كرهت كل الرياييل من سبته

[ام الغلا]

احب اقوللكم قصتي وانا صارلي شهر ونص كارهه الدنيا من حولي انا الله يسلمكن في يوم العيد من تقريبا ست اسنين كنا سايرين ويا الاهل انزور عمتي اللي في راس الخيمه وطبعا عايدناهم وخلصنا ويا وقت الرقاد فسرت اتغسلت وتلحفت ابا ارقد الا امي زاقرتني اتقول والله ربيع ريل عمتي في الدوام ياي يبا يخطبج رفضت في البدايه وعقب قدرو يقنعوني لين ما وافقت واستوت الخطوبه رسميه على اساس انه ما يبا اهله يدرون ليش والله يبونه ياخذ بنت عمه وهو ما يباها وتم ايقول لابوي انا ريال وما يهموني اهلي ايون والا لا اقتنع ابوي بكلامه وقال لابوي ابا ارمسها في التلفون على اساس نتعرف اكثر على بعض رمسته بعد الحاح من ابوي وتمينا انرمس بعض فترات لين ما تعلقت فيهوقبل الملجه بيوم واحد واذكر اني كنت راده من الصالون قالي اباج في رمسه وكانت بالنسبالي صدمه قال انا معرس ماخذ بنت عمي ومطلقنها كلت الحين ياي اتقول وتميت اصيح وهو يترجاني والله ما اباها خلاص اللي بيني وبينه انتها وما اعرف ليش صدقته يمكن علشان عنده اسلوب المهم ملجنا ورفض فكرة العرس قالي ما اتحمل اسوي عرس اهلج يحضرون واهلي لا وتم يزن ويزن المهم اخر شي وافقت وسرت بيتي اللي استاجره لي وكان ايي في النهار ويروح بالليل والله امي بتتخبر عني المهم مرت ايام وياني ايصيح والله حرمتي طلعت حامل وامي ردتها البيت بس هي عند امي وانا ما ارمسها ونسيت اقول بعد قالي انه سبب طلاقهم انه اكتشف انه ما اييب عيال زعلت وراحت بيت اهلها عيل كيف حملت وتم يقص علي بها الكلام وبعد اسبوع طقريبا على ما اذكر ياني متضايق والله امي قالت اذا مارمست حرمتك لنت ولدي ولا اعرفك وحلفت عليه يردلها واونه ما طاع وياني عقب ايقولي والله سقطت والحين مرقده وشكلها يعور القلب فرحت خذتلها باقه واتصلت فيه وعطيته الباقه وقلتله روح حرام مهما كان هي حرمتك الاولى وراح وعقبا بشهر سقطت انا ويلس ايصيح ويتصدق عنه فاستغربت قلت ليش ما سوا جي قبل يوم سقطت حرمته قبلي واللي كان يقهر انه يرمسها حذالي وما انسا اليوم اللي يلس ايرمسها ونحن نمارس حقنا الزوجي زعلت وقلتله انته ما اتراعي شعوري وكنت بانفصل عنه بس كنت حامل وحلف ما يكررها وفي يوم يتني عمتي اللي ريلها ربيع ريلي قالت انه اليوم ملجت ريلي على بنت عمه انهلرت وواجهته وقالي كذب وتم يحلف وخلاني اقاطع عمتي واعلي صوتي عليها اول مره في حياتي المهم الله رزقني ببنت الله يحفضها لي وتخبل عليها ولما كملت سنه حسيت انه ريلي مب هو الاولي تغير وصار كله يتكلم في التلفون فقلت بقهر فيه وبخبر امه وحرمته انه معرس من حق بنتي انها تعرف اهلها في هالعمروطبعا امه هي اللي زعلت اما حرمته عادي تعرفون ليش بعدين