[مدفوع مستعجل]تفسير حلم فلانه ولدت

**apiuser** · 2021-06-05, 22:50

حلمت اني كنت جالسة بمكان في المنزل وكانو بنات عمي جالسين وخواتي معهم بعدين جيت الا اسمعهم يقولون ان فلانة وفلانة ولدت جيت قلت مين اللي ولد قالو ليه ماشفتي الرسالة في الجوال قلت لا والله توني جالسة من النوم قالولي نورة بنت خالتي ولدت وجابت بنت وزينب بنت خالي ولدت وجابت ولد قلت اجل الحين شريفة الي هي اخت نورة استانست انه جاتهم بنت قالوا لي اكيد بعدين جلست كذا اسولف من وحدة من بنات عمي عن اللقاح وانه حجزو موعد عشان ياخذونه بعدين قالت لي ليش انتو ماراح تاخذونة قلت لا اكيد غصب علينا ناخذه قلت لها عادي اخواني يقولون انو خفيف مايوجع بس مكان الابرة هو اللي يوجع بعدين دخلت علينا بنت خالتي نوره اللي كانت توها والده وقمت سلمت عليها وابارك لها بعدين طلعنا الصالة بس الصالة ماكانت صالتنا كانت صالة بيت جدي وكان في وليمة رز ولحم وكانوا الناس جالسين ياكلون جيت سلمت على ثنتين من خالتي وقلت الباقي بعدين اسلم عليهم بعد الاكل وبس انتهى الحلم انا عزباء

الحالة الإجتماعية:اعزب / عزباء
العمر:27
الجنس:أنثى
الحالة الوظيفية:غير موظف / غير موظفة
بلد:SA
رقم الطلب:460000889069643
مدفوع مستعجل

المزيد من آخر المواضيع من نفس القسم:

**مفسرة الأحلام 5** · 2021-06-06, 16:45

هل نوره وزينب ينظرون حمل بالواقع
هل نوره تتمنى انجاب بنت
هل انت تسعى لاخذ اللقاح وتنصحي به من حولك

اذا كانت الاجابه نعم فهو احاديث نفس والله اعلم

**apiuser** · 2021-06-06, 17:20

زينب نعم على وشك ولادة اما نورة لا اما بخصوص اللقاح ما فكرت اني اخذه للان

رقم الطلب:460000889606695

**مفسرة الأحلام 5** · 2021-06-06, 20:23

الرموز

بنات عمي جالسين وخواتي:رمز لتجمع فى مناسبه
نورة بنت خالتي ولدت وجابت بنت :رمز لخير وحياه طيبه
وزينب بنت خالي:رمز اتمام حملها وولادتها

التعبير

يدل على تجمع فى مناسبه ساره وربما تكون بعقيقه او بمناسبه ولاده زينب ان شاء الله وخير وحياه طيبه لنوره اما الباقي فهو احاديث نفس والله اعلم

الموضوع: [مدفوع مستعجل]تفسير حلم فلانه ولدت

أدوات الموضوع

عرض