مركز صحتين في دبي

**أحب عيالي** · 2007-11-19, 19:39

السلام عليكم و رحمة الله و بركاته

شحالكم يا خواتي

.. حبيت اخبركم عن تجربة اختي مع مركز صحتين في دبي و الي كانت نتايجه عجيييييييييبه ..

اختي كان وزنها 93 و نص .. و بدت مع مركز صحتين و نظامهم كالتالي..

اول شي يسوونه يسوون فحص دم لج و يشوفون شو يناسبج من الاكل .. و عقب يعطونج البرنامج و النصايح الي بتمشون عليها ..

برنامجها كان كالاتي ..من الامور الاساسيه الاجباريه ..

اهم شي الماي .. اجباري 3 ليتر في اليوم .. و كل ما شربتي ماي كل ما نزل الوزن و تخلص الجسم من الدهون .. ( اختي على قولتها مثانتها صدت خخخخ ) بتسوون عقد ويا بيت الراحه لانه الكميه مب قليله بس صدقوني بتتعودون ..

و مب اقل عن 5 الى 6 ساعات بين الوجبات .. يعني لازم تنشون الصبح تتريقون و ترتبون وجباتكم .. و اخر وجبه ما تكون عقب ال 9 او 10 فليل عشان الجسم يلحق يحرق الوجبه قبل لا ترقدون و يتكود في الجسم ..

3 انواع من الفيتامينات ضروريه لانه طبعه الاكل ما بيسد حاجه الجسم من كل انواع الفيتامينات .. و ما ينباع في اي مكان في صيدليه هم بيقولولكم من وين في بوظبي و دبي بس .

بدون رياضه و هذا احلى جزء

الي رياضي و يبا يحافظ ممكن يسوي رياضه و هم بيعطونكم كتيب فيه انواع الرياضه .. بس اختي ما كانت تقدر تلعب رياضه تحس بدوخه يمكن مشي نص ساعه او ساعه بالكثير يوميا يكفي ..

الاكل لازم يكون فرش يعني بتسوون شوبيينج وايد خخخ .. و ينوزن قبل لا تطبخونه و تذوبونه اذا كان مثلج سواء كان بروتينات او خضروات .. والصراحه مب مقصرين عطووها لستااات بانواع كثيره ما انحرمت منها كانت تاكل اللحم و الدياي و السمج و الربيان و النغر ( الكلماري ) صح كميات قليله و لكن تعودت عليها

الكربوهايدرات ( النشويات ) في انواع من البسكوت محدده تاكل 5 قطع يوميا .. فقطع مع او بين الوجبات ..

ونوعين فروت يوميا بس اجباري واحد منهم يكون تفاح .. و النوع الثاني حسب الجدول ..

بيعطونكم جدول في 3 اختيارات من كل اختيار تختارون وجبه وحده فقط يعني مثلاه .. الريوم يكون من اختيار رقم ( 1 ) .. و الغدا يكوزن من اختيار رقم ( 2) ما ايوز وجبتين من اختيار واحد .

ممم شو بعد ... بس تقريبا هاي اهم الاشيا الي تكون ظروريه .

بعد الرجيم او بالاحرى بعد ما توصلون الهدف او الوزن الي تبونه . تشوون فحص دم ثاني و يشوفون في المركز نوع نظام التثبين و يكون تقريبا لمده اسبوعين تقريبا .. اجباري تسوون التثبيت .. لانه يقلل من احتماليه استرجاعكم لنفس الوزن ..

تعرفون كم نزلت اختي في خلال اربع شهور ونص تقريبا ؟؟؟

25 كيلو ... صار وزنها 69

والله و الكل استغرب في هالفتره نزلت هالوزن كله ..

المهم .. اكيد كلكم بتسالون بكم يكلف هالنظام .. تقريبا 2500 ... و معقبها ما تدفعون اي شي .. و على فكره هالنظام بيكون لج .. و تسوينه متى ما تبين .. حتى لو بعد 10 سنوات .. يعني نظام غذائي لمدى الحياه .. اذا رجعتي و زدتي و تبين تسوين كونترول ترجعين لنفس النظام الي عندج ..

اذا في اي سؤال و تبون عنوانهم و موقعهم عندي .. و الي يشتغلن امريكيات وااااااااااايد متعاونات ..

اتمنى انكم اذا بديتوا تستمرون لانه ما في شي يصير بسهوله و ما في شي ما يباله عزيمه...

المزيد من آخر المواضيع من نفس القسم:

**أم غـلا** · 2007-11-19, 20:47

الصراحة انا وحدة ماروم اتحكم بجسمي

**عيون دبي** · 2007-11-20, 08:59

الغاليه ممكن اتخبريني وين هالمركز الصحي؟ وممكن اتخبريني اذا صار لها اي ترهلات وشو سوت في هالسالفه؟؟؟؟؟

**أحب عيالي** · 2007-11-21, 09:46

ااكيد في ترهلات لانها نزلت تقريبا 25 تخيلي الفرق + انها ما لعبت رياضه .. لكن النظام سوالها شد بسيط في كل جسمها تناسق اكثر.. و لاحظت انها اذا وقف وزنها خلال الرجيم يصير لجسمها شييبينج .. يعني جنه شدلها بعض الاماكن بس طبعا مب نفس الرياضه !!

**الامنيات الثلاثة** · 2007-11-24, 16:36

lممكن الغالية رقم التلفون والعنوان

**أسومي** · 2007-11-24, 21:17

ما شاء الله..!

تسلمين يالغالية ع المعلومات..
ويا ريت تكملين معروفج وتعطينا عنوان ورقم المركز

يعطيج العافية

**شموخ دبي** · 2007-11-25, 00:26

وين مكانه في دبي وكم رقمهم؟

مشكوره الغاليه

**Differento** · 2007-11-25, 00:39

ممكن رقم المركز؟؟

ومشكوره ع الافادة ..

**عيون دبي** · 2007-11-25, 13:23

الغاليه وين هالمركزين في دبي؟ وشو اسعارهم؟

**makira** · 2008-01-16, 17:39

المركز وين في دبي بالظبط؟

**العمركلله** · 2008-01-16, 23:29

ممكن عنوانهم

**العمركلله** · 2008-01-16, 23:38

كم سعرهم؟

**دوم بالي مشغلول** · 2008-01-17, 08:11

لوسمحتي وين المكان

**أنا الغلا كله** · 2008-01-22, 23:29

الغاليه يعطيج العافيه ممكن عنوان المركز ورقم التيلفون ؟

الموضوع: مركز صحتين في دبي

أدوات الموضوع

عرض

مركز صحتين في دبي

المزيد من آخر المواضيع من نفس القسم:

المواضيع المتشابهه

كتاب صحتين وعافية الجزء السادس؟؟وين احصله

كتاب الطبخ للاكلات المجربه (صحتين وعافيه)

ترقبواااا كتاب الطبخ ((صحتين وعافيه))