في نهاية قصتي بتفهمون ليش ما قالت شي المهم امه لين اليوم رافضه ترمسه بس تسال عنه عن طريق بناتها وفي البدايه كانت عادي من حملت المره الثانيه زعلت وطبعا كانت حاطه في بالها انها اتطلقني من ولدها وتاخذ البنت الها وتصدقون انها محلفه ولدها عالقران انه البنت بنته بالحلال والا الحرام وطبعا حلف انها بالحلال وانقهرت اكثر يوم رفض انه ايطلقني مع انه كل الناس حاولو فيها واذكر مره كان ريلي ماخذ بنتي مودنها عندها وعادي تمت اتلاعبها لين ما دشن عليها الحريم تمت تفرها وتقول شلوها من عندي ما ابا اشوفها حرام طفله شو ذنبها والمره الثانيه يوم سارولها في العيد نفس الشي عزلوهن عن اخوهن ودخلو حجرهن وسكرو الباب بس الله يسامحها هي وبناتها وانشالله اتشوفه في بناتها يوم ايعرسن المهم انتقل ريلي لدوامه في بوظبي وهناك الاجارات وايد غاليه وخواله من يده طالعلهم بيت في بوظبي ماحد فيه الا خاله وحرمته توهم معرسين ونحن خذنا الميلس وغرفة الطعام وسكنا وزعلت امه من خاله ليش سكنا عندهم وتعرفت على حرمت خاله وقالتلي انج انت الزوجه الاولى مب هي هو توه معرس ويوم حست اني انهرت قالت وانا ما ادري انا توني داشه في العايله وسرت عند ريلي خلاص مب طايقه اتكلم ولما حاول وياي خبرته قال جذب وسار رمس خاله قال انا مابا الحريم يدخلن في الشؤون الداخليه لكل وحده رمس حرمتك وحلفلي براس امه انه الكلام جذب وانها هي الاولى ومرت السنين وعرفت انه مسفرنها البحرين بالصدفه ولما واجهته ارتبك وقال كيفي تبين اسفرج يالله قلت المساله مب جي المساله انك كذبت علي وكل يوم تقولي لازم اعدل وين العدل المهم استوت ضرابه عوده ويلست زعلانه وتميت اقوله اطلع من البيت ما ابا اشوفك فخذ بنتي وقال انا بسير عند امي خلها تربيها وهني ماحسيت بعمري الا اني هاجمه عليه والقصد اني اخذ بنتي من ايده ورفع ايده وتم يضربني ويدفرني وانا من الصدمه مب قادره اتحمل وعقبها طبعا انتقمت بطريقتي وقطعت كل اوراقه اللي تخصه كان حطنهم عندي بحكم انه شغله في بوظبي تم يعتذر بس للاسف طلع من قلبي بمجرد انه رفع ايده علي وعشت حياتي معاه بس في داخلي اكرهه كل ما اذكر انه مد ايده علي وضربني والحين كملت ست اسنين وياه تعرفون شو اللي اكتشفته اكتشفت انه انا الاولى وانه خذاها عقبي بسنه وانه يوم خذني كان بس رامسين وحاجزينها حقه وتعرفون شو سوالها سوالها عرس كبير واشترالها بيت واثثه وانا حفله صغيره استخسلرها علي والله كارهتنه وما اباه وطالبه الطلاق بس مب طايع وانا ما اتحمل لمسه منه ولا نظره كرهته ومحيته من حياتي تعرفون حتي في الجنسيه تلاعب والله حاطنها الزوجه الاولى بعد انا ما ابا شو اسوي شورو علي ما اباااااااااااااااااااااااااه
واسمحنلي على الاطاله

