وبعدين مع ريلي

[maryooma]

السلام عليكم اخواتي


الغاليات انا عندي مشكلة بسيطة بس ارجو

المساعدة منكن


انا انسانة احب ريلي والحمدلله عرسنا في اخر شهر 12


واحين كملنا 3 اسابيع


بس والله العظيم اني محتارة وياه وما اعرف شو اسوي معاه

بصراحة من قبل ما خبرني انه ما يحب يطلع ويا بنات



ومن عرسنا ما طلعني غير اسبوع بسوكل ما اريد اروح مكان كله يقولي

اطلعي ويا امي ولا حد من اخواني


تخيلن انا احبه ويحبني ويطلب مني اني اظهر مع غيره


وقلت له ليش حبيتني واتزوجتني يوم انك ما تحب تظهر ويا بنات

ولا بس علشان تحسس نفسك انك عرست


وربعه الله يهداهم 24 يتصلوبه تخيلن وحتى ونحن نيام

الفجر



هذي مب حياة والله وياه !!!


وكل ما اقعد اتفاهم وياه يقولي اوكي خلاص وبالباجر كل شي يتغير يا ناس



ما اعرف شو اسوي


واحين كل ما يطلع ما يرجع غير بالليل وانا ساكتة عنه
وحتى ما يتصل فيني يطمن عليه ولا يقول المسكينة قاعدة بروحها

وانا صرت باردة كل ما يقولي بتروحين مكان ارد عليه لا لاني عارفة انه ما بيوديني بيخلي حد منن اخوانه




فشو الحل في رايكم ؟؟؟


هل اطلب منه الطلاق ولا اتريا عليه


لان لما خبرت اهلي ردو عليه هذا اختيارج واناطبعا اذا اطلقت بروح اسكن في بيت ربيعتي لان اهلي تخلوا عني احين وانا محتاجة لهم اكثر عن قبل ؟؟؟





ارييييييييد الحل ارجوكم؟؟؟؟






مع تحياتي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[maryooma]

اريدكن ما تخذلوني

[washi]

هذا مب عذر للطلاق .. اصبري و استغفري وادعيله بالهدايه ... واكيد بيت ريلج ابرك لج من بيت ربيعتج الله يهديج ..

[قلب طفلة]

لا حول ولاقوة إلا بالله

لا طبعا أصبري عليه يعني ولاطلعة يطلعج فيها أبدا؟؟

والله ماعرف شأقولج الله يعينج لج بالدعاء والصبر ادعي الله عسى الله يفرج لج همج يارب والله الوحيد اللي يقدر يسخره لج إن شاءالله

والله يوفقج إن شاءالله

[يتيمة أبوها حي]

أنا ما اعرف شو أقولج ...بس نصيحه لا تستعيلي واتييبي منه اعيال يعني اتري فترة طويله وتأكد من مشاعركم واتفاهمي وياه وبعدين ييبي اعيال ...

والله ايعينج

[وعد الحياة]

شووو الغاليه طلاق شليها من بالج،،،،تصلي فيه واعتذري وقوليليه انا سويت جي من اهمالك لي حتا ماطلعني نتفسع ليش مب انا زوجتك ماتحبني اكون سيعده مثل ما انا احبك تكون مستانس وفرحان،،ومب عيشه ربعك يتصلون عند الفير قولي هذا قله ذووق انت مب عزابي عشان يتصلون الفير،،،والحوار والمناشقه بتقصر عليج درب طويل مامنه الا التعب والهم،،،

[وحده زعلانه]

هالشي مب كبير لهدرجه عشان يخليج تفكرين بالطلاق

تعوذي من ابليس وخلي عنج هالافكار اللي ممكن تهدم بيتج...

