بنات ساعدوني الشغاله مخبله فيني :(

[بيضه]

هلا بنات شحالكم


انا عندي شغاله فلبينيه ومخبله فيني حيييييييييل وايد امتعبتني وكملت عندي الحين سنه بس ملوعة بجبدي

هي كانت تشتغل بالاردن نحن يبناها من المكتب على اساس قايلين لنا انها
كانت تشتغل بقطر يعني دولة خليجيه شراتنا بيكون نفس العادات والتقاليد

وعرفت انها تشتغل بالاردن المشكله يوم يتني ما تعرف تطبخ موليه
قلت لها ليش تقول والله انا هناك كنت انظف وبس والمدام تطبخ
يوم كانت اول يوم عندنا خبرتها عن كل شي شو لازم اتسويه وقلت لها انا بقوم الصبح وياج وبعلمج شو تسوين بالريوق والظهر وباليل الحين انا اول مره اعرف وحده ما تعرف تسوي شاي حليب ها كله جذب منها

انزين علمتها بس بعدها بقره الظهر سرت لها اشوف شو اتسوي قلت لها ناقصنج شي ولا شياته تقولي كل شي موجود وكل شي يبتيلي بس انا يوعانه

انا افج اعيوني واقول ها شو قلتي يوووووعااااااانه اتقول لي هي مدام انا جوعان سيري سويلي شاي ابقق عيني عدل اقولها نعم شو تقولين انا اسويلج انتي شاي ليش انا يايبتج تشتغلين لي ولا يايبتج عسب اشتغل لج اسمعوا الرمسه انتو قلت لها ليش ما تسيرين واتسوين لج قالت لا انتي والله المدام الي بالاردن هي الي تطبخ واتسوي الاكل انا بس انظف وقلت لها حظرتج انا يايبتنج تنظفين بس شو تتحرين هناك وهني نفس الشي وهزبتها قلت لها هذاك المطبخ تبين سيري ما تبين بالطقاق قال سويلي شاي

المهم
مشكلتي وياها بعد اتسوي روحها غشيمه ما تعرف شي موليه بس تعرف اتنظف ولا غير هذا لا موليه
انا اكتشفت انها تعرف تطبخ انا يوم اطبخ كيك يايبه الوصفه من منتدانا الحلو تقولي هي اعرف اسوي شراته بس اشوي غير اقول لها نعم كيف تعرفين يوم اقولج طبخي تقولين ما عرف عقب تتوهق وتخلق اعذارها الي خلاص حفظتها والله المدام الي بالاردن تسوي وانا بس اطالعها اقول بقلبي ادري انج جذابه

ودوم ومره اتصدقون شو طبخت لي بالغده مقلوبه هي مقلوبه تحت محطيا قرنبيط وبطاط وجزر وكوسا وايد حلو طلع اقولها منو علمج تسكت عقب اعذارها المعروفه شفتها مره المدام طابخه فعرفت هاي الطبخه

والله معذبتني وانا الحين حامل ابا حد يساعدني في الطباخ اباها تطبخ صح
الحين هي تطبخ بس موليه ما تتفنن بالاكل

شورو علي شو اسوي وياها غصصت فيني وصح يوم تطبخ هي احس الاكل فيه
ريحه موحلوه وانا يوم اطبخ احس الاكل عادي اوكي ليش الله اعلم


شو اسوي وياها عسب تصطلب ولا احيانا يوم ارمسها ترفع صوتها جني سابتها ولا مدري ليش

وما خلت شي بالبيت الا وكسرته مثل التحف والفرن الكهربائي يديد ما استخدمه موليه مره استخدمتها يوم العيد سويت فيه كيك حرقته حسبي الله عليها

وثلاجة الماي كسرتها كل شي ما خلت شي كم مره رمستها وكم من صحن وكم من دله والله تلعوزت وياها

يوم اضاربها تبرر او تسكت موليه والله رمسيها اهزبيها ولا بتسويلج سالفه ولا جنه احد يرمسها والله بس تفر راسها وتم ساكته

