شئ نستخدمه ونغفل عنه .. ياربة البيت انتبهي..اللهم بلغت فاشهد...ضروري الدخول

**abrar** · 2007-12-12, 20:05

السلام عليكم..

راح احكي لكم القصه اللي صارت في العماره اللي ساكنه فيها وخذوا الحذر..

في يوم من الأيام كنت سهرانه على النت لأن ولدي كان صاحي فاضطريت اني اسهر معاه

المهم دخلت المطبخ عشان باقي شوية مواعين اغسلها دخلت شميت ريحة حريق استغربت !!!

دورت مصدر الريحه ماحصلت والريحه كل مالها تزيد المهم دخلت على زوجي صحيته..

قلت له: قوم في ريحة حريق في المطبخ...

قام دور على مصدر الريحه لقاها جايه من الشباك اللي مطل في المنور ...
قال لي: تصدقين شكل الشقه اللي تحتنا فيها حريقه اخاف اللي فيها نايمين ومو عارفين ان شقتهم تنحرق..

قلت روح بسرعه انزل لايجيهم شئ مساكين..

المهم نزل تحت الشقه شاف الدخان يطلع بشكل موطبيعي من شقتهم المهم جلس يدق الباب عليهم ومحد يرد عليه .......

اكتشف انهم مو موجودين.. وجلس يدق يدق .. جت الحرمه وزوجها من برى كانوا..في زواج.

طالعت الحرمه في زوجي وشافت دخان اللي طلع من الباب راحت على طول فتحت الباب وخرج الدخان وقعدت تصيييييييييييييح والله يابنات صياحها وصل عندي وانا في الدور اللي فوق المهم جلست تصيح على عيالها لأنهم في الشقه ... والشقه فيها حريقه المهم جلست تبكي زي المجنونه وتردد تقول: عيالي مالي غيرهم عيالي بينحرقون..

المهم ليله طويله ودقينا على الدفاع المدني ودخلوا وطلعوا عيالها .. الحمدلله كانوا عيالها نايمين
في الغرفه ومقفل الباب عليهم...
وطفوا الحريق...
المهم ايش سبب الحريق اكتشفو ان سبب الحريق هي...

الشفاطه

ايوه الشفاطه اللي في المطبخ تاركينها 24 ساعه تشتغل
وذابت المكينه وسوت حريقه في المطبخ والله يابنات دخان الحريق جلس يومين في العماره من قوة الريحه...

لذلك يابنات انتبهوا
يقول صاحب الشقه انا كنت في بيتي مع العيال 5 دقايق خرجت من بيتي عشان اجيب اهلي من الزواج
وصارت الحريقه..

انتبهوا ياربات البيوت الشفاطات في المطبخ او في الحمام قفليها قبل ماتخرجين لاتنسينها والله ماعرفت خطورتها الا بعد هذا االموقف اللي صار..

اسأل الله ان يحفظنا بحفظه

منقوووووووووووووول

المزيد من آخر المواضيع من نفس القسم:

**ميثاء من دبي** · 2007-12-12, 21:05

وييي بسم الله الحمدلله الله حفظ الصغاريه

**احزان العين** · 2007-12-12, 21:17

هلا شحالكن عاد انا بخبركن سالفتنا الخدامة المعوقة خلت المروحة الي هيه الشفاطة تشتغل فليل فحمامها الله يعزكم وانحرق الحمام بسبت المروحة والشرطة كانو يدقون الباب الساعة 3فليل الله ستر انة حمامها برا البيت مش فالبيت وطفو الحريق ومن ذاك اليوم تبت اعتمد عليهن الغبيات

**انا_الغلا** · 2007-12-12, 21:48

الحمدلله ع سلامتها يا بنت الحلال

مشكوره ع المعلومه

**برقع ديوور** · 2007-12-12, 22:23

تسلمين يالـغلا على التحذيــر ^.^

**07 أم حارب 20** · 2007-12-12, 22:41

الحمد لله سلم الصغارية ..

**نسيان** · 2007-12-12, 22:50

مشكوره يا طيبه على التحذير

**abrar** · 2007-12-13, 01:48

جزاكم الله خير على مروركم و ردكم في الموضوع اسعدني

و اتمنى الله يحفظكم و اولادكم اخواتي

**شموس2** · 2007-12-13, 02:03

الحمدالله

**elmoon** · 2007-12-13, 15:13

الحمد لله سلم الضغارية ومشكورة أختي على النصيحة

**عيونـ محمد** · 2007-12-13, 15:55

اللهم كافينا شرهم تسلمين اختي عالنصحيه

**abrar** · 2007-12-13, 19:34

اللهم اني بغلت اللهم فاشهد

**اموووووواج** · 2007-12-13, 20:06

اكثر الحرايق بسبب الشفاطات والهيتر انا دايمن اسكرهم من انام سبحان الله الواحد نايم ويصير شي ....

**...(مريّة)...** · 2007-12-14, 01:31

الله يحفظنا يا رب ،
أنا دوم أسكرهم وأوصي
البشكارة تسكرهم دوم

***شموسه دبي*** · 2007-12-14, 01:50

تسلمين يالـغلا على التحذيــر ^.^

الموضوع: شئ نستخدمه ونغفل عنه .. ياربة البيت انتبهي..اللهم بلغت فاشهد...ضروري الدخول

أدوات الموضوع

عرض

شئ نستخدمه ونغفل عنه .. ياربة البيت انتبهي..اللهم بلغت فاشهد...ضروري الدخول

المزيد من آخر المواضيع من نفس القسم:

المواضيع المتشابهه

نصيحة لوجه الله.....اتركوا المنتدى اللهم بلغت اللهم فاشهد.

تنبيه هااااام لأخواتي السائقات!! اللهم هل بلغت ؟؟؟ اللهم فاشهد

بغيت أفهمكن شي يمكن ملتبس عليكن ... اللهم هل بلغت اللهم فاشهد

البنات الي يفكرون انهم يدخلون المحافظ --- اللهم اني بلغت اللهم فاشهد

ضروري أمانة في أعناقكم ادشوا ،،، اللهم هل بلغت اللهم فاشهد