مستشفى الرحبة

**عوشة** · 2008-02-20, 15:56

خواتي بلييييييز منوا تعرف كيف افتح ملف في مستشفى الرحبة؟؟

سمعت ان لازم تحويله من عيادة الشهامة... بس انا ان شاء الله بدش الثامن واريد اعرف اذا لازم تحويله؟؟؟؟

بلييييييز اللي تعرف ترد علي بسررررررعه

المزيد من آخر المواضيع من نفس القسم:

**ام راشد وشمه** · 2008-02-20, 21:55

لا اختى ماب لازم تحويل روحي المستشفى الرحبه وفتحي ملف حمل مابقولولج شي
انا اكون في بدية حملي ارجع في عيادة خاصه الين ادش الثامن اروح افتحلي ملف المستشفى الرحبه

**مزيوونه** · 2008-02-20, 22:00

لا مب عادي ... !

امي في الرابع وسارت امس تفتح ملف في الرحبه ما طاعو قالولها سيري تعالجي في اي عياده مب شرط الشهامه ..

وعقب اطلبي تحويله ..

لله يسهل عليج حبوبه واتيبين نونو حلو شراتي .. ^ ^"

**%الحلا%** · 2008-02-20, 22:07

إذا اول مرة تربين هناك لازم تحويله وعقب تروحيلهم وبيفتحولج ملف وبيعطونج موعد..

لاتتأخرين روحي من باجر وخذي تحويله وروحيلهم عشان يسووولج موعد قريب

**شوااااااقي** · 2008-02-20, 23:33

روحي الطورائ اول شي وعقب هم بيسوون لج موعد انا رحت لهم في الشهر الثالث من الطوارئ وعقب دقولي عشان الموعد

**ام ندى ...** · 2008-02-20, 23:37

هي لازم تحويله من عياده الشهامه .....

**سر حبي** · 2008-02-20, 23:41

هيه الغاليه لازم تحويله من عياده الشهامه

او من اي عياده

والله يسهل عليج ولادتج ياااااااارب

ويرزقج بالذرية الصالحه يارب

**بنت الاصال** · 2008-02-20, 23:57

لازم تحويل ربيعتي تخبرني وهي من الشليلة..

**كلي إحساس** · 2008-02-21, 09:52

هلا أختي ..

أصلا ما بيطيعون يفتحون لج ملف إلا لما توصلين الشهر التاسع لأني أنا سرت يوم الأثنين عيادة الشهامة أطلب تحويلة حق مستشفى الرحبة و قالوا لي لازم أراجع في عيادة الشهامة لين ما أوصل التاسع وهم بروحهم بيحولوني عالرحبة ..

يعني مثل ما قالوا لج اللي قبلي راجعي في اي عيادة ولما توصلين الشهر التاسع سيري اطلبي تحويلة من عيادة الشهامة حق مستشفى الرحبة ..

الله يسهل عليج ولادتج إن شاء الله ..

**عوشة** · 2008-02-21, 20:29

يزاكم الله خير خواتي

ان شاء الله بسير العيادة وباخذ تحوله

**mona-2007** · 2008-02-21, 23:50

لازم تحويل..واذا ما رجعتيهم خلال 6 اشهر ..لازم تحويل ثاني.....سواا كذا فيني

الموضوع: مستشفى الرحبة

أدوات الموضوع

عرض