شورو علي شو اسويبها بدون اني اكنسلها

ادري طولت بس ابا مساعدتكم للعلم هاي اول مره يكون عندي شغاله في البيت وانا توني معرسه كملت بس سنه ما عندي خبره بها السوالف

المزيد من آخر المواضيع من نفس القسم:

• طريقة ازالة الدهون من الاوني بسهولة وفعالية
• طريقة عمل منظف للزجاج طبيعي في المنزل
• خطوات تنظيف المنزل بوقت قليل وبدون تعب
• افضل طرق تعطير غرف النوم سهلة وفعالة
• طريقة عمل معطر هواء طبيعي في المنزل حصري
• طريقة تنظيف العباية السوداء من بقع المناكير
• طريقة تنظيف الجينز بسهولة وفعاليه
• طريقة تنظيف حوض المطبخ بسهولة وفعالية
• فوائد تخزين القهوه في الفريزر
• كيفية استخدام الخل لتنظيف السجاد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[shoo-o-g]

غصصت بي الله يغربل بليسها

عنبو كل يوم والثاني كسرت لج شي

لو انا مكانج جان كنسلتها ولوتبين غيرها احسن

وعلى طاري الاكل انج تشمين ريحة مو حلوة يمكن حاطة شي فيه توقعي كل شي منهم(مابى اخوفج بس ابى احذرج)

وشكلها جذابة اونها ماتعرف تطبخ لا وبعد تقول لج سويلي شاي قهرتني

انتي حامل ومب زين تراكضين ورى شغل البيت تعب عليج لو تكنسلين ويزتها احسن

الله يعينج الغالية

ويثبت حملج وتولدين بالسلامة امين يارب العالمين

[بيضه]

مشكوره اختي على الرد اصلا ريلي يقدر على طول لانه يشتغل بالجوازات بس ما يحب يرمسها

لانه كم من مره هزبها ورمسها ما ترد يسالها ليش اتسوين جي مول ماترد جنها صمه موليه اتسوي

عمرها بريئه مع انه شكلها ولا يوحي بالبرائه

والله اتغصص

بنات وينكم ليش ما رديتو علي

الله يهديكم بس 14 وحده دشت بس وحده الي ردت

يلا الي عندها الخبره

بس لا تقولون كنسليها لانه كملت سنه خل افتك منها وحرام اخسر عسب اهي مدلعه

[حور العين1]

شورو علي شو اسوي وياها غصصت فيني وصح يوم تطبخ هي احس الاكل فيه
ريحه موحلوه وانا يوم اطبخ احس الاكل عادي اوكي ليش الله اعلم ----------------------- شوفي الغاليه8 انا كنت شراتج يبت وحده طلعت روحي وتسوي عمرها ماتعرف تطبخ ومناك هي ما تبا تعابل عمرها ------ اصلا كرهت الاكل من ايدها حتي الماي واصلا حتي لة طبخت لج انتي بتشكين في الاكل علي طول خلاص - الغاليه مافي الاحل واحد بس وترتاحين من ها المشاكل رجعيها المكتب وهاتي غيرهاااااااا وانا كنت شراتج حامل بعد بس من غيرتها الحمد الله ارتحت --- والسعلوه الي كانت عندي قبل كانت شرات الي عندج ما خلت شي في البيت ما كسرته وانا وريلي كل يوم اضرابه عسب هالشغاله بس الحمد الله الخمد الله الله فكني منها كنسلتها وقدمت علي وحده ثانيه وقبل ما توصل اليديده قصيت لها تذكرتها وما خبرتها الا يوم بتسافر والدريول عند الباب والله وعطيتها معاشها وسفرها ----------- ريحي عمرج وسفريهااااااااااا

[خواطر©]

عزيزتي الخدامة مايبالها جيه

انتي قولي لها عليج الطبخ.. ولازم تتعلمين...
وقوليلها لو انكسر اي شي... بينخصم من معاشج.. يعني اول مرة.. ثاني مرة.. ثالث مرة خصمي 50 من راتبها..
خليها تحس بقيمة الفلوووس....

