوزن ينزل 5 كيلو في الشهر ,, لكن اذا مارستي الرياضه يمكن ينزل وزنج اكثر ,, والاشتراك عندهم بــ1900 لمدة شهر + زياره كل اسبوعين مره ^^

بنجرب وبنشوف ^_^ وإن شاء الله خير

وانا من رايها وعن تجربه هالمركز انا مشاركه فيه وامس كان موعد الوزن والحمد لله نزلت 2 كيلو في سبوعين ومرتاحه وايد من اكلهم والسموحه

[شما المحيربي]

بالتوفيق غناتي ... والله يرزقج من حلاله ان شاء الله ..

[هدوء القلب]

ابصراحه انا سرت عنده ماشاء الله عليه اسلوبه جدا راقي الحينه انا في الاسبوع الثاني على فكره يعطيج عزيمه واراده