كيف تنسى من يحبك كيف تذكر من نساك ؟؟؟

**أم_حمده** · 2008-02-20, 04:54

السلام عليكم ورحمة الله وبركاته ..

اشحالكن بنات..؟؟

مسجات عجبتني وحبيت انقلها لكم ..

كيف تنسى من يحبك كيف تذكر مـن نسـاك
كيف تبعد عن خفوق ما يمـوت إلا عليـك
كيف ترضى في عذابي كيف تنكر من هـواك
وأنت تدري عن خفوقي تدري إنه ما نسيتـك
المصيبه ما يهمك من نسـاك ومـن شـراك
رحت للي مـا يبيـك وبعتنـي وأنـا أبيـك

-------------

قريتـك وإستفد قلبي مِـن المضمون بـكتابك
تَعَلَّم قلبي مِنْ إيدك علـى كِـل ما مضى يندم

زرعتِك شُوق أتحرى حضورك وأثمر غيابك
تِحَمَّلتِك ولكنـه جبرنـي الجـرح أتكلم

----------

رد الخفوق اللي خذيته رهينـه
مادام أشوفك صرت ماتعتني فيه
رده معـزز لا تحـاول تهينـه
به من عذاب الوقت ماهو مكفيه

---------

أعلن رحيلـك قـدر الإمكـان
بس الفراق يكون بـأسلوب هادي
ما ودي بـفرقى الم ودمع وأحزان
ودي يكون فراقنا بـشكل عـادي

-------------

عيد النظر بـاللـي تبيـه وتـروّى
ترى فراقك صعب ماهوب عـادي
ماشفت طاري البعد وشلون سوّى
فينـي وأنـا قـدام عينـك وهـادي
هلت دموعـي وانـت عينـك تقـوّى حبست دموعك مـات جفنـك ينـادي

----------

يا أميـر الظلـم اسمعنـي و ياسيـد الجـراح
والكلمه اللي تستحـي منهـا معايـه بدّهـا
امّا تعال بـشوق دمْع الحب مـن عينيـه سـاح
والا تحمّـل غيبتـي مـادام قلبـك قدّهـا
وان كنت خاين ماتبي حتى من رضاي السماح
الله يلعن طيبه النيّـه ويلعـن جدّهـا
-------

يا أغلى حب بعثرني ورتبني بلا استئذان
وأول قلب بـالدنيا نفى الدنيا على شاني
يكفيني وهم إني بحبك مغترب ولهان
ويكفيني أسى إني رسمتك نصفي الثاني
تعبت من الهموم وذكريات الجرح والحرمان
وآخر مابقى من حبك اللي زلزل أركاني
وأنا أوعدك يا أجمل ليال الحب يافتان
لأسافر عن عيونك للبعيد اللي تمناني !
---------

خلاص اليوم بـ عيوني بِـيِّشْهد ناظري لحـدي
وش أيامي بعد خلي ألا ياليت مـا ريتـه
ألا ياليت ما شفته وغدالي قطعه مـن كبـدي
ألا ياليت مـا عشتـه وترقبتـه وحبيتـه

-----------

هدّ السهر حيلي ولاشفت لك نور
وينك غيابك زاد فيني عذابي

كانك تبيها جد ياسيد الحور
تعال شفني كيف أعيش إغترابي

شفت القلوب بـغيبتك كلها بور
لأنك أول شخص قرأ كتابي

-------------

إلا يا آخر بقايا لي إلا يا أعزْ من نادمت
تذّكرني بك اقرابي تذّكرني بك الأصحاب
إلا يا ذاكره حبي وعشقٍ في صروحه همْت
تراودني ملذاته وأموت اليا ذكرته غاب

----------

عقبك غدت كل الليالي حزينه
ومافيهـ عقبك من يسد بـمكـانك
روحي غدت للياس منّك رهينه
وخان الزمن فيني وخـانك زمانك
مثل الغريق اللي يتحرى سفينه
ظليت انا اتحرى يجيني حنانك
ماغير اقلّب ذكريات دفينه
يوم الهوى عايش بـدنيا جنانك

----------

عـنـدي ســؤالٍ فـاقـدٍ لـه أجابه
يمـكـن تخـفـف بـاقـي الـهـم فـيـنـي‏
تـدري بـ حيـاتـي عايـشـهـ فـي كـآبـه
بـس الـوكـاد انـك تـجـدد حنـيـنـي
فــي غيبـتـك حسـيـت انـــا بـإغـتـرابـه
قلـبـي بـعـد فـرقــاك عـيــا يجـيـنـي ‏
وسـؤالـي الـلـي ينـتـظـر لـه إجـابــه
ابـي أعـرف إن كـان بعــدك تبينــي
-----------

أقوله لا تغيــب
و يحرق أعصابي دلع و يغيب
يغرّبني عشان أقلق و أجيه و أسأله وينه
مدامه ما فهم إني أحبه و أعشقه بالطيب
بخليْ اسلوبه الظالم حكم ما بيني و بينه
بغيب و بترك غيابي يذوّق قلبه التغريب
حرام إن عدت لين ألمح ملامح فقدي بـعينه-------------