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مريوم ش]

الله يعينج اختي يا اختي الرجال شـر لابد منه الله يصبرج ويعوضج بالي أحسن منه آميــــــــن يارب

[bnt_uae_0]

والله ما عرف شو اقووولج غير الله يعينج

[أبنةأمنة]

اسمحيلي الغاليه .............

بس زواجك فيه اخطاء كثيرة من البداية انبني علي اساس واهي وخطأ .........

بغيت استفسر انت مش مواطنه ..........

ولاتزعلين هني احنا كلنا اخوات ...........


ولازم ننصح بعض مش نطبطب علي بعض ونجامل بدون ما نواجه الاخطاء ونصلحها .........


الله يسهل عليج اختي .

[انفينيتي]

الله يعينج

يا اختي مب أي ريال الوحدة تتنازل عشان خاطره
وانتي بحسن نية تميتي تتنازلين لين ما سوى
اللي سواه فيج

الوحدة تحتاي سنيييييييييييييييين عشان تقرر اذا
ريلها يستاهل تضحي عشانه ولا لاااا

بصراحه ماااااااااااااااااألومج على مشاعرج الحين
وصدق شي يقهر يوم حرمج انتي وعطى الثانيه

بس نصيحتي يا اختي

يمكن في البداية يوم ضحيتي عشانه ما فكرتي وايد

بس الحين فكري واااااااااااااااااااااااايد قبل ما
تطلقين وتمي استخيري لين ما تستقرين على
راي

الله يوفقج ويفرج همج......آآآآآآآآمييييين

[رافينا]

والله هذا ضريبه الي تتزوج واحد واهله ما يدرون

كنتي لازم من الاول تخلين اهله يخطبوج بس الي صار صار

وصراحه شيء يقهر وانا ما الومج بس الطلاق مب حل

الله يفرج همج

[OM MUBARK]

والله قلبي عورني عليج
ماعرف شو اقووولج
الله يكون ف عوونج بس !!

[sahooora]

المشكله ان تم يجذب ويجذب ويجذب وحبل الجذب قصير وانتي في كل جذبه زخيتيه

مااقول غير الله يهدييييه


والله يعينج ويصبرج يارب

[ام الغلا]

مشكورات الغاليات على ردودكن انا مواطنه بس ليش هالسؤال لا تقولين ليش التنازلات بس كل اللي صار نتيجة تدخل ناسكبار قدرو ياثرون على ابوي بس ابوي كان دايمن ايقولي ترى ريلج كذاب تعرفه من شكله واسمحنلي والله تعبانه نفسيا وكلهم يقولولي لا تطلقين بس انا ما اتحمل اشوفه واذا استمريت معاه هذا يعني انه له حقوق زوجيه وانا ما اقدر عليها لاني عفته من كل قلبي تعرفون هو شو رايه رايه انه يزور عياله كل ما يحب وانه يكون له ملحق في البيت اللي بيبنيه واتم انا معلقه طول عمري يعني ما يرضا يطلقني علشان خايف اني اخذ غيره بس انا صار هدفيه اني اربي بناتي واعطيهم كل اللي بقالي من عمري

[نور حياتي]

بصراحه ما ادري شو اقول


الله يفرج همج ...........

[رحالةالعين]

الله يعيييييييينج تحملتي كل هذا ومب قادره تتحملين الحين

عالاقل عشان عيالج حرام يضيعون بينج وبينه

[صغيرة]

ياربي .........يامحقرهم الريايييل وخاصة هذا ريلج ..مادري شو اقولج اختي

[ام الغلا]

بناتي بيتمون عندي وهو بيزورهم متى ما يبا ونفس الحاله تراه مب عندهم كل يوم يومين هناك ويومين اهني وبنتي الكبيره صارت تفهم وما ترضى انه ايروح عندهم اتم اتقول ليش فلان ما يروح عن عياله والله مرات اتقول انا بسير عند خالتي وبستوي بنتهم علشان ريلها ما يروح عنهم بس عنده بيت واحد

[sophia11]

بناتي بيتمون عندي وهو بيزورهم متى ما يبا ونفس الحاله تراه مب عندهم كل يوم يومين هناك ويومين اهني وبنتي الكبيره صارت تفهم وما ترضى انه ايروح عندهم اتم اتقول ليش فلان ما يروح عن عياله والله مرات اتقول انا بسير عند خالتي وبستوي بنتهم علشان ريلها ما يروح عنهم بس عنده بيت واحد

مساء الخير،،

الله يعيينج إختي على مصابج.. ومثل ماقلن الأخوات قبلي..

محد يستاهل التضحيه.. خص الرياييل.. ولو حصل الحرمه بلاش ببيعها في نفس اليوم.. وياريت تكون قصتج عبره لللأنسات..

إختي خبري أبوج وأخوانج يدخلون في الموضوع.. إما الصلح.. والمساواة أو الطلاق.. لا تسكتين عن حقج.. حتى لو ترفعين عيه قضية..

لأنه ريلج.. يبيله حد يوقفه عند حده ويكسر له راسه.. عشان يعطيج حقوقج.. لا تنازلين ولا عن درهم من حقوقج.. حتى لو كنتي عايفتنه بس بعد عشان تأدبينه.. وتخلينه يفكر قبل لا يتخذ خطوة في أكل حق من حقوقج في المستقبل..

بالتوفيق..

[بنتuae]

الله يعينج الغالية