وقوليلها اي كسر او تخريب.. بقيمة معاشج بنشتري.. يديد.. وممكن اخصم راتبج كامل..بس خوفيها
انا خدامتي من تسمك شي تكسره.. من اعطيها لبس يديد لازم تخربه... والله عباياتي جديده.. حرقتها.. 4 عبايات اتخيلي بس

المهم ماسويت لها عاب وطاب.. خصمت 200 درهم من راتبها..
ومن يومها اتأدبت عدل.. ورجعت لها الفلوس بعد شهرين عسب تتأدب..
والحين تحاسب على الشي شرات عيونها..

والطباخ .. اقوللها انا اليوم بطلع.. وشوي غدا..
وارووح عنها.. ولما ارجع الاقيها مسويه الاكل ........ حتى لو مب لذيذ.. اخليها تسوي مرة ثانيه وثالثه واقوللها المرة اليايه زيدي شوي ملح او قلي شوي زياده.. يعني.. وجيه بتتعلم,,

وحاول ماتعطينها ويه وايد.. يعني مرة في الاسبوع عبريها..

والسموحه منج

[my time]

لاتتعاملين معاها بأسلوب حقير

مهمــا كان هاي آدميه وتاركه بلادها واهلها عسب الرزق

يعني كل شي بالهداوه

انتي بأسلوبج بترومين تخلينها تصطلب

بس بدون هالحركات الكبيـــره

واللي تحرضج على الخدامه مااوافقهــا الراي

لانه الرسول اوصانا بهم..وهم يعتبرون من اهل البيت دام دخلوا وكلوا معانا في نفس المكان

[أم فارس]

مرحبا الغاليه .... صابره عليها سنه ... جان من شفتيها جذيه وديتيها المكتب .. كوني وياها يوم تطبخ قوليلها اطبخي وانا بشوفج وخليها تكتب كل شي انتي تسوينه وبعدين قوليلها طبقيه واذا فيه شي غلط بحاسبج بشوية حزم .. انا جذيه اشرف علي كل شي واذا شي ما عيبني اقولها عيدي مره ثانيه بخليج اسوينه لو عشر مراااات والله بتتقنه ... وقوليلها انتي تبغين تشتغلين ولا ... سهل عندي ايب غيرج واسفرج والله بتسطلب .

[صـدى الأمل]

عزيزتي طولي بالج عليها وعامليها بهداوه

الله يعطيكم خيرها ويبعد عنكم شرها

[لوليانو]

الله يعينج ،،، والله لو أنا مكانج دقيقة ماتم عندي ...

أنا متأكدة تعرف 100 % .. وطبع الفلبينيات " ما يحبن يطبخن " مع إنهن يعرفن ،، بس يحبن يستعبطن ...

أنا من راي : عندج خيارين :

إتسوين شرات ماقالت الإخت : خواطر© .... أو إنج إتسفرينها من معاشها .. لأنه هالأشكال موب محتاجين شغل ،، لو تبا صدق تشتغل ومحتاجه بتشوفينها تشتغل وتحترمج ...

[امطار شرقية]

مرحبا الغالية : الله يعينج بصراحة وعلى موجب ماسمعت ان الفلبنيات بس حق التنظيف ومايحبن يطبخن وهي الظاهر تعودت وهي في الادرن على ان اربابتها تطبخ وهي عليها التنظيف فما عندج الا انج اتخلينها وتتحملين استهبالها بشرط اتقولين لها بخصم من راتبج كلما كسرتي لي غرض او انج اتسفرينها
وبما انج اتشكيين بطعم في الاكل فلاتخلينها تطبخ وبما انج قريب بتربين انصحج اتيبين وحدة مشتغلة قبل وتعرف تطبخ ولازم تتشرطين على المكتب انها تطبخ وانتي وحطج وبالسلامة ان شاء الله ^_^

[سحايب دبي]

قصي عليها قوليلها لو تشجعتي وتعلميت الطبخ عدل بزيد معاشج
ويوم بتتعلم زيديها شي بسيط وسكتيها وارتاحي

[umm yoser]