نويت انا ابعد لاكن القلـب محتـد
المشكله طبع الوفا مـن صفاتـي
كانك على صدك انا مانـي مصـد
في دفتر أشعاري ابكتب وصاتـي
اما نكون اثنيـن والثالـث الـود
ولا ترى يابنـت ابعلـن وفاتـي

-------------

أمس لا تسألني عني أسأل الليل وعيونه
طول ليلي أتقلـّـــب كن ماني في مكاني
أسأل إحساسي بـحيره ليه ظنونه هي ظنونه
ليه أشك وليه أغير وليه تطعّني الثواني
رغم إني منطـــقيه وأدري أبي أعيش دونه
لكن ارفض اعترف لي وأحسبه عايش عشاني
--------------

يذوب الثلج فـ عيوني على جال الهدب والنار
ولا حسيت غير أني أصيح وصوبك الطاري
ندهت أرجع هنا أمسي هنا ذنبي هنا إستغفار
هنا شفت الأمل يُقتل هنا شفت الحيا عاري
--------------

أثاري للزمن حكمهـ وأثاري للوجود غيـاب
سألتك مابقى غير الجواب وتكـرهـ أخبـاري
أنا ماجيت من غرب الذنوب ومشرقي نصاب
بغيتك صوت في صدر الصواب ونبرهـ أوتاري -------------

ما يستوي في الحـب حـيٍ ومذبـوح
ولا يستـوي بـالشـوك وردٍ يفـوحـي
كيف الجسد يعيش في غيبه الـروح
وكيف الطعون الخضر تشفي جروحي

----------

كنت الهوا اللي ما زفرته من تنفسته شهيـق

كنت الذهول اللي تشل اطرافه ثلـوج الجفـا
-------------

يداعبنـي خيـالاً ماتناسيتـه ولـو لحـظـات
يفز النبض من صدري واجر الصوت انادي لـه
على شانه سريت الدرب نبضي يسبق الخطوات
ونار الشوق تركض بي على سرجه عـل خيلـه
انا الوافي وانا المخلص معك لين آخـر الأوقـات
أسوق العمر في حبك ودرب الموت بمشـي لـه

---------

مــا همـنـي لـــو فـرقــت بيـنـنـا بـــلاد
ولا خـذتـنـي عــــن حـيـاتــك حـيـاتــي
ابعـد والاقـي الشـوق فـي داخـلـي زاد
اقــرب والاقــي ذاتــك اقـــرب لـذاتــي
استغـفـر الله يمـكـن تـقــول إلـحــاد
لـو قلـت بعـدك قــد يسـبـب وفـاتـي

----------
نسيـت أنسـاك وأنت اللي نسيـت اللي نسـى ينسـاك
نسيـت انسـان نسيانـه نسـى ينسـاك يا ناسـي
-----------

لو ما أبيك
ما تشوف
ضلوع صدري ثلّجت
وهي تحتريك
ما تشوف
الناس ماتت في عيوني
واختفت
ما تشوف
الكلمه لامن جيت ابنطقها
وقفت
انت اكبر مشكله عندك حبيبي
ما تشوف
الله يهديــك

--------------

لو ما عظيم الحب ما فار دمّي
ولو ما دليل الشوق ما جيتك اشكيك
لو منتي همّي منهو بـالله همّي
وانا ضلوعي لا تمْـايلت تطريك
-----------

جايز تلاقي في وصالي لك بعد مدّه ألم
وجايز الاقي لك عذر واسكت واسامحك واروح
لكن تأكد كل ليله يرسمك جفني حلم
واصحى وقلبي من حنينه يلفظ اسمك وبـوضوح

-----------

دايم تعذّب من خفوقه يحبّك
دايم تخلّي وجهه أسود من الصاج
حرام اجيك جروح تبخل بـطبّك
حرام اجيك بـشوق و تصدّني إحراج
يعني عشانك بحر واغليت غبّك
لابد تسقـيني من الغرقه أمواج

---------

جيت بـ جفا وأنا بـالأحضـان جيتـك
كلي حياه وفيـك صمـت المقابـر‏
‏ حاولت امثل إني فعـلاً نسيتـك
وانـك مجـرد طيـف لـو مــر عـابـر
لكن خذلني قلبي اللي عطيتـك
رغم اقتناعي بـفكره اني اكابـر

--------------

ما سألتك ليش تبعد وانت اصلاً مبتعد

لكن يحزْ في خفوقي ما يبيّـح بـاعترافه

كل شي يسألني عنك ما تمكنه السعد

ليه ابعّـدت الطريق وليه طولت المسافه
-----------

ما سألـتـك ليه عنّي ما سألت
خايف انـّي احرجك واقتل سؤالي
رغم هــذا تصدّق اني ما زعلت
ما ابي ينقص غلاك وانت غالي

