الياسمين .. قصه نهايه حب **ارجوووا الدخوول **

[alaneeda]

بصراحه حبيت اعرض عليكم قصيده .. تحمل قصه واقعيه .. قصه حب انتهى بسبب جشع وطمع بعض الاهالي.. قصه حب حكم عليه بالاعدام .. هذه القصيده بقلم وصوت شاعرها .. المبدع دائما طارق المحياس .. الشاعر الاماراتي المتألق

يقول الشاعر عن القصيده : هذي القصيده عباره عن قصه واقعيه صارت لواحد من اعز ربعي .. وانا كتبتها على اساس انها قصيده وكان اسم البنت (ياسمين)

وهذي هي القصيده بصوت شاعرها .. مع الملاحظ ان في مقاطع من القصيده يلقيها الشاعر وهو يبكي ..!!


ليش قلبج يا بعد عمري حزين .. والله مو بلايق عليج هذا الزعل
يا حلاتج يوم انتي تضحكين .. افتحي قلبج وقولي وش حصل ؟
من تجرأ من قطف هالياسمين .. من حرمه الزين قبل ما يكتمل
من كسر لقبه وشعوره بكلمتين .. ويدري قلبه للعتب ما يحتمل
منهو ارخص قيمه الغالي الثمين .. ويدري انه في عيوني له محل
ومن يقول الحب ما يقطر حنين .. ومن يقول انه وسط قلبي ذبل


يلا قومي يلا لاتتكيسلين .. خلي حلمي وياج يوصل لي زحل
يلا قومي يلا لاتتشاورين .. خلي حبنا يكون للعالم مثل


قالت اصبر قلت انتي تامرين .. وطالعتني بعين يملاها الوجل
ولا اردايا ذرفت دمعتين .. وقالت ان الزين ابد ما يكتمل ..


قلت قوليلي ترى سرج دفين .. ما بخبر حد لو مهما حصل
بس دخيلج ما ابي هالدمع يبين .. مو بعشان شي بس والله ما حتمل
طالعتني وقلت لها شطالعين .. ماله داعي للعواطف والخجل
هذا مو بوقته في ويهي تسرحين . جاوبي احساس قلبي اللي سأل


قالت الشده بعد فترة تلين .. والفرح يقبل اذا باقي امل
والشقى لازم في يوم انه يهين .. والصعب يأتيه وقت يكون سهل


قلت لها قوليلي ولا تلمحين .. ما احب اسمع كلام به جدل
قولي شالموضوع اذا انج تسمحين .. وخلي الخوف اللي فيني يرتحل


قالت اهلي ساوموني بدرهمين .. وقرروا انهم يزوجوني بعجل
يه خطبني شخص بعمري مرتين .. ويابو المأذون والعقد اكتمل
وافقوا لانهم ذماله طامعين .. وبالتجاره والمراكز والفلل
ليش لأ دام انهم رابحين .. يمكن انهم يطلعون بكم محل..‍‍!


قالت إلحقني إلحقني ومد لي هاليدين .. ضاع فكري وطار من راسي العقل
من لي غيرك اشتكي له يالضنين .. عطني رايك عطني ولو ذره امل
صرت انا وياك ضمن التايهين .. والحزن في دربنا توه استهل
ليش يا دنيا في ويهي تعبسين .. حظي المايل متى بس يعتدل


قالت تكلم ولو بس جملتين .. لا اتم ساكت ترى وردي ذبل
قول اي شي قول لو كلمتين .. وانت اللي بس لامره امتثل


صدمتي كانت معاها صدمتين.. صدمتني كانت في هالمره دبل.
كنت ابي اسالها شرايج تملجين .. دام اخذنا الدبله والحب اكتمل ..


ما نطقت بشي وانا ميت حزين .. والدمع من فوق وجناتي همل
قمت اشاهق مابي انوحي يبين .. كني خيل باعلى صرخاته صهل


قمنا نطالع بعض عين بعين .. ما تكلما إلين الليل حل
قالت انطق لاتقول انزين انزين .. وانا ساكت والفرح عني رحل


كنت اظن احنا لبعضنا مكملين .. مادريت ان الحظ عاند بالفعل
كنت انا وحدي في عالمها سجين .. وكنت اقول الحظ اخيرا اعتدل


قلت لها اذكر كلامج لين الحين .. يوم تقوليلي تراك احسن ريل
صحت فجأه وقلت لها تذكرين . يوم كنا نخطط لشهر العسل ..‍
قلت عشاني قومي ولا تزعلين .. وارضي بالواقع مادام انه حصل
اسمج بيبقى وسط قلبي دفين .. والقمر لازم في يوم بيكتمل
والله بفرح دام انتي بتفرحين . يلا خلينا بعرسج نحتفل
واصفعتني كف عالخد والجبين .. وقالت انت قاعد تكلم طفل..؟


قلت لها وصوتي بنبراته حزين .. اوعديني هالزعل اخر زعل
لانه قلبج ينعرف يوم تزعلين .. والله مو بلايق عليج هذا الزعل
ومهما ناديتج ابد لا تجاولين .. قصه الحب انتهت انتهت مات البطل


افترقنا بعد كل هذي السنين .. وللاسف حبنا في هالمره فشل
انتهى مشوار احلى عاشقين ..كلن بدربه ولكن ما وصل
كل واحد ينسى مع مر السنين . لكن الذكرى امرها مو بسهل
لين اخر يوم في عيني تسكنين .. وصورتج تبقى مثل بدر اكتمل


في بعض الاوقات اقعد مستكين .. بس افكر لين يذبحني الملل
بالفعل قطفوا زهور الياسمين .. قطفوا الزهره قبل ما تكتمل ...!!


مع تحياتي: العنيدة

منقوووول

المزيد من آخر المواضيع من نفس القسم:

• الحكاية إنك أجمل من تفاصيل الحكاية
• مجموعة كتب لعميد الادب العربي : طه حسين
• سلسلة مؤلفات الروائية احلام مستغانمي
• لا يهمّ من لا يُذنب...
• أنا تراب...
• فالكاذب يكُنْ ما يريد ..!لعبدالحليم الطيطي
• هاتي جمالك...........لعبدالحليم الطيطي
• يممت الفؤاد
• الحُبّ ترينه إذا نزل...
• طريق طويلة جميلة،،لعبدالحليم الطيطي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[نبض الألم]

صح لسان شاعرنا القدير طارق المحياس
في ذمتي مافيه حيلة
وهالابداع مب يديد عليه
متعودين ع قصايده اللي صدق تلامس الاحساس واللي يقراها يحس انه عايش هالتجربه

والله وانا أقراها حسيت قلبي منقبض

الله يسعد كل محزون ومهموم في هالدنيا

...

وتسلميييييين حبيبتي ويسلملي هالذوووووووق الراقي
أبدعتي باختيارج

يعطيج ألف عافية ,, وألف شكر لج ياالغلا

ونتريا الزود منج

لا خلا ولا عدم منج يا رب

اختج..

نبض الألم

[alaneeda]

مشكوره فديتج على المرور اللي اروع من رائع
صدقني انا سمعت وهو يلقيها كاان يصيح

<<<< انا وراه حساسه ووايد

[سراب الشارجه]

انتهى مشوار احلى عاشقين ..كلن بدربه ولكن ما وصل
ا
مشكووره على النقله والله يعطيج العافيه

[ms.goldy]

مشكوووووووووووووره على النقل والله يعين كل من خلا حبيبه او انجبر يخليه

[alaneeda]

مشكورات فديتكم على المرور الغااوي
يارب رجع كل حبيب لحبيبته ولا يفرقهم