انا ولله حسه فيك لان اللى بتحكى دة انا عيشته قبلك مع الاندونسية اللى عندى الحين
يوم ما جبيتها من المكتب كانت كاتبة فى ال C.V. تعرف تطبخ وتربى اولاد وتنظف وعنده خبرة 6 سنوات
2 سعودية - 2- يمن - 2 عمان
وفوجئت بيها ولا تعرف تتطبخ ولا حتى تنظف زى الناس وانا من النوع الطيب بس اعصب بسرعة- اسالها يتعرفى تعمل الشطة الاندونسى تقول لا طب تاكلى ايه فى بلدك تقولى رز ودجاج وسمك - طيب اعمل رز ودجاج تقولى انا ما يعرف امال بتكلى اية انا فى يشترى كله جاهز.
روحت جبتها وقولتها انا اقول وانتى اكتبى بالغتك اللى تفهميها - وكل طبخة اخليها توقف جنى وتشوفنى وانا باعملها وتكتب
المرة اللى بعدها اخليها تعمل تحت اشرافى - بعد كده اتحسنت شوية بس كل شوية تكسر بايركس تكسر كاس وايديها ما تترعش اللى على الكاسات الغالية- تخيلي دلوقتى بتعمل هى لوحدة ورق العنب البيتزا فطاير السبانح - المكرونة.هى دلوقتى عندى باقلها 4 شهور حتى شكلها اتغير مش بس شغلها.
كان عندى وحدة قبلها فليبنية كانت اخت شغالة صحبتى كانت شعلة نظفة واكلات روعة حلويات - بس كان عيبها انها مسيحية فجوزى قالى مش هنجددلها

[الدبة الحلوه]

عزيزتي الخدامة مايبالها جيه

انتي قولي لها عليج الطبخ.. ولازم تتعلمين...
وقوليلها لو انكسر اي شي... بينخصم من معاشج.. يعني اول مرة.. ثاني مرة.. ثالث مرة خصمي 50 من راتبها..
خليها تحس بقيمة الفلوووس....

وقوليلها اي كسر او تخريب.. بقيمة معاشج بنشتري.. يديد.. وممكن اخصم راتبج كامل..بس خوفيها
انا خدامتي من تسمك شي تكسره.. من اعطيها لبس يديد لازم تخربه... والله عباياتي جديده.. حرقتها.. 4 عبايات اتخيلي بس

المهم ماسويت لها عاب وطاب.. خصمت 200 درهم من راتبها..
ومن يومها اتأدبت عدل.. ورجعت لها الفلوس بعد شهرين عسب تتأدب..
والحين تحاسب على الشي شرات عيونها..

والطباخ .. اقوللها انا اليوم بطلع.. وشوي غدا..
وارووح عنها.. ولما ارجع الاقيها مسويه الاكل ........ حتى لو مب لذيذ.. اخليها تسوي مرة ثانيه وثالثه واقوللها المرة اليايه زيدي شوي ملح او قلي شوي زياده.. يعني.. وجيه بتتعلم,,

وحاول ماتعطينها ويه وايد.. يعني مرة في الاسبوع عبريها..

والسموحه منج

هذا الكلام الصح

اختي ما تعرفين ان مايحرق بطون البشاكير إلا معاشاتهم ؟؟

ولا تتعبين نفسج بس هددي بالراتب وبتشوفين العجب هههههه

[ام رامس]

هيه انااا مع الاخت خواطر ... حبيبتي شو تبين من شاهيها يمكن سوتلج شي وتقولين الاكل فيه رايحه تدرين ان الاكل مب طبيعه بعد ج تبينهااااااااااا تسويلج لا والله ماااا ابا تسويلي شي انا بسوي عمريه حشااااااااااا ما يسوي علنيااااااااا يعني بموت اذا ما سويت شاي انا بسوي من ايدي بحس فيه نكهه حلووو مب هي تسوي شي في شاي ما دام انج شاكه فيه اصبر ي عليهااااااااااا خليها تنظف وتكوي وترتب بس اما الاكل عليييج لاسمح الله تسوي شي في الاكل...
مدام انتي وياها دوم هوااش صبري لين ماتربين وسفريهاااا وعلى فكره الفلبينيات مايحبن الاطفال يعصبن ويضربن بعد مايتحمل..وانصج بالاندونيسيات اللي يشتغلن في السعوديه ينج اووكي..
واسمحولي طولت عليكم..مع السلامه.....

