كل من تود أن تسحر زوجها سحر لا يمكن فكه ولا حله..

[فطامي@]

كل من تود أن تسحر زوجها سحر لا يمكن فكه ولا حله..


هذه طريقة فعالة ..


جربوها ولن تندمــوا ..


1- زوجك ليس نداً لكي ..


زوجك رجل ..


له كرامة وكيان وشخصية تمتلئ بالشموخ والكرامة وعزة النفس ..

فلا تكوني ندا له ..... وين المشكلة؟؟!!


2- بيتك جنة .. وأطفالك هم عصافير الجنة ..


فلا تجعليهم غربان تحوم حول الزوج حين يحتاج للهدوء..


الانسحاب أحيانا مفيد جدا,, وين المشكلة؟؟!!



3- خليه يفتح موضوع جدي معاك ..


اتركيه يناقش حتى النهاية..


إذا قرب يخلص فاجئيه بالعبارة التالية : بس في نقطة مهمة نسيتها ..


راح ينتبهلك ..


وأكيد راح يسأل: وش هي ؟؟!! ,, قولي : إنا أموت فيك .. وين المشكلة؟؟!!



4- كل الأمور تحلينها أنتي ؟؟!! برررررااااااااافو ..


كفو والله وعساك عالقوة ..


بس مو ضروري
تعيرينه..دعي له مساحة يتحرك فيها ..


شاركيه بالقرارات ...


ارجعي له دائما ..


حتى في الأمور المحسومة سلفا ..


خليه يحس أن له دور مهم مو سبير طايح .. وين المشكلة؟؟!!



5- دائما دعيه يشعر انه القوة الكاملة في البيت..


دعيه يشعر انك ضعيفة لكن مو بشخصيتك ..


بل بجسمك ,, الجأي له مثل الأطفال ..


حتى لو أصبعك أنجرح ... عطيه بلا ستر وخليه يلف أصبعك .. وين المشكلة؟؟!!



6- خليه دايما يحس انك بحاجته ..








7- أشعريه أن شخصيته هي الأقوى..


حتى لو كنتي كونداليزا رايس .. وين المشكلة؟؟!!



8- العطور الســحر كلــه ..


اجعلي بيتك مريحا للأعصاب ودايما استبدلي عبق البصل والثوم اللي تحوووووووووس في البيت ..


برائحة معطر الجو إير ويك برائحة الورد << دعاية مدفوعة الثمن


حواس الأنف مفتاح الدماغ ..




9- يقولون الرجل طفل كبيـر..


أنا أقول الرجل جنين وليس طفل..


الطفل ممكن ينزف... ينطق ..


بس الجنين محمي بحنان رباني و بعالم هادئ بتدليل أمومي ..


الرجل مهما لقي من صفات رائعة في زوجته ..


دائما يبحث عن حنان أمه فيها ..


والحنان يلين الصخر .. وين المشكلة؟؟!!




10- كوني له أمة يكن لك عبدا.. نعــم لاتسـتغربيــن !!!


صيري صديقته وقت الضيق ..


أخته وقت الفزعة و أمة وقت الدمعة ..


حبيبته لما كل الدنيا تخليه وزوجته لما يضيع..


و بنته لما يحتاج يحس بالألفة ..


كوني له كل نساء الأرض .. وين المشكلة؟؟!!

11- علمي أولادك أن يقبلوا رأسه كلما رأوه ...


لا تقولين الزمن تغير وما عاد أحد يبوس رأس أحد
...


كل شي ممكن يتطور..


بس يبقى احترام الأب هو الجهل الوحيد اللي لازم نزرعه بقلوب أولادنا..


وباستماتة.. وين المشكلة؟؟!!



12- نسى هدية العيد لولده أو بنته ..


::×:: عادي ::×::


اشتري هدية وحطي عليها أسمه وجهزيها له ..


أو إذا انشغل قدميها باسمه فنتيجة انتماء الطفل لأبويه انتو الاثنين راح تحصدونها..


مو بس هو ..


بس لا تنسين ترسلي له مسج تعلمينه بالهدية ..


لا يصير مثل الأطرش بالزفة .. وين المشكلة؟؟!!



13- أحــــذري من عبارة أبوك لاهي عنك ..


شدعوة داري عنك و ليش وينه أبوكم ,, أبوك مو فاضيلك ..


الطفل ما ينسى قومي أنتي بالمهمة ..