[maryooma]

والله يا اخوات انا قاعدة اسوي المستحيل

وحتى في صلاتي اول شي ادعيله وبعدين اتذكر نفسي

[Om 7aMda]

شو الطلاق....؟؟؟ انتي اول ورقة سحبتيها الطلاق!!
حرام عليح بعدج ما شفتي شي ...
هاي فتره وتعدي عليكم وبيرحع ان شاء الله وبيتغير ..
بس انتي حاولي تييلسين معاه جلسة مصارحه وتقوليله انه ما يعطي لربعه مجال لنهم ما بيحسون في حالتج ..


الله يوفقج

[maryooma]

الغاليات انا اقعد تقريبا يوميا اكلمه نفس الموال


لدرجة نتظارب مع بعض


وفي الاخير هو يطلع وانا اقعد اصيح

[غافله]

حبيبتي الطلعات مو رمز للحب

يعني اذا طلع معاك معناها يحبك وتستمرين معاه
واذا ما يطلعك يعني ما يحبك وتتطلقين


بذمتك هذا سبب ؟؟

يعني ع سالفة الربع بعد مو هو اللي يقول لهم تعالي اتصلوا ضايقوني ؟

صبري وقولي لا اله الا الله

شاوريه
قولي له اشرايك انا ابي مرة بالشهر تطلعني معاك


ومرة ورى مرة لما يشوف شطارتك بالطلعة معاه يمكن تصير مرة بالاسبوع

ترى الصبر حلو

وبعدين لا تتذمرين من ربعه تري يعاند وكل ممنوع مرغوب

واحتمال ربعه هم ينحسونه عليك يعني اللي اسمعه ان بعض الاصدقاء يقولون انت ريال ؟؟ مو ريال اللي يطلع مع مرته ؟
بالتالي يتأثر بكلامهم

انتى خليك شاطرة واعتبريها حرب باردة ع شوي شوي مو تفقدين اعصابك
واختاري اماكن طلعات ماتكون زحمة عشان ما يرفض تروحون لها سوى

[حزن قلبي]

ما يجوز الريال يخليج بروحج و انتو بعدكم ما خلصتو شهر عسل، ريلج مولية ما عنده احساس بأنه متزوج، لازم يقل طلعاته و ما يتصل بربعه في الليل، اتفاهمي وياه و قوليلو انه يطلعج ، ليش سو السبب انه ما يبى حد يشوفه وياج؟
الطلاق شيليه من بالج، ما بترتاحي إلا عند ريلج، و اصبري عليه اذا ما تغير، وان شاء الله الله يهدي النفوس.

[...(مريّة)...]

أختي لا تطلبين الطلاق ،
يمكن هو بعده مب متفهم إنه في فرق في
حياته قبل العرس وبعد العرس ، اصبري عليه
وادعي له بالهداية الله يهديه لج يا رب

[راعية الورد]

حبيبتي الطلااااااق مب الحل الوحيد

وبعديت توكم معرسين _ةالانسان مايتغير في يوم وليلة والحرمة لازم تصبر على ريلها
رمسية مرة ومرتين وعشر حتى مليووون _ولازم بي يوم وبيعرف عمره انه غلطان وبيحس فيج

[فطومـة]

اختي الله يهيدكم ويخليكم لبعض

اولا ابعدي عنج فكرة الطلاق وفكرة قعدتج عند ربيعتج بعد

ثانيا الحياة الزوجية ما تعتمد فقط على الطلعات ،،، وطلعاتج مع اهله راح تنتهي في يوم من الايام لانهم بينشغلون بحياتهم الخاصة ومو فاضين طول العمر لج ولزوجج

فكري بتأني واطلب منه يغلق التلفون في لليل
وكلمي زوجج على اساس انج تحبينه وتحبين الطلعة معاه خاصة
واحسن شي انج تبدين معاه الزوارات حق اهله واهلج ومنها تقولين شرايك لو نروح المكان الفلاني مادام احنا برا

و اذا رجع من سهرته عند ربعه خلي الامر عادي وتكونين مجهزة له مفاجاه

وموفقة لا تخلين هالمسالة هي الشاغل طول يومج