[بيضه]

بنات انا اعاملها اوكي مره وشو سالفة حقاره هذي انا مره اعامله اوكي بس

هي كله شايفه عمرها ويوم ترمسج جنج اتني الي تشتغلين وياها وترفع حوايبها يوم ترمسج

والله لا عيال ولا شي البيت هدوء والشغل مب وايد وعن سالفة ماتحب اللعيال ما اعتقد كانت اتقول اذا البيت فيه اعيال

احلى ويوم نسير بيت امي تلعب ويا الصغاريه هي مره راوتني صورها وصور اهلها مره مره فقرا وعلى ايش تتخقق

الله اعلم والله يوم اييب لها تنانير ولبس حق العيد ولا غاليين تتخقق والله هذا عادي مب حلو طويل اطلع لج ميت عله

بالبس والله تقهر حتى كلمة شكر ما تقولها

وسالفة الريحه ما اقصد ريحه غريبه ريحة طباخ يعني ما تشمين ريحة اكل حلوه اتشمين ريحة دياي ني جنه بعده

ما انطبخ وبصل وثوم هاي السوالف جم مره اعلمها اتكايد لانها ما تبا تطبخ يوم اقولها الملح وايد قللي تييج باجر موليه ولا قطرة ملح والعكس واذكر مره علمتها تخبز خبز عادي وحطيت لها المقادير والكميه الملح يكون بس خاجوكه
اصغيره بس امسويتلج فنيان شاي الكبير كله ملح والله انتيقلتيلي والخبز طعمه مالحه مو خبز اكلتها اياها

قلت لها ها انتي كليه والله تستهبل

وايد وايد اشيا بس انا ابا طريقه اكسر غرورها ليش شايفه عمرها هي والله مستغربه ناس فقرا ويتخققون

ويوم اقول لها مدام ما تبين تشتغلين ليش يايه بسفرج اذا ظليتي على ها الحال تقول وبكل ثقه عاااااديييي سفريني

وديني المكتب والله من حزتها انا اكرها وبعد لانها استغفر الله مال سوالف يعني فاهمين انتو من حزتها كرهتها

وحتها اي شي ما اباها اتشوفه وياي حتى ما اباها اتشوف قمصاني النوم لانها .... فاهمين وانا اخاف لبيتي

واذكر بعد يوم تحطي الاكل اتم كله اطالع ريلي حتى ريلي لاحظ يقول ليج جي هاي

واذا يلسنا بالصاله ما ادق الباب تستأذن لا سيده تدخل لانه قليلة ادب حتى يوم نكون في الغرفه على طول ادش

جم مره علمتها بس هي جي قليلة ادب والله بلوه وبتليت فيها لانها يوم كانت بالاردن راوتني صور ربعها استغفر الله

كانو بالكازينو والديسكوهات وتعرفون لبسهم كيف بس الي استغربت منه صورتها ما كانت موجوده يوم اسالها تقول ويا ربعي

وهي عندها بوي فريند والله يحبها وتحبه وبيخطبها وهو الي قص عليها يوم قلت لكم انها .×.. عارفين شو اقصد

خبرت ريلي من البدايه ما طاع والحين متندم ما يباها بس والله خساره وتعب الين ما تحصلين وحده والي قاهرني

معاشها 700 على ايش ياحظي موليه ما تعرف شي جني انا فرحانه فيها لانها ما تعرف شي واعطيها ها المبلغ

والله البنجاليين والسرلانكيين الي ياخذون على ما اعتقد 400 تقريبا احسن منها وااايد

ساااااااااااااااااااعدووووووووووونييييي يا خواااااااااااتي بكيفية اني اخليها تصطلب وترمسني عدل