أو على الأقل لاقي عذر مناسب يكبر الأب بعين عياله..


مو يكرهونه .. وين المشكلة ؟؟!!



14- تتضايقين من نظراته لمذيعات القنوات اللبنانية وهيفاء وهبي؟؟!!

قـــــهــــــر موووو ؟؟!! غلــطـــــــان..


اسألي نفسك سؤال واحد هي امرأة وأنتي مو
امرأة؟؟!!

ليش تخليــنه يطالع برا وأنتي موجودة ؟؟!!


أيش ناقصك ؟؟!!


ليش ما تصيرين أنتي لبنانية ..


أيش محتــاج المــوضــوع أممممممممم ..


قصة شعر؟؟!!


ريجيم ؟؟!!


صبغة حلوة ؟؟!!


ابتسامة جميله ؟؟!!


تدليع؟؟!!

وين المشكلة؟؟!!




15- دلعيه ثم دلعيه ثم دلعيه ..


حبيبي ,, قلبي ,, حياتي ,, ما في منك ,, مشكور عساك عالقوة ..


صباح الحب ,, مساء الورد ,, تصبح على حب ,, عيوني لك ,, أنت تأمر ..


ومن هالحكي .. وراح تشوفين كيف راح تضيع علومـه..


اعتبريه موضوع تعبير لازم تكتبينه في المدرسة ويتوقف عليه تخرجك... وين المشكلة؟؟!!





16- يووووووووووووووووه

ليش ما جبت الطماط ...... انا لله ... إنا كل ما أوصيك على شي تنساه !!!!!!


والله لو رايحة أنا أبرك !!!!!


ليش ليش سواق هو؟؟!!


شوي شوي..


صحيح مهمته
وشغلته وواجب عليه ندري ..


بس كان ممكن لما تكتشفين النقص تقولين الآتي مع ابتسامة ناااعمة ..


عادي حبيبي ولا يهمك يعطيك العافية يا قلبي..


روح أنت الحين وأنا أسويلك كوكتيل عالسريع ..


حرااااام يتعب وما ندلعه !!!! ما يصير ..


حتى لو أكلتك كلها تعتمد على الطماط وخير يا طير ,, تتدبر..


لو تفكرين شوي راح تعرفين أنها تتدبر.. وين المشكلة؟؟!!




17- لا تنتقدينه أبدا ..


حتى لو كان من رأسه لساسه عيوب..


حتى لو كان صباااااااااااار كله شوك ..


الصبار ترى داخله مويه وعلشان توصلين للمويه لازم تشيلين الشوك وجربي شيليه بسرعة ومرة واحدة ..

ما تجنين ألا الألم..


بالحب والحنية والصبر كل شي يصير ..


حتى لو طولتي تشيلين الشوك ..


راح يجي وقت تلاقينه هو يشيل معاك .. من كيفه .. وين المشكلة؟؟!!




18- إياكي وإياكي أن تظهري عيبه أمام الآخرين الرجل ما ينسى ..


والشعور بالإحراج يخليه يدفن بقلبه ضيق عليك
ما يروح بسهولة وخليك ستر وغطا على عيوبه ..


حتى لو تافهة وعادية.. وين المشكلة؟؟!!







19- خلي ايدك بإيده ..

خليه يحس انك مستأنسة لوجوده جنبك..


مو تنتظرين الساعة اللي يروح فيها برا ... وين المشكلة؟؟!!




20- طلعي الشغالة برا أظن الدوام الجزئي كافي ..


هذي مملكتك لا تتنازلين عنها...


وين المشكلة ؟؟!!


الواحدة منا إذا حبت شغلها تكرف فيه بدون حساب ..


وبابتسامة.... مو بيتك أدوم لك؟؟!! .. وين المشكلة؟؟!!




21- عطيه حريته ..

خليه يطلع الشاليه أو المخيم مع الربع ..


خليه يتنفس..


وراح يرجع لك مشتاق وممنون... وين المشكلة ؟؟!!





22- تعلمي الإبداع بالطبخ ..

نوعي بأكلاتك ..


حسسيه أن ذوقه مهم عندك... وين المشكلة؟؟!!




23- جددي بنفسك وخليك أنيقة وكشخة .. وين المشكلة؟؟!!




24- تذكريه برسالة على الجوال مو لا
تنسى العيال ولا مر السوبر ماركت ..


قولي له كلمة واحدة بس..


