منو معاي واللي وزنها زايد وتبا تنقص لكن تبا احد يحمسها تدخل

**نورة23** · 2008-03-17, 17:00

هلا الغاليات انا وحدة الصراحة واااااااايد متينة لكن الطول ساتر علي بس بعد يبين مهما كان انا بس ابا حماس يعني نحن يمعة بنات اوكي نسوي رجيم ونحمس بعض و كل وحدة كل اخر الاسبوع ادش و تكتب كم خسرت طبعا مع الرياضة و نظام غذائي و بعدها توزن نفسها وتكتب كم خسرت انا الصراحة مرة دشيت منتدى اسبوع فواكه واسبوع خضروات واسبوع خضروات مع فواكه وبس يوم الجمعة تكالون شي خاطركم فيه اي شي يعني يوم الجمعة راحة و على فكرة هالرجيم للي وزنهم واااايد مثلي انا ترا جربت هالطريقة مع ربيعتي فالدوام والله اني خسرت 3 كيلو فالاسبوع لكن بعدين مادري شو صار لكن الحين ابا احد منكم ياخواتي تحطون ايدكم في ايدي و نقول لا للبدانة و هلا للرشاقة شو رايكم بس الصراحة لازم طبعا كل وحدة اول شي تكتب كم طولها ووزنها و اسمها او لقبها راح نبتدي من الاسبوع الياي شو رايكم ترا على فكرة في عندنا فالدوام هنديات موظفات مشوا على هالطريقة و شفت النتيجة عليهم فحراااام نحن المواطنات لا لازم نتحمس اللي راح تنزل اكثر راح يكون لقبها اميــــــــــرة الرشاقة والهدية طبعا صحتها و رشاقتها هي هديتها طبعا لان شو اغلى من الصحة و العافية ولا شورايكم بتريا ردودكم عسب نبتدي من الاسبوع الياي تاريخ 22-3-2008 السبت باذن الله تعالى وربي يعطيكم الحة والعافية يارب

أنـا نورة23 طــولــي (167) ووزنـــــي (107) ابا ارد وزني 60 كيلو ادعولي الله يخليكم ابا اتحمس وارجع نحيفة و حلوة اكثر مثل قبل في عين ريلي
وانتوا معاي اترياكم يالغالياااااااااااااااااات شكرا اسفة طولت وايد ترا انا بعد راح اكتب كل اخر الاسبوع يوم ببتدي الرجيم كم نزلت يلا اترياكم

المزيد من آخر المواضيع من نفس القسم:

**نورة23** · 2008-03-17, 17:06

لا تنسون تاريخ 22-3-2008 يوم السبت راح نبتدي الرجيم وعلى فكرة اذا تتحرون الرجيم هذا فيه اضرار لا طبعا لان راح يشمل الخضروات كل انواعها و الفواااااااااااااكه و انواعه بعد وعصاير فرش بعد

**أم مها11ري** · 2008-03-17, 17:29

يعطييج العاافيه اختي

بس لااازم الواحد يسووي رياااضة

**دلال الشوق** · 2008-03-17, 17:34

يا الله و نجمس بعضنا البعض الناس للناس و الكل بالله

**روح الزهر** · 2008-03-17, 18:38

انا راح انضم معاج ولازم نشجع بعض علشان نحقق هدفنا

**نورة23** · 2008-03-18, 00:06

حلو و مشكورات على الرد اكيد يا ام مهاااري لازم رياضة شوي المشي و تمارين لشد البطن
وكل المناطق اللي تكون فيها احراج طبعا فهمتوها اكيد في رياضة بس لازم يكون في حماس
وثقة فالنفس و عزيمة بليز خواتي و الله خاطري اتحمس و ابا احد معاي و نتشجع ونصارع المتن
بليز اترا ردودكم بعد و اتمنى الخوات االباقيات بعد ينضمون معانا

**نورة23** · 2008-03-18, 00:10

لا تنسوووووووووووون تاريخ 22-3-2008 يوم السبت باذن الله تعالى راح نستعد للرجيم
ولاتنسون لازم اول شي كل وحدة تكتب كم طولها ووزنها عسب نعرف بعدبن كل وحدة كم خسرت

**شجون@** · 2008-03-18, 00:11

يلاااااااااااا انا وياااكم بعد

توني مربيه وجسمي مترهل

ويبالي رياااضه

انا خذت الكريم مال الدكتور نيوتريشن

اللي هو فيرم اند تايتلي

واستخدمته مره مع رياضه وحسيييت بفررررررق

وانشا الله بنظم وياكم وبس

**al_kaapi** · 2008-03-18, 00:33

أنا وياكم .............. ويا رب تنزل أوزانا.........
الوزن: 109
الطول 160

**Roma eyes** · 2008-03-18, 02:19

بشترك وياكم عسب اشجعكم >> انا روحي متشجعه الحمدالله

بس انا اسوي رجيم ..

ولكن باجر ببدأ رجيم يديد .... وبقولكم بعد 7 ايام أو 10 أيام كم نزلت ^ــــــــــ^ .. إن شاء الله

سوري ما بكتب طولي لان ماعرف لوووووووووووووووووول بس هو أقل من 165

الــوزن : 74

**شيما333** · 2008-03-18, 02:25

الله ايصبرنا

**روح الزهر** · 2008-03-18, 11:19

اذا ممكن انضم معاكم

انا طولي 160
وزني 97
وهدفي 60

وان شاء الله نقدر نحقق حلمنا بالتخلص من الوزن الزائد

**&:) ام حمد :)&** · 2008-03-18, 11:40

هلا خووااااتي يله نشجع بعض وان شاء الله بحول الله وقوته نقدرن ننزل وزنا ....

ام حمد
الطوول 165
الوزن 104

وكل اسبوووع بقااايس وزني بكتبه اتفقنا
يوووم بمشي ساعه ويوم بلعب اوربيكس ساعه

يالله شددو الهمه

**نورة23** · 2008-03-18, 12:13

ربي يعطينا الصحة والعافية و يصبرنا لين مانحصل عالنتايج الحلوة
تصدقون انا مرااات اقول كيف راح يصير شكلنا يوم راح نخسر اكثر من 10 كيلو يلا
اهم شي الصحة والله دوم اقرا عن امراض السمنة و اخاف عسب جذي لانتاخر والله لازم نلحق
على اعمارنا الحمد الله على كل حال شــــــــــــــــــــدو الهمة ياحلويـــــــــــــــــــــــــــــن

**نورة23** · 2008-03-18, 12:15

نترياااااااااااااااااااااااااااااااا اكثر منو تبااااااااا الصحة

الموضوع: منو معاي واللي وزنها زايد وتبا تنقص لكن تبا احد يحمسها تدخل

أدوات الموضوع

عرض

منو معاي واللي وزنها زايد وتبا تنقص لكن تبا احد يحمسها تدخل

المزيد من آخر المواضيع من نفس القسم:

المواضيع المتشابهه

اللي نزل وزنها واللي تبا تضعف .. تعالي

ج 4: اللي خاطرها تضعف وماعندها ارادة ومحد يحمسها تدخل موضوعي وان شاء الله بتضعف

انا رح اكتبلكم فؤاد العسل والقرفة واللي حابة ينزل وزنها تدخل وما رح تندم انشا الله

ج2: موضوع اللي خاطرها تضعف وماعندهاارادة ومحد يحمسها تدخل موضوعي وان شاء الله بتضعفين

مهم للي تبي تنقص وزنها بدون وصفات او رجيم...