-------------

إذا صدري تحمل قسوتك دمعي تراهـ اقوى
وانا ما أقوى على رد الدموع وصدمتك لاهنت

وشف خدّي تعرف إن الحياه اليوم ما تسوى
وشف صدري تعرف إن الحنايا ما تبي الا أنت

-----------

ترا ماعاد يعنيني بخل فرحي عليّ أو جاد
مادام إنّ العمر نارٍ توقّد في قعر جوفي
عزاي إنّ التعب واحد ولو يلبس ثياب جداد
مثل أمس ومثل قبله بـعيش أصارع كتوفي

عزاي إنّ الثرا صاير تعب يستجدي الأعياد
بدا صوته مشقّق حيل ينادي للسما رووفي
وانا يا أرض قبيله همّ ماتت ترجي لها سهاد
وليت الموت بس مرّهـ عشان أرتاح من خوفي

-----------

كتله اهموم و أماني ما تحقق نصها
أمضي أيامي أماري رغبتي بـالإنهيــار

أحبس الدمعه ابحكايه بـالشعر أقصها
مير يفضحني حزن عيني ابدون اختيـــار

----------

لو تعزف الألحان معزوف حزني..

بكـّت جميع الناس ند و صاحب

فيني من الاحزان مافاق وزني

واكذب وأقول بخير والقلب شاحب

------------------
أنا تعصف بي الدنيا وتأخذني متاهاتي
وأجاهد عبرهٍـ حنت على ذكرى مواجعها
كثير الصبر وآلامه عجز ما حل مأساتي
خيانه من خذا عقلي فؤادي ما توقعها
أهيم بـماضي قد فات واسترجع ملفاتي
وارتب صفحه الماضي ولملمها و أراجعها
اخبي واهج اجروحي ولا أبين معاناتي
سعاده حظي الهايم أجامل واتصنعها
حسافه كيف انا بسلى وجرحي في وسط ذاتي
وعيني لا تذكرته غصب هلت مدامعها
تدمر خافقي كله وخانت في هقواتي
وهذي دنيتي خانت وأنا أجاري و أطاوعها
ألا ياخاين العشره حرقت القلب بسكاتي
غريبه بعض هـالعالم عجزت اعرف طبايعها ---------------

أنا مأساه في مأساه أنا مركب بلا ربان
أنا من أول التاريخ والتاريخ يبراني
أنا الموعد أنا الفرقى أنا الصوره بدون ألوان
أنا الثوره أنا الغربه أنا المجني أنا الجاني
أنا يوم انتهى عمري رضيت بـرحله الأحزان
ولاتسألني عن دربي ولا أرضي وعنواني
ابترك لك بعد ما ارحل ذنوب تطلب الغفران
وترى لو تقلب التكوين أبد ماراح تلقاني
فمان الله ياخلٍ على يدينه عذابي كان
وسامحني على الفرقا ويكفي منك ماجاني -------------

أنا ماطحت من عين المواجع يوم أنا مكسور

أنا من كثر مافيني مواجع طحت من عيني------------------

وأخـيـــرًا
الـعــنــــوان
تعبت أقولك آسف تعبت أقولك غلطان
تعبت وحظي القاسي تعبني وآهـ ياشينه
تعال وشوفني مره أعيش بـعالــم الأحــزان
كرهت الحزن ياخلي وكرهت الظلم وسنينه
حبيبي كل ما اخفي تشوفهـ في عيوني بان
تعال وشوف محبوبك يطيح الدمع من عينه

---------

تعبت أقول لـلأحزان روحـي
ولا كنّي أقـول إلاّ تعالـي
----------------
نسيت الناس من أجلك نسيت أهلي وخلاني
وجيتك عاشق مغرم يبان الشوق في عينه
أحسب إني اذا جيتك تضميني من أحضاني
وقلب ذاق هم وغم احسب انك تواسينه
حسبت انك تحبيني هقيت انك على شاني
أثاري قلبي المجنون تلعب به شياطينه

-------------

ليـت مالـك بـالحـلا قــدر ومـقـام
وليت مالي بـالهوى قلـب وسيـع
مـن عرفتـك وأنـت يابـدر التـمـام
تستثيـر الشـوق بـعيـون الجمـيـع
جيـت لـك ودي شويـه إهتـمـام
في يدينك كني الطفل الرضيع
وأشتريتـك بـالأمـل حــد الهـيـام
وأنـت ماقصـرت بـأشواقـي تبيـع

وسلامتــــــــــــــــــــــــــــــــــــــــــكم
وانشالله تعجبكم ,, والسموحه منكم

الموضوع: كيف تنسى من يحبك كيف تذكر من نساك ؟؟؟

أدوات الموضوع

عرض

كيف تنسى من يحبك كيف تذكر من نساك ؟؟؟

المزيد من آخر المواضيع من نفس القسم:

المواضيع المتشابهه

لا تنسى !!!!!

للي تذكر سآلفتي :)

تذكر قبل؟؟؟؟؟؟؟؟؟؟؟

لا تطلب من أحد أن يحبك بل اجعله يحبك ...