سااااااعدوووووني

[همبا]

خواتي انا عندي مشكلة يومية مع زوجي إنه إتعبني وايد لما اصحيه من الرقاد عسب الدوام لأنه وايد يسهر هو و هله إلى الساعة 2 بالليل وهويحتاج ساعة عشان يوصل دوامه وهو المعيش اهله كلهم بس محد فيهم متعاون كلمتهم مليون مرة وقلت لهم ترى إذا طلع من الدوام محد بيشلكم وبعدين انا بعد عندي دوام بس والله من اصلي الفجر ما ارقد أخلص كل شغلي وأحاول فيه بس بدوون فايدة بنتي الصغيرة هي إلي تقوم وهو إتم راقد وصارت لي مشاكل وايد في الدوام من عقبها قمت أحاول وياه شو واطلع واطنشه عسب أنا لمعيشني هو دوامي بس وهو خيره بس لاهله بس صار يذمر ويقول عني أنانيه واتولدت لي وايد وايد مشاكل بس بعدني احاول والله إني مب عارفه شو أسوي وكيف أقعساعدوني في إيجاد الحل بليييييييزده بدووون ما تنتبه الصغيرة.

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مجرد انثى]

الله المستعان انتي حاولي انه واحد فاهم يكلمه ويفهمه بس مايبين له انه من طرفك وبعدين انصحيه يقوم لصلاه الفجر وبعد الصلاه يقرا قرأن لين وقت الدوام والله يعينك لانه فيه وايد من اشكال هالريال لاوفيه ناس ابدا ماتنش الصبح الا اذا كان عليه دوام الله يسر امرك واهم شي بنتك الله يخليا لك

[فولا]

الله يساعدج حبوبه ...بس حاولي وياه خبري اهلج ترى اولا واخيرا هو ملزوم يصرف عليج ولو انتي تشتغلين واحترامج له ومساعدتج له مب معناه انه يتمادى وياج...لازم توقفينه عند حده وخبريه باسلوب حلو واذا ما نفع دخلي حد كبير من اهلج واهله عشان يحسون ع دمهم شوي...والله يوفقج حبوبه

[الأصالة]

الله يعينج يارب

انتي سويتي اللي عليج وخلاص

قومي وسيري لدوامج وخليه راقد

بعدين المشكله مشكلته انتي ليش تاعبه عمرج

يمكن مع الوقت لما تطنشينه يحس ويهتم

[طي السنيين]

هذا الشي من نفسه وما بتقدرين عليه بسهوله إتفاهمي معاه من الليل وقولي له أخاف عليك ما ترقد زين ووتنام وإنته تسوق وما تحس
أول شي إحتسبي الأجر لأنج لازم توعينه للصلاه قبل الدوام وهذا أجر
لما توعينه تعالي له بأسلوب سلس مثلا كثري من البوس والحضن وإلعبي عليه والكلام الحلو
ممكن تنضخين علىه الماي رش خفيف أو تمسحين مسح خفيف عليه وممكن تفتحين شريط قراءن بصوت عالي بنفس الحجره أو تفتحين الشبابيك
وأكيد البقيه بيعطونج أفكار الله يسر أمورج

[...(مريّة)...]

الله يهديهم من رياييل !!!!
لا توعينه لدوامه ، خليه يرقد ويتغيب ،
يوم بتستوي له مشكلة بيحس ، الحينه
هو معتمد عليج إنتي تقومينه ، خليه
يعتمد على عمره ! بروحه بيفهم إن السهر
يسبب له مشاكل ،
الله يهديه

[سنابسية]

الله يعينج يارب

[uAe eVe]

الظاهر بايع الوظيفه..حاط في باله انج بتساعدينه
نصيحه لج لاتحطين ولافلس في البيت
حتى مصروفج منه اطلبيه ترى بعده ملزوم فيج
خليه يشتريلج اغراضج واغراض البنوته يحس بالمسؤوليه

[حزن قلبي]

نشة الصبح وايد صعبة على اللي يسهر و انتي حاولي تسحبيه من وقت للرقاد واذا ما قدرتي حاولي الصبح توعيينه كذا مرة بين فترة و فترة، و اذا داومتي و ما اتأكدتي انه قام اتصلي على موبايله لين ما ينحرق عشان ما يقول عنج انج انانية، و لا تصرفين وايد في البيت لأنه بيتعود عليج في الصرف و عادي يترك الدوام، لا تعطيه فرصة.

[همبا]

مشكورين حبايبي على النصايح الحلوة والله لا يحرمنا منكم ويزاكم الله كل خير.

[قلبي انا]

نشة الصبح وايد صعبة على اللي يسهر و انتي حاولي تسحبيه من وقت للرقاد واذا ما قدرتي حاولي الصبح توعيينه كذا مرة بين فترة و فترة، و اذا داومتي و ما اتأكدتي انه قام اتصلي على موبايله لين ما ينحرق عشان ما يقول عنج انج انانية، و لا تصرفين وايد في البيت لأنه بيتعود عليج في الصرف و عادي يترك الدوام، لا تعطيه فرصة.