اشتقتلك .. وين المشكلة؟؟!!




25- لا تخالفينه قدام عيالك خلي رايك من رايه وعيالك لازم يفهمون هالشي ..انك معاه مو ضده..

ولا تعاندين ..


لو شلتي أيدك من ثقب السفينة عناد ..


راح تغرق السفينة فيكم كلكم.. وهنا المشكلة !!!!

منقوووول للفائده..

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم عايشة]

[أم غـلا]

الله الله على هالكلام الحلو
تسلمين والله
لو كل وحدة عاملة زوجها جي بتخف المشاكل مبينهم
مشكورة اختي
ويزاج الله خير

[فطامي@]

الواحد ما يتشجع يكتب شي ..ماشي ردود الا اثنين ..لها الدرجه الموضوع مو حلو ..
تسلمون ام عايشه وام غلا عالمرور..

[مسايا غاليري]

لا والله بالعكس حتى دمعتي نزلت والله ..

لأني فاقده هالشي عالآآآآآآآآآآآآآخر

وأحاول بين فترة وفتره اني اغير لو بشكلي


بديت بالمكان .. غرفه وحده .. وبغير فيها ... يمكن تكون هي السبب


ادعيلي وجزاج الله خير عالموضوع الحلو والله

[lara]

الواحد ما يتشجع يكتب شي ..ماشي ردود الا اثنين ..لها الدرجه الموضوع مو حلو ..
تسلمون ام عايشه وام غلا عالمرور..

بالعكس
موضوووع حلو جدا
وصدقتي بكل كلمة قلتيها


تسلم ايديج

[شظايا الروح]

موضوعج مفييييييييييييييييييييييييييد



بس تتوقعين كل هالاشياء ممكن تسوينها ... مشكلتنا العصبية والضغوط النفسية الي تمنع الشخص عن التغاضي عن التسامح .. نعتبر اي زلة اهانة وكبرياء وعزة نفس ..


الحياة الزوجية صعبـــــــــــــــــــــــــــــــــــــــــــــــ ة للغاية ..


الف شكر للموضوع وان شاء الله راح اتبع بعض الامور الي مقدور عليها ..

[مسايا غاليري]

موضوعج مفييييييييييييييييييييييييييد



بس تتوقعين كل هالاشياء ممكن تسوينها ... مشكلتنا العصبية والضغوط النفسية الي تمنع الشخص عن التغاضي عن التسامح .. نعتبر اي زلة اهانة وكبرياء وعزة نفس ..


الحياة الزوجية صعبـــــــــــــــــــــــــــــــــــــــــــــــ ة للغاية ..


الف شكر للموضوع وان شاء الله راح اتبع بعض الامور الي مقدور عليها ..

صدقتي والله

لأن المشكله الريال ما يسامح ولا يرحم .. وكل المسؤوليه العاطفيه مفروضه علينا

الله واعلم ... يمكن تفكيري غلط

[نور*دبي]

كلاامج حلو جنان انشاء الله اسير وحده من المتميزات ف الحياه الزوجية

[الفراشة الطائرة]

مشاء الله حبوبة
رووووووووووعه الموضوع
فعلا عجبنى كتير
سلمت يداكى يا قمر
وجزاكى الله خيرا

[المحبة لله]

تسلمين

[فطامي@]

شكرا خواتي عالمرور فرحتوني والله ههههههه..
الله يهدينا ويهدي رياييلنا ..ويعينا على ارضاء ازواجنا ..
(فديتج ام النوفين ..الله ايسر لج امورج الغاليه واستعيني دايما برب العالمين ..وحاولي اتغيرين حياتج بكل الجوانب واكثري من الاستغفار )
اسعدني مروركم جميعا ..دمتم بالف خير..

[bnt.dxb]

تسلمين اختي على الموضوع

المرأه هي اساس الحياة الزوجيه هي اللي تبني هاي الحياة
المرأة هي اللي تسهل الحياة ولا تصعبها

اادعولي الله يتمم لي على خير

[فطامي@]

تسلمين اختي على الموضوع

المرأه هي اساس الحياة الزوجيه هي اللي تبني هاي الحياة
المرأة هي اللي تسهل الحياة ولا تصعبها

اادعولي الله يتمم لي على خير

مشكوره فديتج عالمرور الطيب ..
الله يتمم لج على خير ..ويسعدج دنيا وآخره..

[أم عايشة]

فـــــــــــــــــــــــــــــوق